ਖਨੌਰੀ : ਵਰਲਡ ਕੈਂਸਰ ਕੇਅਰ ਸੁਸਾਇਟੀ ਵਲੋਂ ਗੁਰੂਕੁਲ ਕਰੀਐਂਜਾ ਸਕੂਲ ਖਨੌਰੀ ਦੇ ਪ੍ਰਬੰਧ ਹੇਠ 22 ਅਗਸਤ 2025 ਨੂੰ ਗੁਰਦੁਆਰਾ ਪਾਤਸ਼ਾਹੀ ਛੇਵੀਂ ਸੰਤ ਆਸ਼ਰਮ ਸਾਹਿਬ ਖਨੌਰੀ ਵਿਖੇ ਫਰੀ ਕੈਂਸਰ ਜਾਂਚ ਕੈਂਪ ਲਗਾਇਆ ਜਾ ਰਿਹਾ ਹੈ। ਜਿਸ ਵਿਚ ਕੈਂਸਰ ਮਾਹਰ ਡਾਕਟਰਾਂ ਵਲੋਂ ਨਵੀਂ ਤਕਨੀਕ ਨਾਲ ਵੱਖ ਵੱਖ ਤਰਾਂ ਦੇ ਕੈਂਸਰ ਦੀ ਜਾਂਚ ਕੀਤੀ ਜਾਵੇਗੀ। ਇਸ ਸਬੰਧੀ ਮੀਰੀ ਪੀਰੀ ਸੇਵਾ ਦਲ ਖਨੌਰੀ ਦੇ ਬੁਲਾਰੇ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਕੈਂਪ ਦੌਰਾਨ ਸੇਵਾ ਦਲ ਬਾਬਾ ਪਵਿੱਤਰ ਸਿੰਘ ਦੀ ਅਗਵਾਈ ਵਿੱਚ ਵਿਸ਼ੇਸ਼ ਸਹਿਯੋਗ ਕਰੇਗਾ ਅਤੇ ਮੀਰੀ ਪੀਰੀ ਸੇਵਾ ਦਲ ਦੇ ਸੇਵਾਦਾਰ ਇਸ ਕੈਂਪ ਦੌਰਾਨ ਮੂਹਰੇ ਹੋ ਕੇ ਸੇਵਾ ਕਾਰਜ ਕਰਨਗੇ। ਸੇਵਾ ਦਲ ਵਲੋਂ ਲੋਕ ਸੇਵਾ ਦੇ ਇਸ ਕਾਰਜ ਲਈ ਗੁਰੂਕੁਲ ਸਕੂਲ ਦੇ ਚੇਅਰਮੈਨ ਸ਼ਮਸ਼ੇਰ ਸਿੰਘ ਹੁੰਦਲ ਦੀ ਸਾਰੇ ਪ੍ਰਬੰਧ ਕਰਨ ਦੇ ਲਈ ਭਰਪੂਰ ਪ੍ਰਸ਼ੰਸਾ ਕੀਤੀ ਗਈ। ਇਸ ਮੌਕੇ ਤੇ ਬਲਵਿੰਦਰ ਸਿੰਘ ਬਿੰਦੂ ਢੀਂਡਸਾ, ਮਾਸਟਰ ਦਲੇਰ ਸਿੰਘ ਚੀਮਾ, ਪ੍ਰੋਫੈਸਰ ਅਮਨਜੀਤ ਸਿੰਘ, ਗੁਰਪ੍ਰੀਤ ਸਿੰਘ ਅਰੋੜਾ, ਡਾਕਟਰ ਜਸਕਰਨ ਸਿੰਘ, ਅਰਵਿੰਦਰ ਸਿੰਘ ਅਰੋੜਾ, ਪ੍ਰੇਮ ਸਿੰਘ, ਪੁਨੀਤ ਸਿੰਘ ਆਈਫੋਨ ਵਾਲੇ, ਪ੍ਰਿਤਪਾਲ ਸਿੰਘ ਸਰਾਓਂ, ਕੁਲਵੀਰ ਸਿੰਘ ਭੁੱਲਰ, ਇੰਦਰਪਾਲ ਸਿੰਘ ਸਰਾਓਂ ਤੇ ਸੇਵਾ ਦਲ ਦੇ ਹੋਰ ਵੀ ਸੇਵਾਦਾਰ ਹਾਜ਼ਰ ਸਨ।