ਮਾਲੇਰਕੋਟਲਾ : ਜੁਆਇੰਟ ਐਕਸ਼ਨ ਕਮੇਟੀ ਪੰਜਾਬ ਵੱਲੋਂ ਗਣਤੰਤਰ ਦਿਵਸ ਮੌਕੇ ਤੇ ਕਮੇਟੀ ਦੇ ਮੁੱਖ ਦਫਤਰ ਮੁਸਲਿਮ ਮੁਸਾਫਿਰ ਖਾਨੇ ਤੇ ਝੰਡਾ ਲਹਿਰਾਉਣ ਦੀ ਰਸ਼ਮ ਅਦਾ ਕੀਤੀ ਗਈ ਇਸ ਮੌਕੇ ਜੁਆਇੰਟ ਐਕਸ਼ਨ ਕਮੇਟੀ ਪੰਜਾਬ ਪ੍ਰਧਾਨ ਨਦੀਮ ਅਨਵਾਰ ਖਾਂ ਨੇਸੰਬੋਧਨ ਕਰਦੇ ਕਿਹਾ ਕਿ ਦੇਸ਼ ਦੀ ਜੰਗੇ ਅਜ਼ਾਦੀ ’ਚ ਸਭ ਧਰਮ ਦੇ ਲੋਕਾਂ ਦੇ ਨਾਲ-ਨਾਲ ਮੁਸਲਮਾਨਾਂ ਦਾ ਵੀ ਬਹੁਤ ਵੱਡਾ ਯੋਗਦਾਨ ਹੈ।ਮੁਸਲਮਾਨਾ ਵੱਲੋਂ ਅੰਗਰੇਜ਼ਾ ਦੇ ਖਿਲਾਫ ਕਈ ਅੰਦੋਲਨ ਸ਼ੁਰੂ ਕੀਤੇ ਗਏ ਜਿਨਾ ਵਿੱਚ ਖਿਲਾਫਤ ਅੰਦੋਲਨ, ਖੁਦਾਈ ਖਿਦਮਤਗਾਰ ਅੰਦੋਲਨ, ਖਾਕਸਾਰ ਅੰਦੋਲਨ,ਅਹਰਾਰ ਅੰਦੋਲਨ,ਅਲੀਗੜ ਮੂਵਮੈਂਟ,ਵਹਾਬੀ ਮੂਵਮੈਂਟ,ਤਹਿਰੀਕੇ-ਰੇਸ਼ਮੀ ਰੁਮਾਲ ਮੂਵਮੈਂਟ ਹਨ ਅਤੇ 1857 ਦੀ ਜੰਗੇ ਆਜ਼ਾਦੀ ਜਿਸ ਵਿੱਚ 27000 ਦੇ ਕਰੀਬ ਦੇਵਬੰਦ ਦੇ ਉਲੇਮਾ ਨੂੰ ਫਾਂਸੀ ਦੇ ਫੰਦੇ ਤੇ ਲਟਕਾਇਆ ਗਿਆ,ਹਜ਼ਾਰਾ ਮੁਸਲਮਾਨ ਗ੍ਰਿਫਤਾਰ ਕੀਤੇ ਗਏ ਅਤੇ ਕਈਆਂ ਨੂੰ ਕਾਲਾ ਪਾਣੀ ਦੀ ਸ਼ਜਾ ਸੁਣਾਈ ਗਈ।“ਕੁਇਟ ਇੰਡੀਆ” “ਇਨਕਲਾਬ ਜ਼ਿੰਦਾਬਾਦ” “ਸਾਈਮਨ ਗੋ ਬੈਕ”ਅਤੇ“ਸਾਰੇ ਜਹਾਂ ਸੇ ਅੱਛਾ ਹਿੰਦੋਸਤਾ ਹਮਾਰਾ” ਦੇ ਨਾਅਰੇ ਮੁਸਲਮਾਨ ਸੁਤੰਤਰਤਾ ਸੈਨਾਨੀਆਂ ਵੱਲੋਂ ਦਿੱਤੇ ਗਏ ਸਨ ਅਤੇ ਤਿਰੰਗੇ ਨੂੰ ਪਹਿਲੀ ਵਾਰ ਇੱਕ ਮੁਸਲਿਮ ਮਹਿਲਾ ਵੱਲੋਂ ਡਿਜ਼ਾਈਨ ਕੀਤਾ ਗਿਆ।