ਅਮਰਨਾਥ ਯਾਤਰਾ ਤੇ ਗਏ ਖਨੌਰੀ ਦੇ ਰਹਿਣ ਵਾਲੇ ਪਵਨ ਗੋਇਲ ਹੋਈ ਮੌਤ

ਖਨੌਰੀ :  ਅਮਰਨਾਥ ਦੀ ਯਾਤਰਾ ਤੇ ਪਰਿਵਾਰ ਸਮੇਤ ਗਏ ਖਨੌਰੀ ਦੇ ਇਕ ਵਿਅਕਤੀ ਦੀ ਪੈਦਲ ਚੜਾਈ ਚੜਣ ਦੌਰਾਨ ਅਚਾਨਕ ਮੌਤ ਨੇਹੋ ਜਾਣ ਦਾ ਦੁਖਦਾਈ ਸਮਾਚਾਰ ਹੈ।  ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮ੍ਰਿਤਕ ਪਵਨ ਗੋਇਲ ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਖਨੌਰੀ ਦੇ ਵਾਰਡ ਨੰਬਰ 3 ਦੇ ਰਹਿਣ ਵਾਲੇ ਪਵਨ ਕੁਮਾਰ ਗੋਇਲ (50)  ਪੁੱਤਰ ਰਾਮੇਸ਼ਵਰ ਦਾਸ ਆਪਣੇ ਪਰਿਵਾਰ ਅਤੇ ਹੋਰ ਪਰਿਵਾਰਕ ਮੈਂਬਰਾਂ  ਸਮੇਤ ਖਨੌਰੀ ਤੋਂ ਅਮਰਨਾਥ ਦੀ ਯਾਤਰਾ ਲਈ ਨਿਕਲੇ। ਵੀਰਵਾਰ ਨੂੰ ਜਦੋਂ ਉਨ੍ਹਾਂ ਵੱਲੋਂ ਪੈਦਲ ਚੜ੍ਹਾਈ ਕੀਤੀ ਜਾ ਰਹੀ ਸੀ ਅਤੇ ਚੜਾਈ ਚੜਦੇ ਸਮੇਂ ਪਵਨ ਕੁਮਾਰ ਗੋਇਲ ਬੈਠ ਗਿਆ ਤੇ ਉਸ ਨੂੰ ਉਲਟੀ ਆਈ ਤੇ ਉਸ ਨੇ ਆਪਣੇ ਨਾਲ ਗਏ ਆਪਣੇ ਲੜਕੇ, ਜੋ ਕਿ ਉਸ ਤੋਂ ਕੁਝ ਅੱਗੇ ਜਾ ਰਿਹਾ ਸੀ, ਨੂੰ ਫੋਨ ਤੇ ਦੱਸਿਆ ਕਿ ਮੇਰੀ ਤਬੀਅਤ ਖਰਾਬ ਹੋ ਗਈ ਹੈ ਤੁਸੀਂ ਦਰਸ਼ਨ ਕਰ ਲਵੋ ਮੈਂ ਥੋੜ੍ਹਾ ਲੇਟ ਆਵਾਂਗਾ। ਇਸ ਉਪਰੰਤ  ਜਦੋਂ ਉਸਦਾ ਪੁੱਤਰ ਤੇ ਹੋਰ ਰਿਸ਼ਤੇਦਾਰ ਜਦੋਂ ਪਵਨ ਗੋਇਲ ਕੋਲ ਪਹੁੰਚੇ,  ਪਵਨ ਗੋਇਲ ਦੀ ਮੌਤ ਹੋ ਚੁੱਕੀ ਸੀ।  ਮੌਤ ਉਪਰੰਤ ਮਿਲਟਰੀ ਵਾਲਿਆਂ ਨੇ ਅਤੇ ਉਥੋਂ ਦੇ ਹੋਰ ਪ੍ਰਬੰਧਕਾਂ ਨੇ ਪਵਨ ਦੀ ਲਾਸ਼ ਨੂੰ ਸ਼੍ਰੀਨਗਰ ਲਿਆਂਦਾ ਅਤੇ ਫਿਰ ਹਵਾਈ ਰਸਤੇ ਰਾਹੀ  ਚੰਡੀਗੜ ਵਿਖੇ ਭੇਜਿਆ ਗਿਆ। ਚੰਡੀਗੜ੍ਹ ਤੋਂ ਐਂਬੂਲੈਂਸ ਰਾਹੀਂ ਉਸਦੀ ਲਾਸ਼ ਅੱਜ ਸ਼ਨੀਵਾਰ ਨੂੰ ਖਨੌਰੀ ਵਿਖੇ ਲਿਆਂਦੀ ਗਈ ਜਿੱਥੇ ਕਿ ਉਸ ਦਾ ਰਾਮਬਾਗ ਵਿਖੇ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਜਿਸ ਮੌਕੇ ਵੱਡੀ ਗਿਣਤੀ ਵਿਚ ਸ਼ਹਿਰ ਵਾਸੀ ਅਤੇ ਰਿਸ਼ਤੇਦਾਰ ਮਿੱਤਰ ਆਦਿ ਮੌਜੂਦ ਸਨ। ਪਰਿਵਾਰ ਦਾ ਪਾਲਣ ਪੋਸ਼ਣ ਪਵਨ ਗੋਇਲ ਦੀ ਮੌਤ ਉਪਰੰਤ ਪਰਿਵਾਰ ਲਈ ਬਹੁਤ ਔਖਾ ਹੋ ਗਿਆ ਹੈ ਕਿਉਂਕਿ ਪਵਨ ਦੇ ਹੀ ਕੰਮ ਕਾਜ ਨਾਲ ਪਰਿਵਾਰ ਦਾ ਗੁਜ਼ਾਰਾ ਹੋ ਰਿਹਾ ਸੀ।