ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਮੇਅਰਾਂ ਨੂੰ ਦਸਿਆ ਸ਼ਹਿਰਾਂ ਦੇ ਵਿਕਾਸ ਦਾ ਸਾਰਥੀ

ਹਰਿਆਣਾ ਵਿੱਚ ਸ਼ਹਿਰੀ ਵਿਕਾਸ ਨੁੰ ਮਿਲੀ ਨਵੀਂ ਤੇਜੀ, 2047 ਤੱਕ ਵੱਡਾ ਬਦਲਾਅ ਲਿਆਉਣ ਦਾ ਸੰਕਲਪ

ਚੰਡੀਗੜ੍ਹ : ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਮੇਅਰ ਆਪਣੇ-ਆਪਣੇ ਸ਼ਹਿਰਾਂ ਦੇ ਪਹਿਲੇ ਨਾਗਰਿਕ ਹੋਣ ਦੇ ਨਾਲ-ਨਾਲ ਉੱਥੇ ਦੇ ਵਿਕਾਸ ਅਤੇ ਪ੍ਰਗਤੀ ਦੇ ਸਾਰਥੀ ਵੀ ਹਨ। ਉਨ੍ਹਾਂ ਨੇ ਕਿਹਾ ਕਿ ਮੇਅਰ ਸਰਕਾਰ ਦੀ ਨੀਤੀਆਂ ਅਤੇ ਯੋਜਨਾਵਾਂ ਨੂੰ ਧਰਾਤਲ 'ਤੇ ਉਤਾਰਦੇ ਹਨ, ਨਾਗਰਿਕਾਂ ਦੀ ਉਮੀਦਾਂ ਨੂੰ ਸਮਝਦੇ ਹਨ ਅਤੇ ਉਨ੍ਹਾਂ ਦੀ ਸਮਸਿਆਵਾਂ ਦਾ ਹੱਲ ਕਰਦੇ ਹਨ। ਸਥਾਨਕ ਸਵੈ-ਸਾਸ਼ਨ ਦੀ ਪਰਿਕਲਪਣਾ ਵਿੱਚ ਮੇਅਰ ਰੀੜ ਦੇ ਸਮਾਨ ਹਨ। ਮੁੱਖ ਮੰਤਰੀ ਸ੍ਰੀ ਸੈਣੀ ਅੱਜ ਪੰਚਕੂਲਾ ਵਿੱਚ ਪ੍ਰਬੰਧਿਤ ਅਖਿਲ ਭਾਰਤੀ ਮੇਅਰ ਕਾਰਜਕਾਰੀ ਪਰਿਸ਼ਦ ਦੀ 115ਵੀਂ ਮੀਟਿੰਗ ਨੂੰ ਸੰਬੋਧਿਤ ਕਰ ਰਹੇ ਸਨ।

