ਮੁੱਖ ਚੋਣ ਕਮਿਸ਼ਨਰ ਸ੍ਰੀ ਗਿਆਨੇਸ਼ ਕੁਮਾਰ ਸਵੀਡਨ ਵਿੱਚ ਅਪ੍ਰਵਾਸੀ ਭਾਰਤੀਆਂ ਦੇ ਨਾਲ ਹੋਏ ਰੁਬਰੂ
ਚੰਡੀਗੜ੍ਹ : ਹਰਿਆਣਾ ਦੇ ਮੁੱਖ ਚੋਣ ਅਧਿਕਾਰੀ ਸ੍ਰੀ ਪੰਕਜ ਅਗਰਵਾਲ ਨੇ ਕਿਹਾ ਕਿ ਭਾਰਤ ਦੇ ਮੁੱਖ ਚੋਣ ਕਮਿਸ਼ਨਰ ਸ੍ਰੀ ਗਿਆਨੇਸ਼ ਕੁਮਾਰ ਨੇ ਕੌਮਾਂਤਰੀ ਲੋਕਤੰਤਰ ਅਤੇ ਚੋਣ ਸਹਾਇਤਾ ਸੰਸਥਾਨ ਵੱਲੋਂ ਸਟਾਕਹੋਮ, ਸਵੀਡਨ ਵਿੱਚ ਪ੍ਰਬੰਧਿਤ ਦੋ ਦਿਨਾਂ ਸਮੇਲਨ ਵਿੱਚ ਚੋਣ ਪ੍ਰਬੰਧਨ ਅਤੇ ਲੋਕਤਾਂਤਰਿਕ ਸਹਿਯੋਗ ਵਿੱਚ ਭਾਰਤ ਦੀ ਲੰਬੇ ਸਮੇਂ ਦੀ ਸਾਂਝੇਦਾਰੀ ਦਾ ਪੱਖ ਰੱਖਿਆ।
ਸ੍ਰੀ ਪੰਕਜ ਅਗਰਵਾਲ ਨੇ ਕਿਹਾ ਕਿ ਵੱਖ-ਵੱਖ ਦੇਸ਼ਾਂ ਦੇ ਚੋਣ ਪ੍ਰਬੰਧਨ ਨਿਗਮਾਂ ਦੇ ਪ੍ਰਮੁੱਖਾਂ ਦੇ ਨਾਲ ਵੀ ਕਈ ਦੌਰ ਦੀ ਦੋਪੱਖੀ ਮੀਟਿੰਗਾਂ ਕੀਤੀਆਂ। ਇਸ ਤੋਂ ਇਲਾਵਾ, ਉਹ ਸਵੀਡਨ ਵਿੱਚ ਰਹਿ ਰਹੇ ਅਪ੍ਰਵਾਸੀ ਭਾਰਤੀਆਂ ਨਾਲ ਵੀ ਰੁਬਰੂ ਹੋਏ। ਊਨ੍ਹਾਂ ਨੈ ਅਪ੍ਰਵਾਸੀ ਭਾਰਤੀਆਂ ਨੂੰ ਉਨ੍ਹਾਂ ਦੇ ਵੋਟ ਦੇ ਮਹਤੱਵ ਦੇ ਬਾਰੇ ਦਸਿਆ ਅਤੇ ਜਾਣਕਾਰੀ ਦਿੱਤੀ ਕਿ ਭਾਰਤ ਚੋਣ ਕਮਿਸ਼ਨਰ ਲੋਕਸਭਾ ਤੇ ਵਿਧਾਨਸਭਾ ਚੋਣ ਦੌਰਾਨ ਐਨਆਰਆਈ ਵੋਟਰ ਦੇ ਵੋਟ ਪੁਆਉਣ ਲਈ ਵੱਖ ਤੋਂ ਵਿਵਸਥਾ ਕਰਦਾ ਹੈ। ਭਾਰਤ ਇੱਕ ਮਜਬੂਤ ਲੋਕਤੰਤਰ ਹੈ ਅਤੇ ਲੋਕਤੰਤਰ ਦੀ ਮਜਬੂਤੀ ਲਈ ਜਰੂਰੀ ਹੈ ਕਿ ਹਰ ਵੋਟਰ ਆਪਣੇ ਵੋਟ ਅਧਿਕਾਰ ਦੀ ਵਰਤੋ ਕਰਨ। ਚੋਣ ਕਮਿਸ਼ਨ ਤਾਂ ਚੋਣ ਪ੍ਰਕ੍ਰਿਆ ਸਪੰਨ ਕਰਵਾਉਣ ਦਾ ਇੱਕ ਸਰੋਤ ਹੁੰਦਾ ਹੈ। ਅਸਲੀ ਮਜਬੂਤੀ ਤਾਂ ਵੋਟਰ ਹੁੰਦਾ ਹੈ।
