ਚਾਰ ਰਾਜ਼ਿਆਂ ਵਿੱਚ ਫੈਲੇਗਾ ਅਰਾਵਲੀ ਗ੍ਰੀਨ ਵਾਲ ਪੋ੍ਰਜੈਕਟ
ਚੰਡੀਗੜ੍ਹ : ਹਰਿਆਣਾ ਦੇ ਵਾਤਾਵਰਣ, ਵਨ ਅਤੇ ਜੰਗਲੀ ਜੀਵ ਮੰਤਰੀ ਰਾਓ ਨਰਬੀਰ ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਹਰਿਆਣਾ ਸਰਕਾਰ ਵੱਲੋਂ ਅਰਾਵਲੀ ਖੇਤਰ ਵਿੱਚ ਇੱਕ ਮਹੱਤਵਪੂਰਨ ਜੰਗਲ ਸਫਾਰੀ ਪੋ੍ਰਜੈਕਟ ਅਤੇ ਅਰਾਵਲੀ ਗ੍ਰੀਨ ਵਾਲ ਪੋ੍ਰਜੈਕਟ ਤਿਆਰ ਕੀਤਾ ਹੈ। ਇਸ ਪ੍ਰੋਜੈਕਟ ਦਾ ਟੀਚਾ ਨਾ ਸਿਰਫ਼ ਇਕੋ-ਟੂਰਿਜ਼ਮ ਨੂੰ ਵਧਾਉਣਾ ਹੈ ਸਗੋਂ ਜੈਵ ਵਿਵਿਧਤਾ, ਜੰਗਲੀ ਜੀਵ ਸਰੰਖਣ ਅਤੇ ਸਥਾਨਕ ਲੋਕਾਂ ਨੂੰ ਰੁਜਗਾਰ ਦੇ ਮੌਕੇ ਪ੍ਰਦਾਨ ਕਰਨਾ ਵੀ ਹੈ।
ਅਰਾਵਲੀ ਗ੍ਰੀਨ ਵਾਲ-ਚਾਰ ਰਾਜ਼ਿਆਂ ਵਿੱਚ ਫੈਲਿਆ ਵਾਤਾਵਰਣੀ ਯਤਨ
ਉਨ੍ਹਾਂ ਨੇ ਦੱਸਿਆ ਕਿ ਅਰਾਵਲੀ ਭਾਰਤ ਦੀ ਸਭ ਤੋਂ ਪੁਰਾਣੀ ਪਹਾੜੀ ਲੜੀ ਹੈ, ਜੋ ਹਰਿਆਣਾ, ਰਾਜਸਥਾਨ, ਗੁਜਰਾਤ ਅਤੇ ਦਿੱਲੀ ਸਮੇਤ ਚਾਰ ਰਾਜ਼ਿਆਂ ਵਿੱਚ ਫੈਲੀ ਹੋਈ ਹੈ ਅਤੇ 1.15 ਮਿਲਿਅਨ ਹੈਕਟੇਅਰ ਖੇਤਰ ਨੂੰ ਕਵਰ ਕਰਦੀ ਹੈ। ਕੇਂਦਰ ਸਰਕਾਰ ਨੇ ਹਰਿਆਣਾ ਨੂੰ ਅਰਾਵਲੀ ਗ੍ਰੀਨ ਵਾਲ ਪੋ੍ਰਜੈਕਟ ਅਤੇ ਜੰਗਲੀ ਸਫਾਰੀ ਦਾ ਜਿੰਮਾਂ ਸੌਂਪਿਆ ਹੈ ਜੋ ਵਾਤਾਵਰਣੀ ਦ੍ਰਿਸ਼ਟੀਕੋਣ ਨਾਲ ਇੱਕ ਮੀਲ ਦਾ ਪੱਥਰ ਸਾਬਿਤ ਹੋਵੇਗਾ।
ਜੰਗਲੀ ਜੀਵ ਸੁਰੱਖਿਆ ਪ੍ਰਤੀ ਵੱਧ ਰਹੀ ਹੈ ਯੁਵਾ ਦਿਲਚਸਪੀ
ਸ੍ਰੀ ਰਾਓ ਨਰਬੀਰ ਸਿੰਘ ਨੇ ਕਿਹਾ ਕਿ ਜਲਵਾਯੂ ਬਦਲਾਓ ਅਤੇ ਪ੍ਰਦੂਸ਼ਣ ਦੇ ਦੌਰ ਵਿੱਚ ਵਾਤਾਵਰਣ ਸਰੰਖਣ ਇੱਕ ਵਿਸ਼ਵਵਿਆਪੀ ਚਿੰਦਾ ਬਣ ਗਿਆ ਹੈ। ਊਨ੍ਹਾਂ ਨੇ ਕਿਹਾ ਕਿ ਕੁਦਰਤ ਅਤੇ ਜੰਗਲੀ ਜੀਵਾਂ ਪ੍ਰਤੀ ਸੰਵੇਦਨਸ਼ੀਲ ਹੋ ਕੇ ਹੀ ਅਸੀ ਵਾਤਾਵਰਣ ਸੰਤੁਲਨ ਬਣਾਈ ਰੱਖ ਸਕਦੇ ਹਨ। ਅੱਜ ਕਈ ਯੁਵਾ ਸਟਾਰਟਅਪ ਅਤੇ ਨਿਜੀ ਸੰਸਥਾਵਾਂ ਵੀ ਜੰਗਲੀਜੀਵ ਸਰੰਖਣ ਵਿੱਚ ਭਾਗੀਦਾਰੀ ਕਰ ਰਹੀਆਂ ਹਨ, ਜੋ ਸਰਕਾਰੀ ਯਤਨਾਂ ਨੂੰ ਮਜਬੂਤ ਬਣਾ ਰਹੀ ਹੈ।