ਸ਼ਹਿਰ ਅਰਥਕ ਵਿਕਾਸ ਦੇ ਇੰਜਨ, ਇਨੋਵੇਸ਼ਨ ਦੇ ਕਂਦਰ

ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਵਿੱਚ ਮੇਅਰ ਜਨਤਾ ਵੱਲੋਂ ਸਿੱਧੇ ਚੁਣੇ ਜਾਂਦੇ ਹਨ ਅਤੇ ਉਨ੍ਹਾਂ ਦੇ ਕੋਲ ਕਾਰਜਕਾਰੀ ਸ਼ਕਤੀਆਂ ਹੁੰਦੀਆਂ ਹਨ। ਇਹ ਵਿਵਸਥਾ ਨਾਗਰਿਕਾਂ ਅਤੇ ਜਨਪ੍ਰਤੀਨਿਧੀਆਂ ਦੇ ਵਿੱਚ ਮਜਬੂਤ ਸੇਤੂ ਬਣਾਉਂਦੀ ਹੈ ਅਤੇ ਫੈਸਲਾ ਪ੍ਰਕ੍ਰਿਆ ਨੂੰ ਆਰਥਕ ਜਵਾਬਦੇਹੀ ਅਤੇ ਪ੍ਰਭਾਵੀ ਬਣਾਉਂਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਜਦੋਂ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਹੇਠ ਦੇਸ਼ ਵਿਕਸਿਤ ਭਾਰਤ ਦੇ ਟੀਚੇ ਵੱਲ ਵੱਧ ਰਿਹਾ ਹੈ, ਉਦੋਂ ਸ਼ਹਿਰਾਂ ਦੀ ਭੁਮਿਕਾ ਹੋਰ ਵੀ ਮਹਤੱਵਪੂਰਣ ਹੋ ਗਈ ਹੈ। ਸ਼ਹਿਰ ਸਿਰਫ ਨਿਵਾਸ ਸਥਾਨ ਨਹੀਂ ਹਨ, ਸਗੋ ਆਰਥਕ ਵਿਕਾਸ ਦੇ ਇੰਜਨ, ਇਨੋਵੇਸ਼ਨ ਦੇ ਕੇਂਦਰ ਅਤੇ ਸਭਿਆਚਾਰਕ ਆਦਾਨ-ਪ੍ਰਦਾਨ ਦੇ ਸੰਗਮ ਹਨ।

ਅਰਬਨਾਈਜੇਸ਼ਨ ਨੂੰ ਚਨੌਤੀ ਨਹੀਂ, ਮੌਕਾ ਮੰਨ ਰਿਹਾ ਹੈ ਹਰਿਆਣਾ

ਮੁੱਖ ਮੰਤਰੀ ਨੇ ਕਿਹਾ ਕਿ ਅੱਜ ਅਸੀਂ ਅਰਬਨਾਈਜੇਸ਼ਨ ਨੂੰ ਚਨੌਤੀ ਨਹੀਂ, ਮੌਕਾ ਮੰਨਦੇ ਹਨ। ਸਾਡਾ ਵਿਜ਼ਨ ਹੈ ਕਿ ਸ਼ਹਿਰ ਈਜ਼ ਆਫ ਲਿਵਿੰਗ ਅਤੇ ਈਜ਼ ਆਫ ਡੂਇੰਗ ਬਿਜ਼ਨੈਸ ਦਾ ਸੰਗਮ ਬਣੇ। ਸਾਨੂੰ ਸ਼ਹਿਰਾਂ ਨੂੰ ਸਿਰਫ ਇਮਾਰਤਾਂ ਅਤੇ ਸੜਕਾਂ ਦਾ ਢਾਂਚਾ ਨਹੀਂ ਬਨਾਉਣਾ, ਸਗੋ ਉਨ੍ਹਾਂ ਨੂੰ ਜਿੰਦਾਂ, ਸੰਵੇਦਨਸ਼ੀਲ ਅਤੇ ਆਤਮਨਿਰਭਰ ਵੀ ਬਨਾਉਣਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਾਲ 2047 ਤੱਕ ਭਾਰਤ ਦੀ ਲਗਭਗ 900 ਮਿਲਿਅਨ ਆਬਾਦੀ ਸ਼ਹਿਰਾਂ ਵਿੱਚ ਨਿਵਾਸ ਕਰੇਗੀ। ਇਹ ਸਿਰਫ ਗਿਣਤੀ ਨਹੀਂ ਹੈ, ਸਗੋ ਇੱਕ ਵੱਡੀ ਸੰਭਾਵਨਾ ਹੈ। ਨਵੇਂ ਮੌਕਿਆਂ, ਨਵੇਂ ਇੰਫ੍ਰਾਸਟਕਚਰ ਅਤੇ ਨਵੀਂ ਜੀਵਨਸ਼ੈਲੀ ਦੀ। ਸਾਨੂੰ ਇਸ ਬਦਲਾਅ ਨੂੰ ਚੰਗੀ ਤਰ੍ਹਾ ਯੋਜਨਾਬੱਧ ਸ਼ਹਿਰੀਕਰਣ, ਡਿਜੀਟਲ ਏਕੀਕਰਨ ਅਤੇ ਵਾਤਾਵਰਣ ਸੁਰੱਖਿਆ ਨਾਲ ਅਪਨਾਉਣਾ ਹੈ।

