ਸੁਨਾਮ : ਦੀ ਪੈਨਸ਼ਨਰ ਵੈਲਫ਼ੇਅਰ ਐਸੋਸੀਏਸ਼ਨ ਸੁਨਾਮ ਦੀ ਪੈਨਸ਼ਨਰ ਭਵਨ ਵਿਖੇ ਹੋਈ ਜਥੇਬੰਦਕ ਕਾਨਫਰੰਸ ਮੌਕੇ ਰਾਮ ਸਰੂਪ ਢੈਪਈ ਨੂੰ ਮੁੜ ਸਰਬਸੰਮਤੀ ਨਾਲ ਐਸੋਸੀਏਸ਼ਨ ਦਾ ਪ੍ਰਧਾਨ ਚੁਣਿਆ ਗਿਆ। ਕਾਨਫਰੰਸ ਵਿੱਚ ਸ਼ਹੀਦ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ ਦਾ ਸ਼ਹੀਦੀ ਦਿਹਾੜਾ ਵੀ ਮਨਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਬਣੇ ਜੀਤ ਸਿੰਘ ਬੰਗਾ ਨੇ ਦੱਸਿਆ ਕਿ ਐਸੋਸੀਏਸ਼ਨ ਦੀ ਮੀਟਿੰਗ ਵਿੱਚ ਰਾਮ ਸਰੂਪ ਢੈਪਈ ਨੂੰ ਮੁੜ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ। ਇਸ ਮੌਕੇ ਬੋਲਦਿਆਂ ਰਾਮ ਸਰੂਪ ਢੈਪਈ, ਬਲਵਿੰਦਰ ਸਿੰਘ ਜਿਲੇਦਾਰ ,ਜੀਤ ਸਿੰਘ ਬੰਗਾ, ਭੁਪਿੰਦਰ ਸਿੰਘ ਛਾਜਲੀ,ਪਵਨ ਕੁਮਾਰ ਸ਼ਰਮਾ,ਦਰਸ਼ਨ ਸਿੰਘ ਮੱਟੂ, ਸ਼੍ਰੀਰਾਮ ਗਰਗ, ਬਿਰਜ ਲਾਲ ਧੀਮਾਨ,ਰਾਜ ਕੁਮਾਰ ਖੀਪਲਾ, ਹਰਨੇਕ ਸਿੰਘ ਨੱਢੇ ਨੇ ਸ਼ਹੀਦਾਂ ਦੀ ਸ਼ਹਾਦਤ ਤੇ ਚਾਨਣਾ ਪਾਇਆ, ਅਤੇ ਨਵੀਂ ਪੀੜ੍ਹੀ ਨੂੰ ਸ਼ਹੀਦਾਂ ਦੇ ਦੱਸੇ ਰਾਹ ਤੇ ਚਲਣ ਅਤੇ ਦੇਸ ਕੌਮ ਪ੍ਰਤੀ ਆਪਣੇ ਫ਼ਰਜ਼ਾਂ ਤੇ ਪਹਿਰਾ ਦੇਣ ਦੀ ਸਲਾਹ ਦਿੱਤੀ। ਕਾਨਫਰੰਸ ਵਿੱਚ ਬਲਵਿੰਦਰ ਸਿੰਘ ਜਿਲੇਦਾਰ ਜਨਰਲ ਸਕੱਤਰ ਨੇ ਪਿਛਲੇ ਦੋ ਸਾਲਾਂ ਦਾ ਲੇਖਾ ਜੋਖਾ ਪੇਸ਼ ਕੀਤਾ। ਹਰਦੇਵ ਸਿੰਘ ਸੋਹੀ ਸਹਾਇਕ ਖਜਾਨਚੀ ਨੇ ਵਿਤੀ ਰਿਪੋਰਟ ਪੇਸ਼ ਕੀਤੀ। ਇਸ ਮੌਕੇ ਛੱਜੂ ਰਾਮ ਜਿੰਦਲ, ਰਾਜ ਕੁਮਾਰ ਖੀਪਲਾ, ਹਰਨੇਕ ਸਿੰਘ ਨੱਢੇ ,ਜਸਵੰਤ ਸਿੰਘ ਅਸਮਾਨੀ, ਜਸਵਿੰਦਰ ਸਿੰਘ ਵੜੈਚ, ਕ੍ਰਿਪਾਲ ਸਿੰਘ ਗੰਢੂਆਂ, ਥਾਣੇਦਾਰ ਓਮ ਪ੍ਰਕਾਸ਼, ਜਗਦੀਸ਼ ਵਰਮਾ, ਰਣਜੀਤ ਸਿੰਘ ਛਾਜਲਾ, ਤਰਸੇਮ ਸਿੰਘ ਮਹਿਰੋਕ, ਪਵਨ ਸ਼ਰਮਾ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ।