ਜ਼ੀਰਕਪੁਰ : ਸ਼੍ਰੀ ਖੱਟੂਸ਼ਿਆਮ ਯੁਵਾ ਮਿੱਤਰ ਮੰਡਲ ਟਰੱਸਟ (ਰਜਿਸਟਰਡ) ਦੀ ਜਨਰਲ ਮੀਟਿੰਗ ਪੀਰਮੁਛੱਲਾ ਵਿਖੇ ਹੋਈ। ਮੀਟਿੰਗ ਵਿੱਚ ਆਉਣ ਵਾਲੇ ਧਾਰਮਿਕ ਅਤੇ ਸਮਾਜਿਕ ਕੰਮਾਂ ਬਾਰੇ ਗੰਭੀਰਤਾ ਨਾਲ ਵਿਚਾਰ ਵਟਾਂਦਰਾ ਕਰਨ ਉਪਰੰਤ ਨਵੀਂ ਪ੍ਰਬੰਧਕੀ ਕਮੇਟੀ ਦੀ ਚੋਣ ਕੀਤੀ ਗਈ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਸੁਨੀਲ ਕੁਮਾਰ ਬਾਂਸਲ ਨੂੰ ਪ੍ਰਧਾਨ ਚੁਣਿਆ ਗਿਆ। ਇਸ ਤੋਂ ਇਲਾਵਾ ਨਿਤਿਨ ਬੇਦੀ ਨੂੰ ਸਕੱਤਰ, ਅਜੈ ਗੁਪਤਾ ਨੂੰ ਸੰਯੁਕਤ ਸਕੱਤਰ, ਰਾਕੇਸ਼ ਗੋਇਲ ਨੂੰ ਖਜ਼ਾਨਚੀ, ਅਮਨ ਬਾਂਸਲ ਨੂੰ ਸਹਿ-ਖਜ਼ਾਨਚੀ, ਮੋਹਿਤ ਗੋਇਲ ਨੂੰ ਮੀਡੀਆ ਇੰਚਾਰਜ, ਲਲਿਤ ਬਾਂਸਲ ਨੂੰ ਪ੍ਰਚਾਰ ਅਤੇ ਪ੍ਰਸਾਰ ਇੰਚਾਰਜ, ਅੰਸ਼ੁਲ ਨੂੰ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਆਡੀਟਰ, ਪ੍ਰਦੀਪ ਗੋਇਲ ਨੂੰ ਸਲਾਹਕਾਰ, ਜਿੰਮੀ ਸੈਣੀ, ਵਿਸ਼ਾਲ ਗੋਇਲ ਅਤੇ ਸੰਦੀਪ ਗਰਗ ਨੂੰ ਕਾਰਜਕਾਰੀ ਮੈਂਬਰ ਚੁਣਿਆ ਗਿਆ।