ਹਰਿਆਣਾ ਵਿੱਚ ਸ਼ਹਿਰੀ ਵਿਕਾਸ ਨੂੰ ਮਿਲੀ ਤੇਜੀ

ਮੁੱਖ ਮੰਤਰੀ ਨੇ ਦਸਿਆ ਕਿ ਹਰਿਆਣਾ ਵਿੱਚ ਸ਼ਹਿਰੀ ਸਥਾਨਕ ਨਿਗਮਾਂ ਨੂੰ ਵਿਕਾਸ ਕੰਮਾਂ ਲਈ 2014-15 ਵਿੱਚ 1,693 ਕਰੋੜ ਰੁਪਏ ਦੀ ਰਕਮ ਦਿੱਤੀ ਗਈ ਸੀ, ਜਿਸ ਨੂੰ 2025-26 ਵਿੱਚ ਵਧਾ ਕੇ 5,666 ਕਰੋੜ ਰੁਪਏ ਕਰ ਦਿੱਤਾ ਗਿਆ ਹੈ। ਚਾਰ ਮੈਟਰੋਪੋਲੀਟਨ ਵਿਕਾਸ ਅਥਾਰਿਟੀਆਂ ਬਣਾਈਆਂ ਗਈਆਂ ਹਨ ਅਤੇ ਫਰੀਦਾਬਾਦ ਤੇ ਕਰਨਾਲ ਨੂੰ ਸਮਾਰਟ ਸਿਟੀ ਵਜੋ ਵਿਕਸਿਤ ਕੀਤਾ ਜਾ ਰਿਹਾ ਹੈ। ਇਸ ਦੇ ਤਹਿਤ ਫਰੀਦਾਬਾਦ ਵਿੱਓ 930 ਕਰੋੜ ਰੁਪਏ ਦੀ ਲਾਗਤ ਨਾਲ 45 ਪਰਿਯੋਜਨਾਵਾਂ ਅਤੇ ਕਰਨਾਲ ਵਿੱਚ 927 ਕਰੋੜ ਰੁਪਏ ਦੀ ਲਾਗਤ ਨਾਲ 122 ਪਰਿਯੋਜਨਾਵਾਂ 'ਤੇ ਕੰਮ ਚੱਲ ਰਿਹਾ ਹੈ। ਊਨ੍ਹਾ ਨੇ ਦਸਿਆ ਕਿ ਹੁਣ ਤੱਕ 2,147 ਅਵੈਧ ਕਲੋਨੀਆਂ ਨੂੰ ਨਿਯਮਤ ਕੀਤਾ ਗਿਆ ਹੈ ਅਤੇ ਨਵੀਂ ਅਥੋਰਾਇਜਡ ਕਲੋਨੀਆਂ ਵਿੱਚ ਇੱਕ ਹਜਾਰ ਕਰੋੜ ਰੁਪਏ ਨਾਲ ਵਿਕਾਸ ਕੰਮ ਕਰਵਾਏ ਜਾ ਰਹੇ ਹਨ।

