ਐਸ.ਏ.ਐਸ. ਨਗਰ : ਵਿਸ਼ਵ ਦੀ ਸਿਰਮੌਰ ਐਨਜੀਓ ਲਾਇਨਜ਼ ਕਲੱਬ ਇੰਟਰਨੈਸ਼ਨਲ ਡਿਸਟਿ੍ਰਕਟ 321ਐਫ ਦੇ ਗਵਰਨਰ ਪੀਐਮਜੇਐੱਫ ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਹੋਏ ਲਾਇਨਜ਼ ਕਲੱਬ ਮੋਹਾਲੀ ਸੁਪਰੀਮ ਦੇ ਚਾਰਟਰ ਮੈਂਬਰਾਂ ਨੇ ਵਲਡ ਕੈਂਸਰ ਡੇਅ ਮਨਾਉਂਦੇ ਹੋਏ ਆਪਣੇ ਜਨਮ ਦਿਨ ਕੈਂਸਰ ਪੀੜਤਾਂ ਦੀ ਮਦਦ ਕਰ ਕੇ ਮਨਾਇਆ। ਲਾਇਨਜ਼ ਕਲੱਬ ਮੋਹਾਲੀ ਸੁਪਰੀਮ ਦੇ ਸੈਕੇਟਰੀ ਲਾਇਨ ਮਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਗੁਰਦੁਆਰਾ ਸ੍ਰੀ ਅੰਬ ਸਾਹਿਬ ਫੇਜ 8 ਮੋਹਾਲੀ ਵਿੱਖੇ ਗੈਰ ਸਰਕਾਰੀ ਸੰਸਥਾ ਨਿਰਵੈਰ ਚੇੈਰੀਟੇਬਲ ਫਾਊਡੇਸ਼ਨ (ਰਜਿ:), ਪੰਜਾਬ ਵੱਲੋ ਭਾਰਤੀ ਕਿਸਾਨਾਂ ਵਲੋ ਕੀਤੇ ਜਾ ਰਹੇ ਸੰਘਰਸ਼ ਦੀ ਕਾਮਯਾਬੀ ਅਤੇ ਸੰਘਰਸ਼ ਦੌਰਾਨ ਵਿਛੜੀਆਂ ਰੂਹਾਂ ਦੀ ਆਤਮਿਕ ਸ਼ਾਂਤੀ ਲਈ ਸ੍ਰੀ ਅਖੰਡ ਪਾਠ ਦਾ ਭੋਗ, ਕੀਰਤਨ ਤੇ ਗੁਰੂ ਕਾ ਲੰਗਰ ਕਰਵਾਇਆ ਗਿਆ। ਇਸ ਦੌਰਾਨ ਲਾਇਨਜ਼ ਕਲੱਬ ਮੋਹਾਲੀ ਸੁਪਰੀਮ ਦੇ ਚਾਰਟਰ ਮੈਂਬਰਾਂ ਨੇ ਅਰਦਾਸ ਵਿੱਚ ਹਿੱਸਾ ਲਿਆ। ਜਿਸ ਪਿੱਛੋਂ ਚਾਰਟਰ ਮੈਂਬਰ ਲਾਇਨ ਗੁਰਪਾਲ ਸਿੰਘ ਅਤੇ ਲਾਇਨ ਗੁਰਿੰਦਰ ਸਿੰਘ ਗਿੱਲ ਨੇ ਹੋਰਨਾਂ ਮੈਂਬਰਾਂ ਦੀ ਮੌਜੂਦਗੀ ’ਚ ਕੈਂਸਰ ਪੀੜਿਤਾਂ ਦੇ ਪਤੀ ਵਿਜੇ ਕੁਮਾਰ ਦੀ ਵਿੱਤੀ ਸਹਾਇਤਾ ਕਰਕੇ ਮਨਾਇਆ। ਇਸ ਦੌਰਾਨ ਲਾਇਨਜ਼ ਕਲੱਬ ਮੋਹਾਲੀ ਦੇ ਗਾਈਡ ਐਮਜੇਐੱਫ ਲਾਇਨ ਜਤਿੰਦਰਪਾਲ ਸਿੰਘ ਸਹਦੇਵ, ਲਾਇਨਜ਼ ਕਲੱਬ ਮੋਹਾਲੀ ਸੁਪਰੀਮ ਦੇ ਚਾਰਟਰ ਪ੍ਰਧਾਨ ਲਾਇਨ ਤਿਲਕ ਰਾਜ, ਲਾਇਨ ਸਤਨਾਮ ਸਿੰਘ ਦਾਊਂ, ਲਾਇਨ ਲਵਨੀਤ ਠਾਕੁਰ, ਲਾਇਨ ਹਿਤੇਸ਼ ਕੁਮਾਰ ਗੋਇਲ, ਲਾਇਨ ਸਰਜੀਵਨ ਕੁਮਾਰ ਸ਼ਰਮਾ, ਲਾਇਨ ਰਜਨੀਸ਼ ਸ਼ਰਮਾ, ਲਾਇਨ ਅਨਮੋਲ ਸ਼ਰਮਾ, ਲਾਇਨ ਪਰਮਜੀਤ ਸਿੰਘ, ਬਿੱਕਰ ਸਿੰਘ ਗਿੱਲ, ਲੀਓ ਮੈਂਬਰ ਸਿਮਰਨਪ੍ਰੀਤ ਭੰਗੂ, ਸਮਾਜਸੇਵੀ ਲਵਲੀ ਅਤੇ ਹੋਰ ਮੈਂਬਰ ਮੌਜੂਦ ਸਨ।