ਲੁਧਿਆਣਾ : ਰਸਤੇ ਵਿੱਚ ਦੋਨੋਂ ਸਾਈਡ ਖੰਬੇ ਹੋਣ ਕਾਰਨ ਪਿੰਡ ਆਲਮਗੀਰ ਦੇ ਕਿਸਾਨ ਗੁਰਦੀਪ ਸਿੰਘ ਹਰ ਰੋਜ਼ ਬਿਜਲੀ ਵਿਭਾਗ ਦੇ ਉਪ ਮੰਡਲ ਸਰੀਹ ਵਿਖੇ ਚੱਕਰ ਮਾਰ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਗੁਰਦੀਪ ਸਿੰਘ ਨੇ ਦੱਸਿਆ ਮੇਰਾ ਪਿੰਡ ਆਲਮਗੀਰ ਹੈ ਅਤੇ ਮੇਰੀ ਜਮੀਨ ਪਿੰਡ ਸਰੀਂਹ ਵਿੱਚ ਹੈ, ਉਸ ਜਮੀਨ ਨੂੰ ਜਾਂਦਾ ਰਸਤਾ ਜੋ ਕਿ 11 ਫੁਟ ਦਾ ਹੈ, ਉਸ ਵਿੱਚ ਗੁਰਮ ਫੀਡਰ ਦਾ ਖੰਬਾ ਰਸਤੇ ਦੇ ਵਿਚਕਾਰ ਲਗਾ ਦਿੱਤਾ ਹੈ, ਜੋ ਕਿ ਸਾਇਡ ਤੇ ਲਗਾਉਣਾ ਬਣਦਾ ਸੀ। ਇਸ ਮੌਕੇ ਸ਼ਿਕਾਇਤ ਕਰਤਾ ਗੁਰਦੀਪ ਸਿੰਘ ਨੇ ਦੱਸਿਆ ਕਿ ਇਸੇ ਰਸਤੇ ਵਿੱਚ ਇਕ ਪਹਿਲਾ ਹੀ ਪੁਰਾਣਾ ਖੰਬਾ ਖੜਾ ਹੈ। ਇਸ ਕਾਰਨ ਮੇਰਾ ਰਸਤਾ ਬੰਦ ਹੋ ਗਿਆ ਹੈ ਅਤੇ ਖੇਤੀ ਬਾੜੀ ਦੀ ਮਸ਼ੀਨਰੀ ਲੰਘਣੀ ਵੀ ਬੰਦ ਹੋ ਗਈ ਹੈ। ਇਸ ਮੌਕੇ ਗੁਰਦੀਪ ਸਿੰਘ ਨੇ ਮੀਡੀਆ ਜਰੀਏ ਆਪਣੀ ਗੁਹਾਰ ਸੀਨੀਅਰ ਅਫਸਰਾਂ ਤੱਕ ਲਗਾਈ ਹੈ ਕਿ ਇਸ ਟਾਈਮ ਝੋਨੇ ਦੀ ਬਜਾਈ ਦਾ ਕੰਮ ਜ਼ੋਰਾਂ ਦੇ ਚੱਲ ਰਿਹਾ ਹੈ ਪਰ ਜੋ ਰਸਤਾ ਮੇਰੇ ਖੇਤ ਨੂੰ ਜਾਂਦਾ ਹੈ ਦੋਨੋਂ ਸਾਈਡਾਂ ਤੇ ਖੰਬੇ ਲੱਗੇ ਹੋਣ ਕਾਰਨ ਕੋਈ ਵੀ ਮਸ਼ੀਨਰੀ ਆਪਣੇ ਖੇਤ ਤੱਕ ਲਿਜਾਣ ਵਿੱਚ ਸਮਰਥਾਂ ਤੇ ਨਾ ਹੀ ਕੋਈ ਹੋਰ ਰਸਤਾ ਮੇਰੇ ਖੇਤ ਨੂੰ ਜਾਂਦਾ ਹੈ ਉਹਨਾਂ ਸੀਨੀਅਰ ਅਧਿਕਾਰੀਆਂ ਅੱਗੇ ਗੁਹਾਰ ਲਾਉਂਦੇ ਹੋਏ ਕਿਹਾ ਕਿ ਮੇਰਾ ਜਲਦੀ ਤੋਂ ਜਲਦੀ ਕੋਈ ਹੱਲ ਕੀਤਾ ਜਾਵੇ।
ਡੱਬੀ
ਇਸ ਸਬੰਧੀ ਜਦੋਂ ਐਸਡੀਓ ਮੋਹਨਪ੍ਰੀਤ ਸਿੰਘ ਸਰਾਓ ਨਾਲ ਫੋਨ ਤੇ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਵੱਲੋ ਜਾਣੂ ਕਰਵਾਇਆ ਗਿਆ ਕਿ ਇਹ ਇਕ ਸਾਲ ਪਹਿਲਾ ਫੀਡਰ ਕੱਢਿਆ ਸੀ। ਜਿਸ ਦੌਰਾਨ ਖਪਤਕਾਰ ਦੇ ਖੇਤ ਨੂੰ ਜਾਂਦੇ ਰਸਤੇ ਵਿੱਚ ਇੱਕ ਖੰਬਾ ਪਹਿਲੇ ਸਮੇਂ ਤੋਂ ਲੱਗਿਆ ਹੋਇਆ ਹੈ, ਅਤੇ ਦੂਜਾ ਖੰਭਾ ਤਕਰੀਬਨ ਇੱਕ ਸਾਲ ਪਹਿਲਾਂ ਨਵੇਂ ਫੀਡਰ ਕੱਢਣ ਸਮੇਂ ਲਗਾਇਆ ਗਿਆ ਸੀ। ਜਿਸ ਕਾਰਨ ਖਪਤਕਾਰ ਨੂੰ ਆਪਣੀ ਮਸ਼ੀਨਰੀ ਲੈ ਕੇ ਜਾਣ ਸਮੇਂ ਸਮੱਸਿਆ ਆ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਖਪਤਕਾਰ ਵੱਲੋਂ ਦਰਖਾਸਤ ਨੂੰ ਮਿਲਨ ਉਪਰੰਤ ਐਕਸਨ ਲੈਂਦੇਆ ਆਉਣ ਵਾਲੇ ਦੋ ਤੋਂ ਤਿੰਨ ਦਿਨਾਂ ਦੇ ਵਿੱਚ ਹੀ ਇੱਕ ਖੰਭਾ ਪੁੱਟਣ ਦਾ ਭਰੋਸਾ ਦਵਾਇਆ। ਅਖੀਰ ਵਿੱਚ ਉਹਨਾਂ ਕਿਹਾ ਕਿ ਸਾਡਾ ਵਿਭਾਗ ਖਪਤਕਾਰਾ ਦੀ ਸੇਵਾ ਵਿੱਚ ਹਮੇਸ਼ਾ ਹਾਜ਼ਰ ਹੈ।