ਸ਼ਹਿਰੀ ਟ੍ਰਾਂਸਪੋਰਟ, ਆਵਾਸ ਅਤੇ ਠੋਸ ਵੇਸਟ ਪ੍ਰਬੰਧਨ ਵਿੱਚ ਵੱਡੀ ਉਪਲਬਧੀਆਂ

ਮੁੱਖ ਮੰਤਰੀ ਨੇ ਕਿਹਾ ਕਿ ਅਮ੍ਰਿੰਤ ਮਿਸ਼ਨ ਤਹਿਤ ਹੁਣ ਤੱਕ 2,930 ਕਰੋੜ ਰੁਪਏ ਖਰਚ ਕੀਤੇ ਜਾ ਚੁੱਕੇ ਹਨ। 375 ਇਲੈਕਟ੍ਰਿਕ ਬੱਸਾਂ ਦੇ ਸੰਚਾਲਨ ਦੇ ਟੀਚੇ ਵਿੱਚੋਂ 9 ਸ਼ਹਿਰਾਂ ਵਿੱਚ 50 ਬੱਸਾਂ ਚਲਾਈ ਜਾ ਚੁੱਕੀਆਂ ਹਨ ਅਤੇ ਪ੍ਰਧਾਨ ਮੰਤਰੀ ਈ-ਬੱਸ ਸੇਵਾ ਯੋਜਨਾ ਤਹਿਤ 2026 ਤੱਕ 450 ਬੱਸਾਂ ਖਰੀਦੀਆਂ ਜਾਣਗੀਆਂ। ਉਨ੍ਹਾਂ ਨੇ ਦਸਿਆ ਕਿ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ -ਸ਼ਹਿਰੀ ਤਹਿਤ 21,431 ਮਕਾਨ ਬਣਾਏ ਜਾ ਚੁੱਕੇ ਹਨ ਅਤੇ 11,412 ਮਕਾਨ ਨਿਰਮਾਣਧੀਨ ਹਨ। ਮੁੱਖ ਮੰਤਰੀ ਸ਼ਹਿਰੀ ਆਵਾਸ ਯੋਜਨਾ ਤਹਿਤ 14 ਸ਼ਹਿਰਾਂ ਵਿੱਚ 15,256 ਪਰਿਵਾਰਾਂ ਨੂੰ 30-30 ਵਰਗ ਗਜ ਦੇ ਪਲਾਟ ਦਿੱਤੇ ਜਾ ਚੁੱਕੇ ਹਨ।

ਮੁੱਖ ਮੰਤਰੀ ਨੇ ਕਿਹਾ ਕਿ ਘਰ-ਘਰ ਕੂੜਾ ਸੰਗ੍ਰਹਿਣ, ਕਮਿਉਨਿਟੀ ਕੰਪੋਸਟਿੰਗ ਅਤੇ ਬਾਇਓਗੈਸ ਪਲਾਂਟਾਂ ਰਾਹੀਂ ਠੋਸ ਵੇਸਟ ਪ੍ਰਬੰਧਨ ਵਿੱਚ ਹਰਿਆਣਾ ਨੇ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਨਾਗਰਿਕਾਂ ਨੂੰ ਸ਼ਹਿਰੀ ਸੇਵਾਵਾਂ ਆਸਾਨੀ ਨਾਲ ਮਿਲਣ, ਇਸ ਦੇ ਲਈ ਹਰ ਪ੍ਰਕ੍ਰਿਆ ਨੂੰ ਸਰਲ ਅਤੇ ਡਿਜੀਟਲ ਬਣਾਇਆ ਹੈ।

ਮੇਅਰਾਂ ਤੋਂ ਸ਼ਹਿਰਾਂ ਨੂੰ ਬ੍ਰਾਂਡ ਬਨਾਉਣ ਦੀ ਅਪੀਲ

ਮੁੱਖ ਮੰਤਰੀ ਨੇ ਕਿਹਾ ਕਿ ਇਹ ਮੀਟਿੰਗ ਪਿਛਲੇ ਤਜਰਬਿਆਂ ਦੀ ਸਮੀਖਿਆ, ਨਵੀਂ ਚਨੌਤੀਆਂ 'ਤੇ ਚਰਚਾ ਅਤੇ ਮੇਅਰ ਨਿਗਮਾਂ ਨੂੰ ਮਜਬੂਤ ਕਰਨ ਦੀ ਦਿਸ਼ਾਂ ਵਿੱਚ ਮੀਲ ਦਾ ਪੱਥਰ ਸਾਬਤ ਹੋਵੇਗੀ। ਉਨ੍ਹਾਂ ਨੇ ਸਾਰੇ ਮੇਅਰਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਸ਼ਹਿਰ ਨੂੰ ਬ੍ਰਾਂਡ ਬਨਾਉਣ, ਉਸ ਨੂੰ ਵਿਸ਼ੇਸ਼ ਪਹਿਚਾਣ ਦੇਣ ਅਤੇ ਇਸ ਮਿਸ਼ਨ ਵਿੱਚ ਭਾਗੀਦਾਰ ਬਨਣ। ਉਨ੍ਹਾਂ ਨੇ ਭਰੋਸਾ ਜਤਾਇਆ ਕਿ ਪਰਿਸ਼ਦ ਦੀ ਇਹ ਮੀਟਿੰਗ ਸਾਰਥਕ ਚਰਚਾ ਅਤੇ ਨਵੇਂ ਸੰਕਲਪਾਂ ਦੇ ਨਾਲ ਖਤਮ ਹੋਵੇਗੀ ਅਤੇ ਸਾਰੇ ਪ੍ਰਤੀਨਿਧੀ ਆਪਣੇ-ਆਪਣੇ ਸ਼ਹਿਰਾਂ ਵਿੱਚ ਸਾਕਰਾਤਮਕ ਬਦਲਾਅ ਦੇ ਵਾਹਨ ਕਬਣਗੇ।

ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਹੇਠ ਭਾਰਤ ਦੀ ਪ੍ਰਗਤੀ

ਮੁੱਖ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਹੇਠ ਦੇਸ਼ ਨੇ ਪਿਛਲੇ 11 ਸਾਲਾਂ ਵਿੱਚ ਵਿਲੱਖਣ ਪ੍ਰਗਤੀ ਕੀਤੀ ਹੈ। 2014 ਵਿੱਚ ਜਦੋਂ ਪ੍ਰਧਾਨ ਮੰਤਰੀ ਜੀ ਨੇ ਸੁੰਹ ਲਈ ਸੀ, ਉਦੋਂ ਭਾਰਤ ਦੀ ਅਰਥਵਿਵਸਥਾ 11ਵੇਂ ਸਥਾਨ 'ਤੇ ਸੀ। ਅੱਜ ਭਾਰਤ 2025 ਤੱਕ ਚੌਥੀ ਸੱਭ ਤੋਂ ਵੱਡੀ ਆਰਥਕ ਸ਼ਕਤੀ ਵਜੋ ਸਥਾਪਿਤ ਹੋ ਚੁੱਕਾ ਹੈ ਅਤੇ 2029 ਤੱਕ ਤੀਜੀ ਸੱਭ ਤੋਂ ਵੱਡੀ ਆਰਥਕ ਸ਼ਕਤੀ ਬਣ ਜਾਵੇਗੀ। ਪ੍ਰਧਾਨ ਮੰਤਰੀ ਸ੍ਰੀ ਮੋਦੀ ਜੀ ਨੈ 2047 ਤੋਂ ਪਹਿਲਾਂ ਭਾਰਤ ਨੂੰ ਵਿਕਸਿਤ ਰਾਸ਼ਟਰ ਬਨਾਉਣ ਦਾ ਜੋ ਸੰਕਲਪ ਲਿਆ ਹੈ, ਉਹ ਯਕੀਨੀ ਰੂਪ ਨਾਲ ਸਾਕਾਰ ਹੋਵੇਗਾ। ਮੁੱਖ ਮੰਤਰੀ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਮੇਅਰ ਅਤੇ ਚੇਅਰਮੈਨ ਦੇ ਚੋਣ ਸਿੱਧੇ ਕਰਵਾ ਕੇ ਉਨ੍ਹਾ ਦੀ ਸਾਖ ਅਤੇ ਵਿਕਾਸ ਦੀ ਗਤੀ ਨੂੰ ਵਧਾਉਣ ਦਾ ਕੰਮ ਕੀਤਾ ਹੈ। ਅੰਤੋਂਦੇਯ ਦੀ ਭਾਵਨਾ ਅਨੁਰੂਪ ਆਖੀਰੀ ਵਿਅਕਤੀ ਤੱਕ ਵਿਕਾਸ ਦੀ ਯੋਜਨਾਵਾਂ ਦਾ ਲਾਭ ਪਹੁੰਚੇ, ਇਸ ਦੇ ਲਈ ਸਾਰੇ ਮੇਅਰਾਂ ਨੂੰ ਹੋਰ ਵੱਧ ਜਿਮੇਵਾਰੀ ਨਾਲ ਕੰਮ ਕਰਨਾ ਹੋਵੇਗਾ।

