ਸੁਨਾਮ : ਵਿਸ਼ਵ ਕੈਂਸਰ ਦਿਵਸ ਦੇ ਮੌਕੇ ਸਿਵਲ ਸਰਜਨ ਸੰਗਰੂਰ ਡਾਕਟਰ ਸੰਜੇ ਕਾਮਰਾ ਅਤੇ ਪੀ ਐਚ ਸੀ ਕੌਹਰੀਆਂ ਦੇ ਕਾਰਜਕਾਰੀ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਗਗਨ ਖੀਪਲਾ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਪਿੰਡ ਭਰੂਰ ਦੇ ਪੰਚਾਇਤ ਘਰ ਵਿਖੇ ਸਿਹਤ ਵਿਭਾਗ ਦੇ ਕਰਮਚਾਰੀਆਂ ਗੁਰਪ੍ਰੀਤ ਸਿੰਘ ਮੰਗਵਾਲ, ਸੀ ਐਚ ਓ ਜਸਵੀਰ ਕੌਰ ਦੀ ਅਗਵਾਈ ਹੇਠ ਲੋਕਾਂ ਨੂੰ ਜਾਗਰੂਕ ਕੀਤਾ। ਉਨ੍ਹਾਂ ਦੱਸਿਆ ਕਿ ਕਿ ਕੁੱਝ ਸਾਲ ਪਹਿਲਾਂ ਕੈਂਸਰ ਲਾ ਇਲਾਜ਼ ਮੰਨਿਆ ਜਾਂਦਾ ਸੀ ਪਰੰਤੂ ਹੁਣ ਕੁੱਝ ਸਮੇਂ ਤੋਂ ਮੈਡੀਕਲ ਸਹੂਲਤਾਂ ਦੇ ਵਾਧੇ ਅਤੇ ਨਵੀਂ ਤਕਨੀਕ ਨਾਲ ਇਸ ਦਾ ਇਲਾਜ਼ ਸੰਭਵ ਹੋਇਆ ਹੈ ਬਸ਼ਰਤੇ ਕਿ ਜੇਕਰ ਸਮਾਂ ਰਹਿੰਦੇ ਇਸ ਦੀ ਪਛਾਣ ਹੋ ਜਾਵੇ । ਕੈਂਸਰ ਦੇ ਲੱਛਣ ਸ਼ਰੀਰ ਦੇ ਕਿਸੇ ਵੀ ਟਿਸ਼ੂ ਦਾ ਵਧਣਾ, ਸਰੀਰ ਵਿੱਚ ਥਕਾਵਟ, ਮੂੰਹ ਵਿੱਚ ਫਸ ਆਉਣਾ, ਮੂੰਹ ਵਿੱਚ ਛਾਲੇ ਠੀਕ ਨਾ ਹੋਣਾ ਲਾਗਾਤਾਰ ਖੰਘ ਰਹਿਣਾ, ਅਵਾਜ਼ ਦਾ ਭਾਰੀ ਰਹਿਣਾ, ਮਹਾਂਵਾਰੀ ਦੇ ਦਿਨਾਂ ਤੋਂ ਬਿਨਾਂ ਖੂਨ ਵਗੀ ਜਾਣਾ ਆਦਿ ਇਸ ਤਰਾਂ ਦੇ ਚਿੰਨ ਹੋਣ ਤੇ ਹਸਪਤਾਲ ਜਾਕੇ ਜਾਂਚ ਕਰਵਾਉਣੀ ਜਰੂਰੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਤੋ ਬਚਾਅ ਲਈ ਸਿਗਰਟਨੋਸ਼ੀ, ਤੰਮਾਕੂ ਅਤੇ ਨਸ਼ਿਆਂ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ, ਚੰਗੀ ਖਰਾਕ ਖਾਣੀ ਚਾਹੀਦੀ ਹੈ। ਪੰਜਾਬ ਵਿੱਚ ਆਯੂਸ਼ਮਾਨ ਰਾਹੀਂ ਅਤੇ ਸੂਬਾ ਸਰਕਾਰ ਦੀ ਮੱਦਦ ਨਾਲ ਇਸ ਦਾ ਇਲਾਜ਼ ਕਰਵਾਇਆ ਜਾਂਦਾ ਹੈ। ਇਸ ਮੌਕੇ ਆਂਗਨਵਾੜੀ ਵਰਕਰ ਪਰਮਜੀਤ ਕੌਰ, ਆਸ਼ਾ ਵਰਕਰ ਕਰਮਜੀਤ ਕੌਰ, ਗੁਰਜੀਤ ਕੌਰ ਸਮੇਤ ਪਿੰਡ ਦੀਆਂ ਹੋਰ ਔਰਤਾਂ ਹਾਜ਼ਰ ਸਨ।