ਲੇਹ (ਲੱਦਾਖ਼), : ਲੱਦਾਖ਼ ਦੇ ਮੁੱਖ ਚੋਣ ਅਧਿਕਾਰੀ ਰਾਹੁਲ ਸ਼ਰਮਾ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਲੇਹ ਅਤੇ ਕਾਰਗਿੱਲ ਦੇ ਜੁੜਵੇਂ ਜ਼ਿਲ੍ਹਿਆਂ ਲਈ ਨਗਰ ਨਿਗਮ ਚੋਣਾਂ 21 ਨਵੰਬਰ ਨੂੰ ਹੋਣਗੀਆਂ, ਜਿਸ ਨਾਲ ਇਕ ਪ੍ਰਸ਼ਾਸਕੀ ਖਲਾਅ ਟੁੱਟ ਜਾਵੇਗਾ ਜੋ 2023 ਵਿੱਚ ਪਿਛਲੀਆਂ ਚੁਣੀਆਂ ਗਈਆਂ ਸੰਸਥਾਵਾਂ ਦੇ ਕਾਰਜਕਾਲ ਖ਼ਤਮ ਹੋਣ ਤੋਂ ਬਾਅਦ ਬਣਿਆ ਹੋਇਆ ਹੈ। ਖ਼ਬਰ ਏਜੰਸੀ ਏ.ਐਨ.ਆਈ. ਦੇ ਹਵਾਲੇ ਨਾਲ ਲੱਦਾਖ਼ ਦੇ ਮੁੱਖ ਚੋਣ ਅਧਿਕਾਰੀ ਰਾਹੁਲ ਸ਼ਰਮਾ ਨੇ ਕਿਹਾ ਕਿ 2018 ਦੀਆਂ ਚੋਣਾਂ ਤੋਂ ਬਾਅਦ ਵੋਟਰ ਰਜਿਸਟਰੀਆਂ ਨੂੰ ਅਪਡੇਟ ਕਰਨ ਲਈ ਜ਼ਰੂਰੀ ਆਧਾਰ ਪੂਰਾ ਹੋ ਗਿਆ ਹੈ ਜਿਸ ਨਾਲ ਲੋਕਤੰਤਰੀ ਅਭਿਆਸ ਲਈ ਰਾਹ ਪੱਧਰਾ ਹੋ ਗਿਆ ਹੈ। ਚੋਣ ਅਧਿਕਾਰੀ ਨੇ ਦਸਿਆ ਕਿ ਨਾਮਜ਼ਦਗੀਆਂ ਦਾਖ਼ਲ ਕਰਨ ਦੀ ਆਖ਼ਰੀ ਮਿਤੀ 5 ਨਵੰਬਰ 2026 ਹੋਵੇਗੀ ਅਤੇ ਚੋਣਾਂ 21 ਨਵੰਬਰ ਨੂੰ ਹੋਣਗੀਆਂ।