ਇੰਦੌਰ ਮਾਡਲ ਦੀ ਸ਼ਲਾਘਾ ਅਤੇ ਪੇ੍ਰਰਣਾ

ਮੁੱਖ ਮੰਤਰੀ ਨੇ ਇੰਦੌਰ ਦੀ ਸਵੱਛਤਾ ਰੈਕਿੰਗ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਮੇਅਰ ਅਤੇ ਪਾਰਸ਼ਦਾਂ ਨੂੰ ਇੰਦੌਰ ਜਾ ਕੇ ਉੱਥੇ ਦੀ ਯੋਜਨਾਵਾਂ ਅਤੇ ਮਾਡਲ ਦਾ ਅਧਿਐਨ ਕਰਨਾ ਚਾਹੀਦਾ ਹੈ ਤਾਂ ਜੋ ਹਰਿਆਣਾ ਦੇ ਸ਼ਹਿਰਾਂ ਵਿੱਚ ਵੀ ਉਸੀ ਤਰ੍ਹਾ ਦੇ ਮਾਡਲ ਲਾਗੂ ਕੀਤੇ ਜਾ ਸਕਣ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ, ਸਵੱਛ ਭਾਰਤ ਮਿਸ਼ਨ ਅਤੇ ਪਖਾਨੇ ਨਿਰਮਾਣ ਵਰਗੀ ਯੋਜਨਾਵਾਂ ਦੀ ਸਫਲਤਾ ਵਿੱਚ ਮੇਅਰਾਂ ਦੀ ਭੁਮਿਕਾ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਇੰਨ੍ਹਾਂ ਯੋਜਨਾਵਾਂ ਨੂੰ ਧਰਾਤਲ 'ਤੇ ਉਤਾਰਣ ਦਾ ਕੰਮ ਮੇਅਰਾਂ ਵੱਲੋਂ ਹੀ ਹੁੰਦਾ ਹੈ।

ਇਸ ਮੀਟਿੰਗ ਵਿੱਚ ਰਾਜਸਭਾ ਸਾਂਦਸ ਸ੍ਰੀ ਕਾਰਤੀਕੇਯ ਸ਼ਰਮਾ, ਕਾਲਕਾ ਤੋਂ ਵਿਧਾਇਕ ਸ੍ਰੀਮਤੀ ਸ਼ਕਤੀ ਰਾਣੀ ਸ਼ਰਮਾ, ਆਲ ਇੰਡੀਆ ਮੇਅਰ ਕਾਉਂਸਿਲ ਦੀ ਚੇਅਰਮੈਨ ਸ੍ਰੀਮਤੀ ਮਾਧੂਰੀ ਅਤੁਲ ਪਟੇਲ, ਆਲ ਇੰਡੀਆ ਮੇਅਰ ਕਾਊਂਸਿਲ ਦੇ ਆਰਗਨਾਈਜਿੰਗ ਜਨਰਲ ਸੈਕਰੇਟਰੀ ਅਤੇ ਮੱਧ ਪ੍ਰਦੇਸ਼ ਦੇ ਸਾਬਕਾ ਮੰਤਰੀ ਸ੍ਰੀ ਉਮਾਸ਼ੰਕਰ, ਆਲ ਇੰਡੀਆ ਮੇਅਰ ਕਾਊਂਸਿਲ ਦੀ ਸੀਨੀਅਰ ਵਾਇਸ ਪ੍ਰੈਸੀਡੈਂਟ ਅਤੇ ਕਰਨਾਲ ਦੀ ਮੇਅਰ ਸ੍ਰੀਮਤੀ ਰੇਣੂ ਬਾਲ ਗੁਪਤਾ, ਪੰਚਕੂਲਾ ਦੇ ਮੇਅਰ ਸ੍ਰੀ ਕੁਲਭੂਸ਼ਣ ਗੋਇਲ ਅਤੇ ਵੱਖ-ਵੱਖ ਸੂਬਿਆਂ ਦੇ ਮੇਅਰ ਮੌਜੂਦ ਰਹੇ।