ਸੁਨਾਮ :- ਭਗਤੀ ਲਹਿਰ ਦੇ ਉਸਰੱਈਏ ਭਗਤ ਨਾਮਦੇਵ ਜੀ ਮਹਾਰਾਜ ਦਾ 753ਵਾਂ ਪ੍ਰਕਾਸ਼ ਦਿਹਾੜਾ ਸੰਤ ਨਾਮਦੇਵ ਸਭਾ ਸੁਨਾਮ ਦੇ ਪ੍ਰਧਾਨ ਗੁਰਮੀਤ ਸਿੰਘ ਜੱਸਲ ਦੀ ਦੇਖਰੇਖ ਹੇਠ ਨਾਮਦੇਵ ਧਰਮਸ਼ਾਲਾ ਵਿਖੇ ਪੂਰੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਸ਼੍ਰੀ ਅਖੰਡ ਪਾਠ ਸਾਹਿਬ ਦੇ ਭੋਗ ਉਪਰੰਤ ਰਾਗੀ ਜਥੇ ਵੱਲੋਂ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ। ਇਸ ਮੌਕੇ ਗੁਰਦੁਆਰਾ ਇਮਲੀ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਨਰੰਜਨ ਸਿੰਘ ਰੋਲੇ ਨੇ ਕਿਹਾ ਕਿ ਭਗਤ ਨਾਮਦੇਵ ਜੀ ਦੀਆਂ ਸਿੱਖਿਆਵਾਂ ਅਜੋਕੇ ਸਮੇਂ ਵੀ ਪ੍ਰਸੰਗਿਕ ਹਨ, ਸਾਨੂੰ ਆਪਣੇ ਪੁਰਖਿਆਂ ਵੱਲੋਂ ਦਰਸਾਏ ਮਾਰਗ ਤੇ ਚੱਲਕੇ ਮਨੁੱਖਤਾ ਦੀ ਭਲਾਈ ਲਈ ਕਾਰਜਸ਼ੀਲ ਰਹਿਣਾ ਚਾਹੀਦਾ ਹੈ।
ਇਸ ਮੌਕੇ ਜਸਵੀਰ ਸਿੰਘ ਜੱਸੀ ਬੇਦੀ, ਤਾਰਾ ਸਿੰਘ, ਮਿੱਤ ਸਿੰਘ, ਜਸਵੀਰ ਸਿੰਘ ਬਿਜਲੀ ਬੋਰਡ, ਨਰੰਜਨ ਸਿੰਘ ਚੌਹਾਨ, ਮਾਸਟਰ ਰਾਮ ਸਿੰਘ, ਜਰਨੈਲ ਸਿੰਘ, ਮਹਿੰਦਰ ਸਿੰਘ ਮੋਹਲ, ਰਾਜਿੰਦਰ ਸਿੰਘ ਤੂਰ, ਭਾਜਪਾ ਆਗੂ ਡਾਕਟਰ ਜਗਮਹਿੰਦਰ ਸੈਣੀ, ਮੁਖਤਿਆਰ ਸਿੰਘ ਤੱਗੜ, ਪ੍ਰੀਤਮ ਸਿੰਘ ਜੱਸਲ, ਜਸਵੰਤ ਸਿੰਘ ਭੱਟ, ਗੁਰਨਾਮ ਸਿੰਘ ਸਮੇਤ ਭਾਰੀ ਗਿਣਤੀ ਵਿੱਚ ਸੰਗਤਾਂ ਨੇ ਹਾਜ਼ਰੀ ਭਰੀ।