ਸ੍ਰੀ ਗਿਆਨੇਸ਼ ਕੁਮਾਰ ਨੇ ਚੋਣ ਪ੍ਰਬੰਧਨ ਵਿੱਚ ਭਾਰਤ ਦੀ ਅਗਵਾਈ ਨੂੰ ਰੇਖਾਂਕਿਤ ਕੀਤਾ। ਇਸ ਸਮੇਲਨ ਵਿੱਚ ਲਗਭਗ 50 ਦੇਸ਼ਾਂ ਦੀ ਨੁਮਾਇੰਦਗੀ ਕਰਨ ਵਾਲੇ 100 ਤੋਂ ਵੱਧ ਨੁਮਾਇੰਦਿਆਂ ਨੇ ਹਿੱਸਾ ਲਿਆ। ਇਸ ਦਾ ਪ੍ਰਬੰਧ ਸਵੀਡਿਸ਼ ਵਿਦੇਸ਼ ਮੰਤਰਾਲੇ, ਸਵੀਡਿੰਸ਼ ਚੋਣ ਅਥਾਰਿਟੀ ਅਤੇ ਆਸਟ੍ਰੇਲਿਆਈ ਚੋਣ ਕਮਿਸ਼ਨ ਦੇ ਸਹਿਯੋਗ ਨਾਲ ਕੌਮਾਂਤਰੀ ਲੋਕਤੰਤਰ ਅਤੇ ਚੋਣ ਸਹਾਇਤਾ ਸੰਸਥਾਨ (ਇੰਟਰਨੈਸ਼ਨਲ ਆਈਡੀਈਏ) ਵੱਲੋਂ ਕੀਤਾ ਗਿਆ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਭਾਰਤ ਮੁੱਖ ਚੋਣ ਕਮਿਸ਼ਨਰ ਨੇ ਜਿਨ੍ਹਾਂ ਦੇਸ਼ਾਂ ਦੇ ਮੁੱਖ ਚੋਣ ਕਮਿਸ਼ਨਰਾਂ ਨਾਲ ਗਲਬਾਤ ਕੀਤੀ ਹੈ ਉਨ੍ਹਾਂ ਵਿੱਚ ਯੁਨਾਈਟੇਡ ਕਿੰਗਡਮ, ਦੱਖਣ ਅਫਰੀਕਾ, ਇੰਡੋਨੀਸ਼ਿਆ, ਮੈਕਸਿਕੋ, ਮੰਗੋਲਿਆ, ਮੋਲਦੋਵਾ, ਲਿਥੂਆਨਿਆ, ਮੋਰਿਸ਼ਿਅਸ, ਜਰਮਨੀ, ਯੂਕ੍ਰੇਨ, ਕ੍ਰੋਸ਼ਿਆ ਅਤੇ ਸਵਿਟਜਰਲੈਂਲ ਸ਼ਾਮਿਲ ਹਨ। ਇਸ ਪ੍ਰੋਗਰਾਮ ਦਾ ਮੁੱਖ ਫੋਕਸ ਖੇਤਰਾਂ ਵਿੱਚ ਗਲਤ ਸੂਚਨਾ, ਡਿਜੀਟਲ ਵਿਵਧਾਨ, ਚੋਣਾਵੀ ਸੁਰੱਖਿਆ, ਕਲਾਈਮੇਟ ਸਬੰਧੀ ਜੋਖਿਮ ਅਤੇ ਚੋਣਾਂ ਵਿੱਚ ਆਰਟੀਫੀਸ਼ਿਅਲ ਇੰਟੈਲੀਜੈਂਸ ਦੀ ਭੂਮਿਕਾ ਸ਼ਾਮਿਲ ਹਨ।