ਚੰਡੀਗੜ੍ਹ : ਕਰੋਨਾ ਕਾਰਨ ਪੰਜਾਬ ਵਿੱਚ ਸੱਜਰੀਆਂ 73 ਮੌਤਾਂ ਕਾਰਨ ਸਥਿਤੀ ਹੋਰ ਵੀ ਗੰਭੀਰ ਹੁੰਦੀ ਨਜ਼ਰ ਆ ਰਹੀ ਹੈ। ਇਸ ਤੋਂ ਇਲਾਵਾ ਠੀਕ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ 1529 ਹੈ ਜੋ ਕਿ ਸੁਖਦ ਸਮਾਚਾਰ ਹੈ। ਇਸ ਤੋਂ ਇਲਾਵਾ ਅੱਜ 30 ਦੇ ਕਰੀਬ ਮਰੀਜ਼ਾਂ ਨੂੰ ਆਕਸੀਜਨ 'ਤੇ ਰਖਿਆ ਗਿਆ ਹੈ ਅਤੇ ਆਈਸੀਯੂ. ਵਿਚ ਦਾਖ਼ਲ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਮਨਫ਼ੀ ਰਹੀ ਹੈ ਜਦਕਿ 16 ਮਰੀਜ਼ਾਂ ਨੂੰ ਵੈਂਟੀਲੇਟਰ 'ਤੇ ਰਖਿਆ ਗਿਆ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੰਜਾਬ ਵਿਚ ਕੁੱਲ 1121016 ਦੇ ਕਰੀਬ ਮਰੀਜ਼ਾਂ ਦੇ ਨਮੂਨੇ ਲਏ ਜਾ ਚੁੱਕੇ ਹਨ। ਅੱਜ 19104 ਦੇ ਕਰੀਬ ਮਰੀਜ਼ਾਂ ਦੇ ਨਮੂਨਿਆਂ ਨੂੰ ਇਕੱਤਰ ਕੀਤਾ ਗਿਆ ਹੈ। 58515 ਦੇ ਕਰੀਬ ਮਰੀਜ਼ ਪਾਜ਼ੇਟਿਵ ਹਨ ਜਿਨ੍ਹਾਂ ਵਿਚੋਂ 41271 ਦੇ ਕਰੀਬ ਮਰੀਜ਼ਾਂ ਨੇ ਇਸ ਨਾਮੁਰਾਦ ਲਾਗ ਨੂੰ ਮਾਤ ਦੇ ਦਿੱਤੀ ਹੈ। ਅਤੇ ਹੁਣ ਪੰਜਾਬ ਵਿਚ 15554 ਦੇ ਕਰੀਬ ਮਾਮਲੇ ਹੀ ਐਕਟਿਵ ਹਨ ਜਦਕਿ ਆਕਸੀਜਨ ਦੇ 470 ਦੇ ਕਰੀਬ ਮਰੀਜ਼ਾਂ ਨੂੰ ਰਖਿਆ ਹੋਇਆ ਹੈ। ਇਸ ਤੋਂ ਇਲਾਵਾ 68 ਦੇ ਕਰੀਬ ਮਰੀਜ਼ਾਂ ਦੀ ਹਾਲਤ ਗੰਭੀਰ ਹੈ ਜਿਨ੍ਹਾਂ ਨੂੰ ਵੈਂਟੀਲੇਟਰ 'ਤੇ ਰਖਿਆ ਗਿਆ ਹੈ। ਜੇਕਰ ਪੰਜਾਬ ਵਿਚ ਇਸ ਲਾਗ ਕਾਰਨ ਆਪਣੀ ਜਾਨ ਗੁਆਉਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵੱਲ ਨਜ਼ਰ ਮਾਰੀ ਜਾਵੇ ਤਾਂ ਇਹ ਅੰਕੜਾ 1690 ਦੇ ਕਰੀਬ ਹੈ।
ਕਰੋਨਾ ਦੀ ਲਾਗ ਦੇ ਪੂਰੇ ਪੰਜਾਬ ਵਿਚ ਪ੍ਰਾਪਤ ਵੇਰਵਿਆਂ ਵਿੱਚ ਲੁਧਿਆਣਾ ਵਿਚ 152, ਜਲੰਧਰ 227, ਪਟਿਆਲਾ 138, ਅੰਮ੍ਰਿਤਸਰ 168, ਐਸ.ਏ.ਐਸ. ਨਗਰ 134, ਸੰਗਰੂਰ 55, ਬਠਿੰਡਾ 38, ਗੁਰਦਾਸਪੁਰ 71, ਫ਼ਿਰੋਜ਼ਪੁਰ 51, ਮੋਗਾ 15, ਹੁਸ਼ਿਆਰਪੁਰ 60, ਪਠਾਨਕੋਟ 46, ਬਰਨਾਲਾ 16, ਫ਼ਤਿਹਗੜ੍ਹ ਸਾਹਿਬ 17, ਕਪੂਰਥਲਾ 58, ਫ਼ਰੀਦਕੋਟ 56, ਤਰਨ ਤਾਰਨ 34, ਰੋਪੜ 23, ਫ਼ਾਜ਼ਿਲਕਾ 53, ਐਸ.ਬੀ.ਐਸ. ਨਗਰ 20, ਮੁਕਤਸਰ 45 ਅਤੇ ਮਾਨਸਾ ਵਿੱਚ 50 ਦੇ ਕਰੀਬ ਮਾਮਲੇ ਦਰਜ ਕੀਤੇ ਗਏ ਹਨ ਜੋਕਿ ਬਹੁਤ ਨਾਜ਼ੁਕ ਸਥਿਤੀ ਹੈ।