ਪਟਨਾ (ਬਿਹਾਰ) : ਸ਼ੁੱਕਰਵਾਰ ਨੂੰ ਪਟਨਾ ਜੰਕਸ਼ਨ ਨੇੜੇ ਚਾਂਦਨੀ ਚੌਕ ਇਲੈਕਟ੍ਰਾਨਿਕ ਮਾਰਕੀਟ ਵਿੱਚ ਇਕ ਸਟੋਰੇਜ ਹਾਊਸ ਵਿੱਚ ਅੱਗ ਲੱਗ ਗਈ। ਪਟਨਾ ਜ਼ਿਲ੍ਹਾ ਫਾਇਰ ਅਫ਼ਸਰ (ਡੀਐਫ਼ਓ) ਅਭਿਸ਼ੇਕ ਕੁਮਾਰ ਨੇ ਕਿਹਾ ਕਿ ਫ਼ਾਇਰ ਵਿਭਾਗ ਨੂੰ ਦੁਪਹਿਰ ਲਗਪਗ 3:00 ਵਜੇ ਘਟਨਾ ਦੀ ਸੂਚਨਾ ਮਿਲੀ।
ਅਧਿਕਾਰੀ ਨੇ ਦਸਿਆ ਕਿ ਸਾਨੂੰ ਦੁਪਹਿਰ 3:30 ਵਜੇ ਦੇ ਕਰੀਬ ਸੂਚਨਾ ਮਿਲੀ ਕਿ ਚਾਂਦਨੀ ਚੌਕ ਇਲੈਕਟ੍ਰਾਨਿਕਸ ਮਾਰਕੀਟ ਵਿੱਚ ਅੱਗ ਲੱਗ ਗਈ ਹੈ। ਅਸੀਂ ਸ਼ੁਰੂ ਵਿੱਚ ਦੇਖਿਆ ਕਿ ਅੱਗ ਉਪਰਲੀ ਮੰਜ਼ਿਲ ’ਤੇ ਇਕ ਸਟੋਰੇਜ ਖੇਤਰ ਵਿੱਚ ਲੱਗੀ ਸੀ। ਅਧਿਕਾਰੀ ਨੇ ਦਸਿਆ ਕਿ ਅੱਗ ਹੌਲੀ ਹੌਲੀ ਤੇਜ਼ ਹੁੰਦੀ ਗਈ ਅਤੇ ਨਾਲ ਲੱਗਦੀ ਦੁਕਾਨ ਤੱਕ ਫ਼ੈਲ ਗਈ। ਡੀ.ਐਫ਼.ਓ. ਅਧਿਕਾਰੀ ਨੇ ਦਸਿਆ ਕਿ ਲਗਪਗ 15 ਫ਼ਾਇਰ ਟੈਂਡਰ ਅਤੇ ਤਿੰਨ ਜਾਂ ਚਾਰ ਫ਼ਾਇਰ ਅਫ਼ਸਰ ਇਸ ਸਮੇਂ ਮੌਕੇ ’ਤੇ ਮੌਜੂਦ ਸਨ। ਅਧਿਕਾਰੀਆਂ ਨੇ ਬਹੁਤ ਮੁਸ਼ੱਕਤ ਨਾਲ ਅੱਗ ’ਤੇ ਕਾਬੂ ਪਾਇਆ।