ਸੰਦੌੜ : ਸੰਤ ਬਾਬਾ ਅਤਰ ਸਿੰਘ ਖਾਲਸਾ ਕਾਲਜ ਦੇ ਪ੍ਰਿੰਸੀਪਲ ਡਾ ਕਪਿਲ ਦੇਵ ਦੀ ਅਗਵਾਈ ਅਤੇ ਡਾ ਗੁਰਪ੍ਰੀਤ ਸਿੰਘ (ਟੂਰ ਡਇੰਚਾਰਜ) ਦੀ ਨਿਗਰਾਨੀ ਹੇਠ ਹੋਏ ਇਸ ਟੂਰ ਵਿੱਚ ਜੇ ਐਮ ਸੀ ਤੋਂ ਇਲਾਵਾ ਵੀ ਹੇਰ ਵਿਦਿਆਰਥਣਾਂ ਨੇ ਭਾਗ ਲਿਆ। ਇਸ ਵਿੱਦਿਅਕ ਟੂਰ ਵਿੱਚ ਦਰਬਾਰ ਸਾਹਿਬ ਤਰਨਤਾਰਨ ਸਾਹਿਬ, ਗੁਰਦੁਆਰਾ ਬਾਬਾ ਬੁੱਢਾ ਸਾਹਿਬ ਜੀ, ਛੇਹਰਟਾ ਸਾਹਿਬ, ਪੁਲ ਮੋਰਾਂ, ਬਾਘਾ ਬਾਰਡਰ, ਹਵੇਲੀ ਅੰਮ੍ਰਿਤਸਰ, ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਸਾਹਿਬ, ਮਿਊਜ਼ੀਅਮ, ਜਲ੍ਹਿਆਂਵਾਲਾ ਵਾਲਾ ਬਾਗ, ਦੁਰਗਿਆਣਾ ਮੰਦਿਰ, ਕਿਲਾ ਗੋਬਿੰਦਗੜ ਹਰੀਕੇ ਪੱਤਣ (ਪੰਜਾਬ ਦੇ ਮੁੱਖ ਬੈਟਲੈਂਡ) ਅਤੇ ਨਾਨਕਸਰ ਠਾਠ ਕਲੇਰਾਂ ਆਦਿ ਦਿਖਾਇਆ ਗਿਆ। ਜਿੱਥੇ ਇਹ ਥਾਵਾਂ ਵਿਦਿਆਰਥੀਆਂ ਨੂੰ ਦਿਖਾਈਆਂ ਗਈਆਂ ਨਾਲ ਹੀ ਉਹਨਾਂ ਇਸਦੀ ਇਤਿਹਾਸਕ ਮਹੱਤਤਾ ਬਾਰੇ ਜਾਣੂੰ ਕਰਵਾਇਆ। ਪੰਜਾਬ ਵਿੱਚ ਵੀ ਕਾਫੀ ਥਾਵਾਂ ਅਜਿਹੀਆਂ ਹਨ ਜਿੰਨਾਂ ਬਾਰੇ ਬਹੁਤਿਆਂ ਨੂੰ ਨਹੀਂ ਪਤਾ ਅਤੇ ਬਹੁਤ ਘੱਟ ਗਿਣਤੀ ਲੋਕ ਉਹਨਾਂ ਥਾਵਾਂ ਤੇ ਜਾਂਦੇ ਹਨ। ਸੋ ਅਜਿਹੇ ਉੱਦਮ ਕਰਕੇ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਥਾਵਾਂ ਦਿਖਾਉਣ ਨਾਲ ਉਹਨਾਂ ਦਾ ਮਾਨਸਿਕ ਤੇ ਬੌਧਿਕ ਵਿਕਾਸ ਹੁੰਦਾ ਹੈ। ਕਾਲਜ ਸਟਾਫ਼ ਵਿੱਚੋਂ ਪ੍ਰੋ ਅਮਨਪ੍ਰੀਤ ਸਿੰਘ, ਪ੍ਰੋ ਮਨਪ੍ਰੀਤ ਕੌਰ, ਪ੍ਰੋ ਕਮਲਜੀਤ ਕੌਰ, ਸ. ਮਨਪ੍ਰੀਤ ਸਿੰਘ, ਅਨਾਮਿਕਾ ਸੰਧੂ ਤੇ ਕੁਲਵਿੰਦਰ ਕੌਰ ਦੇ ਅਹਿਮ ਸਹਿਯੋਗ ਨਾਲ ਇਹ ਟੂਰ ਸਫ਼ਲ ਰਿਹਾ।