ਹਜ਼ਾਰਾਂ ਸੁਤੰਤਰਤਾ ਸੈਨਾਨੀਆ ਨੇ ਆਪਣਾ ਸਭ ਕੁਝ ਦੇਸ਼ ਲਈ ਕੁਰਬਾਨ ਕਰ ਦਿੱਤਾ,ਜਿਨ੍ਹਾ ਵਿੱਚੋਂ ਕੁਝ ਨਾਮ ਜਿਵੇਂ ਕਿ ਮੌਲਾਨਾ ਅਬੁਲ ਕਲਮ ਆਜ਼ਾਦ, ਮੌਲਾਨਾ ਹਸਰਤ ਮੋਹਾਨੀ,ਅਬਦੁਲ ਗੱਫਾਰ ਖਾਂ,ਅਸ਼ਫਾਕ ੳੁੱਲਾ ਖਾਂ, ਸੈਫੂਦੀ ਕਿਚਲੂ, ਆਸਫ ਅਲੀ,ਟੀਪੂ ਸੁਲਤਾਨ,ਮੋਲਵੀ ਅਹਿਮਦੁੱਲਾ ਸ਼ਾਹ,ਮੋਲਵੀ ਮਹਿਮੂਦ ਹਸਨ ਦਿਓਬੰਦੀ,ਬੇਗਮ ਹਜ਼ਰਤ ਮਹਲ,ਹਬੀਬ ਉਰ ਰਹਿਮਾਨ ਲੁਧਿਆਣ ਵੀ ਵਰਗੇ ਕੁਝ ਸੁਤੰਤਰਤਾ ਸੈਨਾਨੀ ਹਨ।ਇਸਲਾਮ ਮਜ਼ਹਬਵੀ ਸਾਨੂੰ ਆਪਣੇ ਮਾਦਰੇ ਵਤਨ ਲਈ ਪਿਆਰ,ਦੇਸ਼ ਵਾਸੀਆ ਨਾਲ ਮੁਹੱਬਤ ਅਤੇ ਆਪਣੀ ਸਰਜ਼ਮੀਨ ਨਾਲ ਵਫਾਦਾਰੀ ਲਈ ਕਹਿੰਦਾ ਹੈ।ਅੱਜ ਜਦ ਪੂਰੇ ਦੇਸ਼ ‘ਚ ਮੁਸਲਮਾਨਾਂਵਿਰੁੱਧਝੂਠਾ ਪ੍ਰਾਪੋਗੰਡਾ ਕੀਤਾ ਜਾ ਰਿਹਾ ਹੈ ਅਤੇ ਬਦਨਾਮ ਕਰਨ ਦੀ ਕੋਸ਼ਿਸ ਹੋ ਰਹੀ ਹੈ,ਆਪਣੇ ਸਿਆਸੀ ਮੁਫਾਦ ਦੇ ਲਈ ਕੁਝ ਤਾਕਤਾ ਹਿੰਦੂ,ਮੁਸਲਿਮ ਸਿੱਖਾਂ ਨੂੰ ਆਪਸ ‘ਚ ਲੜਾ ਰਹੀਆਂ ਹਨ ਅਤੇ ਮੁਸਲਮਾਨਾਂ ਦੇ ਸੁਨਹਿਰੀ ਇਤਿਹਾਸ ਨੂੰ ਬਦਲਿਆ ਜਾ ਰਿਹਾ ਹੈ ਤਾਂ ਅੱਜ ਜ਼ਰੂਰਤ ਹੈ ਕਿ ਅਸਲ ਇਤਿਹਾਸ ਲੋਕਾਂ ਨੂੰ ਦੱਸੀਏ ਅਤੇ ਆਪਸੀ ਏਕਤਾ ਅਤੇ ਭਾਈਚਾਰੇ ਨੂੰ ਬਰਕਰਾਰ ਰੱਖੀਏ ਅਤੇ ਦੇਸ਼ ਦੀ ਤਰੱਕੀ ਅਤੇ ਖੁਸ਼ਹਾਲੀ ਲਈ ਦੁਆ ਕਰੀਏ।ਇਸ ਮੋਕੇ ਜੁਆਇੰਟ ਐਕਸ਼ਨ ਕਮੇਟੀ ਦੇ ਮੈਂਬਰ ਜਿਨਾਂ ਵਿੱਚ ਖੁਸ਼ੀ ਮੁਹੰਮਦ,ਮੁਹੰਮਦ ਸਕੀਲ,ਜ਼ਾਹਿਦ ਜੱਜੀ, ਮੁਹੰਮਦ ਸ਼ਮਸਾਦ ਝੋਕ,ਮੁਹੰਮਦ ਸ਼ਮਸਾਦ ਅਲੀ (ਪ੍ਰਧਾਨ ਬੀ.ਐੱਸ.ਪੀ),ਮੁਫਤੀ ਦਿਲਸਾਦ ਕਾਸਮੀ, ਮੁਹੰਮਦ ਫਿਰੋਜ਼, ਮੁਕਰੱਮ ਸੈਫੀ,ਸ਼ਾਹਿਦ, ਮੁਹੰਮਦ ਇਖਲਾਕ,ਮੁਸ਼ਤਾਕ, ਮੁਹੰਮਦ ਇਕਬਾਲ, ਐਡਵੋਕੇਟ ਗਜ਼ਨਫਰ ਸਿਰਾਜ, ਅਦਿ ਮੌਜੂਦ ਸਨ।