ਦੇਵੀਗੜ: ਡਾ ਸ਼ੈਲੀ ਜੇਤਲੀ ਸਿਵਲ ਸਰਜਨ ਪਟਿਆਲਾ ਜੀ ਦੇ ਦਿਸ਼ਾ-ਨਿਰਦੇਸ਼ਾਂ ਤਹਿਤ ਸਿਹਤ ਬਲਾਕ ਦੁਧਨ ਸਾਧਾਂ ਵਿਚ 0-5 ਸਾਲ ਦੇ ਬਚਿਆ ਨੂੰ ਪੋਲੀਓ ਰੋਕੂ ਦਵਾਈ ਦੀਆ ਬੂੰਦਾਂ ਪਿਲਾਉਣ ਦੀ ਸ਼ੁਰੂਆਤ ਡਾ. ਨਿਧੀ ਸ਼ਰਮਾ ਸੀਨੀਅਰ ਮੈਡੀਕਲ ਅਫਸਰ ਜੀ ਨੇ ਸਰਕਾਰੀ ਹਸਪਤਾਲ ਦੁਧਨ ਸਾਧਾਂ ਤੋਂ 0-5 ਸਾਲ ਦੇ ਬਚਿਆ ਨੂੰ ਪੋਲੀਓ ਰੋਕੂ ਦਵਾਈ ਦੀਆ ਬੂੰਦਾਂ ਪਿਲਾ ਕੇ ਕੀਤੀ। ਡਾ ਨਿਧੀ ਸ਼ਰਮਾ ਐਸ ਐਮ ਓ ਨੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆ ਦੱਸਿਆ ਕਿ 28-6-26 ਤੋੰ 30-6-26 ਤੱਕ ਤਿੰਨ ਦਿਨ ਇਹ ਮੁਹਿੰਮ ਚਲੇਗੀ ਜਿਸ ਦੌਰਾਨ ਬਲਾਕ ਵਿਚ 18143 ਬਚਿਆ ਨੂੰ ਪੋਲੀਓ ਰੋਕੂ ਦਵਾਈ ਦੀਆ ਬੂੰਦਾਂ ਪਿਲਾਏ ਜਾਣ ਦਾ ਟੀਚਾ ਹੈ। ਪਹਿਲੇ ਦਿਨ ਬੂਥ ਲਗਾਕੇ ਅਤੇ ਦੂਜੇ ਤੀਜੇ ਦਿਨ ਘਰੋ ਘਰੀ ਜਾ ਕੇ ਸਿਹਤ ਵਿਭਾਗ ਦੀਆ ਟੀਮਾਂ ਬਚਿਆ ਨੂੰ ਦਵਾਈ ਪਿਲਾਉਣਗੀਆਂ। ਇਸ ਟੀਚੇ ਦੀ ਪ੍ਰਾਪਤੀ ਲਈ 234 ਟੀਮਾਂ, 2 ਟ੍ਰਾਂਜਿਟ ਪੁਆਇੰਟ ਅਤੇ 4 ਮੋਬਾਇਲ ਟੀਮਾਂ ਦਾ ਗਠਨ ਕੀਤਾ ਗਿਆ ਹੈ।ਇਨਾ ਟੀਮਾਂ ਦੀ 25 ਸੁਪਰਵਾਈਜਰਾਂ ਵਲੋ ਸੁਪਰਵਿਜਨ ਕੀਤੀ ਜਾਵੇਗੀ।