ਨੋਟਾਂ ਨਾਲ ਭਰਿਆ ਛੋਟਾ ਹਾਥੀ ਪਲਟਨ ਨਾਲ 7 ਕਰੋੜ ਰੁਪਏ ਖਿਲਰ ਜਾਂਦੇ ਹਨ ਤੇ ਇਹ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਜਾਂਦਾ ਹੈ। ਡੱਬਿਆਂ ਵਿਚ ਬੰਦ ਕਰਕੇ ਕਰੋੜਾਂ ਰੁਪਏ ਰੱਖੇ ਹੋਏ ਸੀ ਤਾਂ ਕਿ ਕਿਸੇ ਨੂੰ ਭੁਲੇਖਾ ਨਾ ਪੈ ਸਕੇ। ਜਦੋਂ ਛੋਟਾ ਹਾਥੀ ਹਾਦਸੇ ਦਾ ਸ਼ਿਕਾਰ ਹੋਇਆ ਤਾਂ ਉਹ ਵਿਚਕਾਰ ਸੜਕ ਦੇ ਹੀ ਪਲਟ ਗਿਆ ਤੇ ਉਸ ਵਿਚ ਰੱਖੇ ਡੱਬੇ ਵਿਚੋਂ ਨੋਟਾਂ ਦੀਆਂ ਗੱਡੀਆਂ ਦੇਖ ਕੇ ਹਰ ਕੋਈ ਹੱਕਾ-ਬੱਕਾ ਰਹਿ ਗਿਆ। ਛੋਟਾ ਹਾਥੀ ਹਾਦਸੇ ਦਾ ਸ਼ਿਕਾਰ ਹੋ ਕੇ ਪਲਟ ਜਾਂਦਾ ਹੈ। ਲੋਕਾਂ ਨੇ ਜਦੋਂ ਦੇਖਿਆ ਤਾਂ ਉਨ੍ਹਾਂ ਦੇ ਹੋਸ਼ ਉਡ ਗਏ। ਵਾਹਨ ਵਿਚ ਬੋਰੀਆਂ ਵਿਚ ਨਕਦੀ ਦੇ 7 ਗੱਤੇ ਦੇ ਬਕਸੇ ਲਿਜਾਏ ਜਾ ਰਹੇ ਸੀ। ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਪੁਲਿਸ ਵੀ ਇੰਨੇ ਪੈਸੇ ਦੇਖ ਕੇ ਹੈਰਾਨ ਰਹਿ ਗਈ। ਪੈਸਿਆਂ ਨੂੰ ਗਿਣਨ ਲਈ ਮਸ਼ੀਨਾਂ ਤੱਕ ਮੰਗਵਾਉਣੀ ਪਈਆਂ। ਵਾਹਨ ਵਿਚ ਸਵਾਰ 2 ਵਿਅਕਤੀਆਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ। ਇਹ ਪੈਸੇ ਉਹ ਕਿਥੇ ਲੈ ਕੇ ਜਾ ਰਹੇ ਸੀ ਇਸ ਬਾਰੇ ਪੁੱਛਗਿਛ ਕੀਤੀ ਜਾ ਰਹੀ ਹੈ ਤੇ ਜਲਦ ਹੀ ਇਸ ਦਾ ਖੁਲਾਸਾ ਕੀਤਾ ਜਾਵੇਗਾ।