ਖਰੜ,5 ਅਪ੍ਰੈਲ (ਚੰਦਰ ਸ਼ੇਖਰ): -ਨਾਨਕ ਸਾਈਂ ਫਾਊਡੇਸ਼ਨ ਸ੍ਰੀ ਹਜੂਰ ਸਾਹਿਬ ਨਾਦੇੜ੍ਹ ਵਲੋਂ ਪੰਜਾਬ ਅਤੇ ਮਹਾਂਰਾਸ਼ਟਰ ਵਿਚ ਸਿੱਖ ਭਾਈਚਾਰੇ ਵਿਚ ਵਧਾਏ ਜਾ ਰਹੇ ਆਪਸੀ ਭਾਈਚਾਰੇ ਵਧਾਉਣ ਲਈ ਪੰਜਾਬ ਦੇ ਵੱਖ ਵੱਖ ਜਿਲਿਆਂ ਤੋਂ ਸ੍ਰੀ ਹਜੂਰ ਸਾਹਿਬ ਨਾਦੇੜ੍ਹ ਸਥਿਤ ਗੁਰਦੁਆਰਿਆਂ ਦੇ ਦਰਸ਼ਨਾਂ ਲਈ ਆਈ ਸੰਗਤ ਦਾ ਸ੍ਰੀ ਹਜ਼ੂਰ ਸਾਹਿਬ ਨਾਦੇੜ ਦੇ ਰੇਲਵੇ ਸਟੇਸ਼ਨ ਤੇ ਫਾਊਡੇਸ਼ਨ ਦੇ ਮੁੱਖੀ ਪੰਧਰੀਨਾਥੇ ਬੋਕਾਰੇ ਦੀ ਅਗਵਾਈ ਵਿਚ ਟੀਮ ਵਲੋਂ ਯਾਤਰੀਆਂ ਦੇ ਗਲਾਂ ਵਿਚ ਹਾਰ ਪਾ ਕੇ ਸਵਾਗਤ ਕੀਤਾ ਗਿਆ। ਉਨ੍ਹਾਂ ਦਸਿਆ ਕਿ ਨਾਨਕ ਸਾਈ ਫਾਊਡੇਸ਼ਨ ਵਲੋਂ ਹਰ ਸਾਲ ਭਗਤ ਨਾਮਦੇਵ ਜੀ ਦੇ ਜਨਮ ਦਿਹਾੜੇ ਤੋਂ ਜੋ ਸ੍ਰੀ ਹਜ਼ੂਰ ਸਾਹਿਬ ਤੋਂ ਪੰਜਾਬ ਲਈ ਸਦਭਾਵਨਾ ਯਾਤਰਾ ਲੈ ਕੇ ਆਉਦੀ ਹੈ, ਉਥੇ ਯਾਤਰਾ ਵਿਚ ਸ਼ਾਮਲ ਸ਼ਰਧਾਲੂਆਂ ਦਾ ਪੰਜਾਬ ਦੇ ਸਿੱਖ ਭਾਈਚਾਰੇ ਵਲੋ ਵੱਖ ਵੱਖ ਥਾਵਾਂ ਤੇ ਸਤਿਕਾਰ ਸਹਿਤ ਸਵਾਗਤ ਕੀਤਾ ਜਾਂਦਾ ਹੈ। ਇਸੇ ਲੜੀ ਤਹਿਤ ਜੋ ਵੀ ਸੰਗਤਾਂ ਫਾਊਡੇਸ਼ਨ ਨਾਲ ਜੁੜੀਆਂ ਹੋਈਆਂ ਹਨ ਉਨ੍ਹਾਂ ਦਾ ਫਾਊਡੇਸ਼ਨ ਵਲੋਂ ਸ੍ਰੀ ਹਜੂਰ ਸਾਹਿਬ ਨਾਦੇੜ੍ਹ ਪੁੱਜਣ ਤੇ ਸਵਾਗਤ ਕੀਤਾ ਜਾਂਦਾ ਹੈ। ਉਨਾਂ ਇਹ ਸ਼ਰਧਾਲੂਆਂ ਗੁਰਦੁਆਰਾ ਸੱਚਖੰਡ ਸਾਹਿਬ ਸ੍ਰੀ ਹਜੂਰ ਸਾਹਿਬ, ਗੁਰਦੁਆਰਾ ਲੰਗਰ ਸਾਹਿਬ, ਗੁਰਦਬਆਰਾ ਸ਼ਿਕਾਰ ਘਾਟ ਸਮੇਤ ਨਾਨਕ ਝੀਰਾਂ ਬਿਦਰ, ਨਾਮ ਦੇਵ ਨਰਸੀ ਸਮੇਤ ਹੋਰ ਥਾਵਾਂ ਤੇ ਗੁਰਦੁਾਰਿਆਂ ਅਤੇ ਹੋਰ ਧਾਰਮਿਕ ਸਥਾਨ ਤੇ ਨਤਮਸਤਕ ਹੋਣਗੇ। ਇਨ੍ਹਾਂ ਸ਼ਰਧਾਲੂਆਂ ਵਲੋਂ ਲੰਗਰ ਸਾਹਿਬ ਦੇ ਮੁੱਖੀ ਬਾਬਾ ਨਰਿੰਦਰ ਸਿੰਘ ਅਤੇ ਬਾਬਾ ਬਲਵਿੰਦਰ ਸਿੰਘ ਜੀ ਤੋਂ ਆਸ਼ੀਰਵਾਦ ਲਿਆ। ਇਸ ਮੌਕੇ ਨਾਨਕ ਸਾਈਂ ਫਾਊਡੇਸ਼ਨ ਦੇ ਪ੍ਰਧਾਨ ਡਾ. ਗਜਾਨਨ ਦੇਵਕਰ, ਸਰਦਾਰ ਮਹਿੰਦਰ ਸਿੰਘ, ਧੰਨ ਜੈ ਉਮਰੀਕਰ, ਸ਼ੇ੍ਰ ਕੁਮਾਰ ਬੋਕਾਰੇ, ਜੈ ਪ੍ਰਕਾਸ਼ ਾਂਗਲਾ, ਚੰਦਰਕਾਂਤ ਪਵਾਨ, ਤੁੱਕਾਰਾਮ ਸਮੇਤ ਹੋਰ ਆਗੂ ਹਾਜ਼ਰ ਸਨ।
ਫੋਟੋ ਕੈਪਸ਼ਨ ਕੇਐਚਆਰ 05 ਏ
ਸ੍ਰੀ ਹਜੂਰ ਸਾਹਿਬ ਨਾਦੇੜ੍ਹ ਰੇਲਵੇ ਸਟੇਸ਼ਨ ਤੇ ਯਾਤਰੀਆਂ ਦੇ ਪਹੁੰਚਣ ਤੇ ਸਵਾਗਤ ਕਰਦੇ ਹੋਏ ਨਾਨਕ ਸਾਈ ਫਾਊਡੇਸ਼ਨ ਦੇ ਮੁੱਖੀ ਪੰਧਰੀਨਾਥ ਬੋਕਾਰੇ ਅਤੇ ਟੀਮ ਦੇ ਆਗੂ।