ਲੁਧਿਆਣਾ : ਮੈਸ਼ ਪ੍ਰੋਲਾਈਫ ਹਸਪਤਾਲ ਨੇ ਆਰਥੋਪੀਡਿਕ ਸਰਜਰੀ ਦੇ ਖੇਤਰ ਵਿੱਚ ਇੱਕ ਹੋਰ ਮਹੱਤਵਪੂਰਨ ਸਫਲਤਾ ਹਾਸਲ ਕਰਦਿਆਂ 74 ਸਾਲਾ ਮਹਿਲਾ ਦੇ ਦੋਵੇਂ ਕਮਰ ਦੇ ਜੋੜਾਂ (ਟੋਟਲ ਹਿਪ ਰੀਪਲੇਸਮੈਂਟ) ਦਾ ਸਫਲ ਆਪ੍ਰੇਸ਼ਨ ਕੀਤਾ ਹੈ। ਇਹ ਜਟਿਲ ਸਰਜਰੀ ਪ੍ਰਸਿੱਧ ਆਰਥੋਪੀਡਿਕ ਅਤੇ ਜੋਇੰਟ ਰੀਪਲੇਸਮੈਂਟ ਵਿਸ਼ੇਸ਼ਗਿਆ ਡਾ. ਮੁਨੀਸ਼ ਗੋਇਲ ਅਤੇ ਉਨ੍ਹਾਂ ਦੀ ਮਾਹਿਰ ਟੀਮ ਵੱਲੋਂ ਕੀਤੀ ਗਈ। ਸਰਜਰੀ ਤੋਂ ਬਾਅਦ ਮਰੀਜ਼ ਦੀ ਸਿਹਤ ਵਿੱਚ ਤੇਜ਼ੀ ਨਾਲ ਸੁਧਾਰ ਆਇਆ ਹੈ ਅਤੇ ਉਹ ਹੁਣ ਪਹਿਲਾਂ ਨਾਲੋਂ ਕਾਫ਼ੀ ਆਰਾਮ ਮਹਿਸੂਸ ਕਰ ਰਹੀ ਹੈ। ਹਸਪਤਾਲ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ, ਮਹਿਲਾ ਲੰਬੇ ਸਮੇਂ ਤੋਂ ਕਮਰ ਦੇ ਜੋੜਾਂ ਵਿੱਚ ਅਸਹਿਣਯ ਦਰਦ, ਤੁਰਨ-ਫਿਰਨ ਵਿੱਚ ਮੁਸ਼ਕਲ ਅਤੇ ਰੋਜ਼ਾਨਾ ਦੇ ਕੰਮ ਕਰਨ ਵਿੱਚ ਦਿੱਕਤ ਦਾ ਸਾਹਮਣਾ ਕਰ ਰਹੀ ਸੀ। ਉਨ੍ਹਾਂ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਟੋਟਲ ਹਿਪ ਰੀਪਲੇਸਮੈਂਟ ਇੱਕ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਸਰਜਰੀ ਹੈ। ਜੇਕਰ ਕਿਸੇ ਵਿਅਕਤੀ ਨੂੰ ਕਮਰ ਦੇ ਜੋੜ ਵਿੱਚ ਲਗਾਤਾਰ ਦਰਦ, ਜੋੜ ਘਿਸ ਜਾਣਾ, ਹੱਡੀ ਟੁੱਟਣ ਤੋਂ ਬਾਅਦ ਗੰਭੀਰ ਸਮੱਸਿਆ ਜਾਂ ਗਠੀਆ ਕਾਰਨ ਤੁਰਨ-ਫਿਰਨ ਵਿੱਚ ਦਿੱਕਤ ਆ ਰਹੀ ਹੋਵੇ ਤਾਂ ਸਮੇਂ ਸਿਰ ਮਾਹਿਰ ਡਾਕਟਰ ਨਾਲ ਸਲਾਹ ਲੈਣੀ ਚਾਹੀਦੀ ਹੈ। ਸਮੇਂ ਸਿਰ ਕੀਤਾ ਗਿਆ ਇਲਾਜ ਮਰੀਜ਼ ਨੂੰ ਮੁੜ ਸਰਗਰਮ ਅਤੇ ਦਰਦ-ਰਹਿਤ ਜੀਵਨ ਦੇ ਸਕਦਾ ਹੈ। ਡਾ. ਗੋਇਲ ਨੇ ਕਿਹਾ ਕਿ ਕਈ ਲੋਕ ਵਧਦੀ ਉਮਰ ਕਾਰਨ ਜੋਇੰਟ ਰੀਪਲੇਸਮੈਂਟ ਤੋਂ ਘਬਰਾਉਂਦੇ ਹਨ, ਪਰ ਆਧੁਨਿਕ ਤਕਨੀਕ, ਤਜਰਬੇਕਾਰ ਸਰਜਨਾਂ ਅਤੇ ਬਿਹਤਰ ਪੋਸਟ-ਆਪਰੇਟਿਵ ਦੇਖਭਾਲ ਸਦਕਾ 70 ਸਾਲ ਤੋਂ ਵੱਧ ਉਮਰ ਦੇ ਮਰੀਜ਼ਾਂ ਵਿੱਚ ਵੀ ਇਹ ਸਰਜਰੀ ਸਫਲਤਾਪੂਰਵਕ ਕੀਤੀ ਜਾ ਸਕਦੀ ਹੈ। ਹਸਪਤਾਲ ਪ੍ਰਬੰਧਨ ਨੇ ਦੱਸਿਆ ਕਿ ਮੈਸ਼ ਪ੍ਰੋਲਾਈਫ ਹਸਪਤਾਲ ਵਿੱਚ ਆਧੁਨਿਕ ਤਕਨੀਕ ਅਤੇ ਤਜਰਬੇਕਾਰ ਮਾਹਿਰਾਂ ਦੀ ਟੀਮ ਵੱਲੋਂ ਗੋਡਿਆਂ ਅਤੇ ਕਮਰ ਦੇ ਜੋੜਾਂ ਨਾਲ ਸੰਬੰਧਿਤ ਹਰ ਤਰ੍ਹਾਂ ਦੀਆਂ ਜਟਿਲ ਸਰਜਰੀਆਂ ਸਫਲਤਾਪੂਰਵਕ ਕੀਤੀਆਂ ਜਾ ਰਹੀਆਂ ਹਨ। ਹਸਪਤਾਲ ਦਾ ਉਦੇਸ਼ ਹਰ ਮਰੀਜ਼ ਨੂੰ ਉੱਚ ਪੱਧਰੀ ਇਲਾਜ, ਸੁਰੱਖਿਅਤ ਸਰਜਰੀ ਅਤੇ ਤੇਜ਼ ਰਿਕਵਰੀ ਦੀ ਸਹੂਲਤ ਪ੍ਰਦਾਨ ਕਰਨਾ ਹੈ ਤਾਂ ਜੋ ਉਹ ਮੁੜ ਸਿਹਤਮੰਦ ਅਤੇ ਸਰਗਰਮ ਜੀਵਨ ਜੀ ਸਕੇ।