ਨੀਤੂ ਸਿੰਘ ਦੀ ਅਗਵਾਈ ਵਿਚ ਦਿਨ ਰਾਤ ਧਰਨਾ ਅੱਜ ਤੋ 

ਦੋਰਾਹਾ : ਇਲਾਕੇ ਚ ਚਰਚਾ ਦਾ ਵਿਸਾ ਬਣੇ ਹੋਏ  ਸਰਕਾਰੀ ਹਸਪਤਾਲ ਦੋਰਾਹਾ ਵਿਖੇ ਕਰੀਬ ਪਿਛਲੇ ਤਿੰਨ ਸਾਲਾਂ ਤੋ ਸਰਕਾਰ ਵੱਲੋਂ ਡਾਕਟਰ ਤੇ ਸਟਾਫ  ਨਾ ਭੇਜਣ ਕਾਰਨ ਪਿਛਲੇ ਸਮੇਂ ਕਾਫ਼ੀ ਦਿਨ ਧਰਨਾ ਜਾਰੀ ਰਿਹਾ ਪਰੰਤੂ  ਹਸਪਤਾਲ ਚ ਡਾਕਟਰ ਤੇ ਸਟਾਫ਼ ਨਹੀ ਆਇਆ ਜਿਸ ਕਾਰਨ ਸਹਿਰ ਵਾਸੀਆਂ ਚ ਰੋਸ਼ ਵੱਧਦਾ ਜਾ ਰਿਹਾ ਹੈ। ਇਸੇ ਦੌਰਾਨ ਸਹਿਰ ਵਾਸੀ ਤੇ ਵੱਖ ਵੱਖ ਜਥੇਬੰਦੀਆਂ ਵੱਲੋਂ ਅੱਜ 26 ਨਵੰਬਰ  ਨੂੰ  ਸਵੇਰੇ 10 ਵਜੇ ਤੋ ਭਾਜਪਾ ਮਹਿਲਾ ਮੋਰਚਾ ਪੰਜਾਬ ਦੀ ਸਪੋਕਸਪਰਸਨ ਨੀਤੂ ਸਿੰਘ ਦੋਰਾਹਾ ਦੀ ਅਗਵਾਈ ਵਿਚ ਧਰਨਾ ਦਿੱਤਾ ਜਾਵੇਗਾ। ਇਸ ਸਬੰਧੀ  ਗੱਲਬਾਤ ਕਰਦੇ ਹੋਏ ਨੀਤੂ ਸਿੰਘ ਨੇ ਕਿਹਾ ਕਿ  ਪਿਛਲੇ ਸਮੇਂ ਦੌਰਾਨ ਹਸਪਤਾਲ ਚ ਡਾਕਟਰ ਤੇ ਸਟਾਫ਼ ਭੇਜਣ ਨੂੰ ਲੈ ਕੇ  ਧਰਨਾ ਦਿੱਤਾ ਗਿਆ ਸੀ ਤੇ ਹਰਕਤ ਚ ਆਇਆ ਪ੍ਰਸ਼ਾਸਨ ਸਟਾਫ਼ ਭੇਜਣ ਲਈ ਰਾਜੀ ਹੋ ਗਿਆ ਸੀ । ਉਹਨਾਂ ਕਿਹਾ ਕਿ ਇਸ ਸਬੰਧੀ ਐਸ  ਐਮ ਓ ਪਾਇਲ ਨੇ 23 ਸਤੰਬਰ 2024 ਨੂੰ ਆਪਣਾ ਪੱਤਰ ਨੰਬਰ ਜਾਰੀ ਕਰਕੇ 30 ਬੈਡਾ ਵਾਲੇ ਇਸ ਹਸਪਤਾਲ ਚ 24 ਸਤੰਬਰ 2024 ਤੋ ਆਰਜੀ ਤੌਰ ਤੇ ਸਟਾਫ਼ ਭੇਜਣ ਦਾ ਲਿਖ਼ਤੀ ਐਲਾਨ ਕੀਤਾ ਸੀ ਪਰੰਤੂ ਅੱਜ ਤੱਕ ਹਸਪਤਾਲ ਚ ਸਟਾਫ਼ ਨਹੀ ਪੁੱਜਿਆ। ਉਹਨਾਂ ਕਿਹਾ ਕਿ ਹਸਪਤਾਲ ਚ ਸਟਾਫ਼ ਭੇਜਣ ਨੂੰ ਲੈਕੇ  ਉਹ ਅੱਜ ਧਰਨੇ ਤੇ ਬੈਠਣਗੇ ਤੇ ਇਹ ਧਰਨਾ 24 ਘੰਟੇ ਦਿਨ ਰਾਤ ਚੱਲੇਗਾ।  ਉਹਨਾਂ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਨੇ 30 ਨਵੰਬਰ ਤੱਕ ਹਸਪਤਾਲ ਚ ਸਟਾਫ਼ ਨਾ ਭੇਜਿਆ ਤਾ ਉਹ 1 ਦਸੰਬਰ ਨੂੰ  ਭੁੱਖ ਹੜਤਾਲ ਕਰਕੇ ਮਰਨ ਵਰਤ ਤੇ ਬੈਠਣਗੇ ਜਿਸ ਦੀ ਜਿੰਮੇਵਾਰੀ ਪ੍ਰਸਾਸਨ ਤੇ ਹਲਕਾ ਵਿਧਾਇਕ ਇੰਜ ਮਨਵਿੰਦਰ ਸਿੰਘ ਗਿਆਸਪੁਰਾ ਦੀ ਹੋਵੇਗੀ। ਉਹਨਾਂ ਸਹਿਰ ਵਾਸੀਆਂ ਤੇ ਜਥੇਬੰਦੀਆਂ ਨੂੰ ਧਰਨੇ ਦਾ ਹਿੱਸਾ ਬਣਨ ਦੀ ਅਪੀਲ ਕੀਤੀ।