ਸੁਨਾਮ : ਸ਼ਹਿਰ ਵਿੱਚੋਂ ਲੰਘਦੇ ਫਲਾਈਓਵਰ ਦੇ ਹੇਠਾਂ ਸਥਿਤ ਖਾਲਸ ਪ੍ਰੇਮ ਮਾਰਗ ਬਿਮਾਰ ਗਊਆਂ ਦੇ ਪਿੰਗਲਵਾੜੇ ( ਗਊਸ਼ਾਲਾ ) ਵਿਖੇ ਮਕਰ ਸੰਕ੍ਰਾਂਤੀ ਦੇ ਪਵਿੱਤਰ ਦਿਹਾੜੇ ਮੌਕੇ ਗਊਆਂ ਦੀ ਸੇਵਾ ਹਿੱਤ ਕਮਲ ਮੈਨਨ ਦੀ ਅਗਵਾਈ ਹੇਠ ਕੀਰਤਨ ਮੰਡਲੀ ਵੱਲੋਂ ਕੀਰਤਨ ਕੀਤਾ ਗਿਆ। ਸ਼੍ਰੀ ਕ੍ਰਿਸ਼ਨ ਭਗਵਾਨ ਜੀ ਦਾ ਗੁਣਗਾਨ ਕੀਤਾ ਗਿਆ। ਕੀਰਤਨ ਮੰਡਲੀ ਵੱਲੋਂ ਗਊਆਂ ਲਈ 11 ਕੁਇੰਟਲ ਹਰਾ ਚਾਰਾ, ਪੰਜ ਬੋਰੀਆਂ ਫੀਡ ਤੇ ਨਕਦ ਰਾਸ਼ੀ ਗੁਪਤ ਦਾਨ ਵਜੋਂ ਗਊਸ਼ਾਲਾ ਨੂੰ ਭੇਂਟ ਕੀਤੀ ਗਈ। ਕੀਰਤਨ ਮੰਡਲੀ ਦੇ ਮੁਖੀ ਸ੍ਰੀਮਤੀ ਕਮਲ ਮੈਨਨ ਆਪਣੀ ਮੰਡਲੀ ਦੀਆਂ ਮੈਂਬਰ ਮਹਿਲਾਵਾਂ ਨਾਲ ਪਿਛਲੇ ਕਾਫੀ ਸਮੇ ਤੋਂ ਗਊਸ਼ਾਲਾ ਵਿੱਚ ਲਗਾਤਾਰ ਕੀਰਤਨ ਦੀ ਸੇਵਾ ਕਰਦੇ ਆ ਰਹੇ ਹਨ। ਉਨ੍ਹਾਂ ਗਊਆਂ ਦੇ ਸੇਵਾ ਨੂੰ ਮਹੱਤਵਪੂਰਨ ਦੱਸਦਿਆਂ ਕਿਹਾ ਕਿ ਮਨੁੱਖ ਨੂੰ ਬੇਜ਼ੁਬਾਨ ਲਾਵਾਰਿਸ ਪਸ਼ੂਆਂ ਦੀ ਸੇਵਾ ਸੰਭਾਲ ਲਈ ਯਤਨਸ਼ੀਲ ਰਹਿਣਾ ਚਾਹੀਦਾ ਹੈ। ਇਸ ਮੌਕੇ ਜੋਗਿੰਦਰ ਸਿੰਘ ਸਾਰੋਂ ਸਰਪ੍ਰਸਤ, ਸ਼ਾਮ ਲਾਲ ਬਾਂਸਲ ਪ੍ਰਧਾਨ, ਵਿਕਰਮਜੀਤ ਸਿੰਘ ਵਿਕੀ ਮੈਨੇਜਰ, ਕ੍ਰਿਸ਼ਨ ਸੰਦੋਹਾ, ਅਸ਼ੋਕ ਕੁਮਾਰ ਜਿੰਦਲ, ਰਾਜ ਕੁਮਾਰ ਗੋਇਲ, ਓਮ ਪ੍ਰਕਾਸ਼ ਮਾਰਡੇ,, ਡਾਕਟਰ ਸਤਪਾਲ ਗਰਗ,ਡਾਕਟਰ ਗਗਨਦੀਪ ਸਿੰਘ, ਰਸਵੀਰ ਸਿੰਘ ਜਵੰਧਾ, ਗੁਰਪ੍ਰੀਤ ਸਿੰਘ ਬਖਸੀ਼ਵਾਲਾ,ਲਾਜਪਤ ਰਾਏ ਗਰਗ, ਅਸੋ਼ਕ ਸਿੰਗਲਾ ਸਕੱਤਰ, ਬਿਮਲ ਸ਼ਰਮਾ ਸਾ਼ਲੂ, ਡਾ, ਹਰਜਿੰਦਰ ਸਿੰਘ, ਗੁਰਦੀਪ ਸਿੰਘ ਦੀਪੀ, ਜੀਤ ਸਿੰਘ ਸਾਰੋਂ, ਤੋਂ ਇਲਾਵਾ ਸ੍ਰੀਮਤੀ ਕਮਲ ਮੈਨਨ ਸ਼ਸ਼ੀ ਗਰਗ, ਸੰਤੋਸ਼ ਬਾਂਸਲ, ਬਿੱਟੀ ਸ਼ਰਮਾ, ਰੀਟਾ, ਭੋਲੀ, ਪੁਸ਼ਪਾ, ਕੰਚਨ, ਮਮਤਾ ਤੇ ਊਸ਼ਾ ਸਮੇਤ ਮੰਡਲੀ ਦੀਆਂ ਮੈਂਬਰ ਹਾਜਰ ਸਨ। ਸ੍ਰੀਮਤੀ ਕਮਲ ਮੈਨਨ ਵੱਲੋ ਗਊਸ਼ਾਲਾ ਦੇ ਸੇਵਾਦਾਰਾਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।