ਚੰਡੀਗੜ੍ਹ : ਹਰਿਆਣਾ ਦੇ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਦਸਿਆ ਕਿ ਪਾਣੀਪਤ ਵਿਚ ਐਨਐਚ 44 ’ਤੇ ਜੋ ਏਲੀਵੇਟਿਡ ਹਾਈਵੇ ਬਣਾਇਆ ਗਿਆ ਹੈ, ਉਸ ਵਿੱਚੋਂ ਅਸੰਧ, ਸਫੀਦੋਂ ਅਤੇ ਸ਼ਾਮਲੀ ਦੇ ਵੱਲ ਜਾਣ ਵਾਲੇ ਰੋਡ ’ਤੇ ਐਂਟਰੀ ਅਤੇ ਐਗਜ਼ਿਟ ਬਣਾਏ ਜਾਣਗੇ, ਜਿਸ ਦੇ ਲਈ ਮੰਜੂਰੀ ਤਹਿਤ ਕੇਂਦਰ ਸਰਕਾਰ ਨੂੰ ਪੱਤਰ ਲਿਖਿਆ ਹੈ। ਮੰਜੂਰ ਮਿਲਣ ਦੇ ਬਾਅਦ ਜਲਦੀ ਤੋਂ ਜਲਦੀ ਇਹ ਐਂਟਰੀ ਅਤੇ ਐਗਜਿਟ ਬਣਾ ਦਿੱਤੇ ਜਾਣਗੇ। ਇਸ ਤੋਂ ਪਾਣੀਪਤ ਵਿਚ ਟ੍ਰਰੈਫਿਕ ਵਿਵਸਥਾ ਨੂੰ ਦਰੁਸਤ ਕਰਨ ਵਿਚ ਸਹਾਇਤਾ ਮਿਲੇਗੀ। ਡਿਪਟੀ ਸੀਐਮ ਅੱਜ ਵਿਧਾਨਸਭਾ ਵਿਚ ਵਿਧਾਇਕ ਪ੍ਰਮੋਦ ਵਿਜ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ। ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅੱਗੇ ਦਸਿਆ ਕਿ ਪਾਣੀਪਤ ਵਿਚ ਹੀ ਪਾਣੀਪਤ ਬਰਸਤ ਰੋਡ ਤਕ ਡਰੇਨ ਨੰਬਰ 2 ਦੇ ਕਿਨਾਰੇ ’ਤੇ 12.20 ਕਿਲੋਮੀਟਰ ਲੰਬਾ ਇਕ ਰੋਡ ਬਣਾਇਆ ਜਾ ਰਿਹਾ ਹੈ। ਇਸ ਵਿਚ ਬਕਾਇਆ ਰੋਡ 2.9 ਕਿਲੋਮੀਟਰ ਹੈ, ਜਿਸ ਦਾ ਵਨ ਵਿਭਾਗ ਦੀ ਕਲੀਅਰੇਂਸ ਦੀ ਜਰੂਰਤ ਹੈ। ਇਹ ਕਲੀਅਰੇਂਸ ਮਿਲਦੇ ਹੀ ਰੋਡ ਪੂਰਾ ਨਿਰਮਾਣਤ ਕਰ ਦਿੱਤਾ ਜਾਵੇਗਾ ਜੋ ਕਿ ਪਾਣੀਪਤ ਸ਼ਹਿਰ ਦੇ ਇਸਟਰਨ ਬਾਈਪਾਸ ਦਾ ਕੰਮ ਕਰੇਗਾ।