ਨਾਗਪੁਰ ਅਤੇ ਜਾਮਨਗਰ ਜਿਹੇ ਪ੍ਰੋਜੈਕਟਾਂ ਨਾਲ ਲਈ ਜਾ ਰਹੀ ਹੈ ਪ੍ਰੇਰਣਾ
ਮੰਤਰੀ ਨੇ ਦੱਸਿਆ ਕਿ ਇਹ ਪ੍ਰੋਜੈਕਟ ਪਹਿਲਾਂ ਸੈਰ-ਸਪਾਟੇ ਅਧੀਨ ਸੀ, ਪਰ ਹੁਣ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਦੇ ਨਿਰਦੇਸ਼ ਅਨੁਸਾਰ ਇਸ ਦੀ ਜਿੰਮੇਦਾਰੀ ਵਨ ਵਿਭਾਗ ਨੂੰ ਦਿੱਤੀ ਗਈ ਹੈ। ਉਹ ਆਪ ਨਾਗਪੁਰ ਦੀ ਗੋਰੇਵਾੜਾ ਸਫਾਰੀ ਅਤੇ ਗੁਜਰਾਤ ਦੀ ਵਨਤਾਰਾ ਪੋ੍ਰਜੈਕਟ ਦਾ ਦੌਰਾ ਕਰ ਚੁੱਕੇ ਹਨ। ਹਰਿਆਣਾ ਸਰਕਾਰ ਦਾ ਟੀਚਾ ਹੈ ਕਿ ਇਸ ਮੇਗਾ ਪ੍ਰੋਜੈਕਟ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਹੱਥਾਂ ਨਾਲ ਕਰਾਇਆ ਜਾਵੇ।
ਵਾਤਾਵਰਣ ਸਬੰਧੀ ਲਾਭਾਂ ਨਾਲ ਮਿਲੇਗਾ ਰੁਜਗਾਰ ਦਾ ਮੌਕਾ
ਅਰਾਵਲੀ ਗ੍ਰੀਨ ਵਾਲ ਪੋ੍ਰਜੈਕਟ ਰਾਹੀਂ ਸਵਦੇਸ਼ੀ ਪ੍ਰਜਾਤਿਆਂ ਦਾ ਵਨ ਲਗਾਉਣਾ, ਮਿੱਟੀ ਦੀ ਸਿਹਤ ਵਿੱਚ ਸੁਧਾਰ, ਭੂਮੀਗਤ ਪਾਣੀ ਰੀਚਾਰਜ ਅਤੇ ਜੈਵ ਵਿਭਿੰਨਤਾ ਨੂੰ ਸੁਰੱਖਿਅਤ ਰੱਖਿਆ ਜਾਵੇਗਾ। ਇਸ ਨਾਲ ਨਾ ਸਿਰਫ਼ ਹਰਿਆਣਾ ਦੇ ਵਾਤਾਵਰਣ ਨੂੰ ਬਲ ਮਿਲੇਗਾ, ਸਗੋਂ ਸਥਾਨਕ ਨੌਜੁਆਨਾਂ ਨੂੰ ਵਨ ਮਿਤਰ ਦੇ ਰੂਪ ਵਿੱਚ ਅਤੇ ਹਰਿਤ ਰੁਜਗਾਰ ਦੇ ਮੌਕੇ ਪੈਦਾ ਹੋਣਗੇੇ
ਰਾਓ ਨਰਬੀਰ ਸਿੰਘ ਨੇ ਅਪੀਲ ਕੀਤੀ ਕਿ ਸਾਰਿਆਂ ਨੂੰ ਜੰਗਲੀ ਜੀਵਾਂ ਦੀ ਸੁਰੱਖਿਆ ਅਤੇ ਸਰੰਖਣ ਪ੍ਰਤੀ ਸੰਕਲਪ ਲੈਣਾ ਚਾਹੀਦਾ ਹੈ ਕਿਉਂਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਵੀ ਮਨ ਦੀ ਗੱਲ ਪ੍ਰੋਗਰਾਮ ਵਿੱਚ ਇਸ ਗੱਲ ਦਾ ਜਿਕਰ ਕੀਤਾ ਸੀ।