ਸੰਦੌੜ : ਸਥਾਨਕ ਸਟੇਡੀਅਮ ਰੋਡ ਤੇ ਸਥਿਤ "ਦਾ ਯੂਨਿਟੀ'' ਨਾਮੀ ਆਈਲੈਟਸ ਸੈਂਟਰ ਵੱਲੋਂ ਤੀਆ ਦਾ ਤਿਉਹਾਰ ਮਨਾਇਆ ਗਿਆ ਜਿਸ ਚ ਵੱਡੀ ਗਿਣਤੀ ਚ ਵਿਦਿਆਰਥੀਆ ਨੇ ਭਾਗ ਲਿਆ। ਇਸ ਮੌਕੇ ਸੈਂਟਰ ਦੇ ਸੰਚਾਲਕਾ ਨਿਤਿਨ ਸ਼ਰਮਾ, ਮੈਡਮ ਨਵਜੋਤ, ਮੁਹੰਮਦ ਰਹਿਮਾਨ ਅਤੇ ਮੈਡਮ ਸ਼ਹਿਨਾਜ ਨੇ ਦਸਿਆ ਕਿ ਸਾਡੇ ਵੱਲੋਂ ਅੱਜ ਦੀ ਭੱਜਦੌੜ ਭਰੀ ਜਿੰਦਗੀ ਚ ਵਿਦਿਆਰਥੀਆ ਨੂੰ ਆਈਲੈਟਸ ਦੀ ਪੜ੍ਹਾਈ ਦੇ ਨਾਲ ਨਾਲ ਅਜਿਹੇ ਪ੍ਰੋਗਰਾਮਾਂ ਦਾ ਹਿੱਸਾ ਵੀ ਬਣਾਇਆ ਜਾਂਦਾ ਹੈ ਤਾਂ ਜੋਂ ਵਿਦਿਆਰਥੀ ਚਿੰਤਾ ਮੁਕਤ ਪੜ੍ਹਾਈ ਤੇ ਫੋਕਸ ਕਰ ਸਕਣ ਤਾਹੀਉ ਸੈਂਟਰ ਵੱਲੋਂ ਵੱਖੋ ਵੱਖਰੇ ਮੌਕਿਆ ਤੇ ਅਜਿਹੇ ਪ੍ਰੋਗਰਾਮ ਉਲੀਕੇ ਜਾਂਦੇ ਹਨ। ਉਹਨਾਂ ਅੱਗੇ ਕਿਹਾ ਕਿ ਉਕਤ ਪ੍ਰੋਗਰਾਮ ਚ ਵਿਦਿਆਰਥੀਆ ਨੇ ਆਪਣੇ ਪੁਰਾਣੇ ਵਿਰਸੇ ਨੂੰ ਯਾਦ ਕੀਤਾ ਅਤੇ ਗਿੱਧਾ, ਭੰਗੜਾ ਅਤੇ ਸਭਿਆਚਾਰਕ ਗੀਤ ਗਾਏ ਗਏ। ਇਸ ਮੌਕੇ ਕਰਵਾਏ ਤੀਜ ਮੁਕਾਬਲਿਆ ਚ ਅਮਨਦੀਪ ਸਿੰਘ ਮਿਸਟਰ ਤੀਜ ਅਤੇ ਰੁਕਸਾਨਾ ਮਿਸਰਜ਼ ਤੀਜ ਚੁਣੀ ਗਈ। ਇਸ ਮੌਕੇ ਵੱਡੀ ਗਿਣਤੀ ਚ ਸੈਂਟਰ ਦੇ ਵਿਦਿਆਰਥੀ ਅਤੇ ਸਟਾਫ ਮੌਜੂਦ ਸੀ।