ਕੀਵੀ ਸਾਈਕਲਿੰਗ ਦੇ ਖਿਡਾਰੀ ਨਾਥਨ ਡਾਹਲਬਰਗ ਦੀ ਚੀਨ ਵਿੱਚ 59 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ ਹੈ। ਉਸਦੇ ਦੋਸਤਾਂ ਅਤੇ ਸਾਬਕਾ ਸਾਥੀਆਂ ਨੇ ਸਭ ਤੋਂ ਮਹਾਨ ਖਿਡਾਰੀ ਨੂੰ ਇਸ ਮੌਕੇ ਸ਼ਰਧਾਂਜਲੀ ਦਿੱਤੀ ਹੈ। ਡਾਹਲਬਰਗ ਦਾ ਜਨਮ 1964 ਵਿੱਚ ਵੰਗਾਨੁਈ ਵਿੱਚ ਹੋਇਆ ਸੀ। ਉਸਨੇ 1988 ਅਤੇ 1989 ਵਿੱਚ ਟੂਰ ਡੀ ਫ਼ਰਾਂਸ ਅਤੇ 1990 ਵਿੱਚ ਗਿਰੋ ਡੀ ਇਟਾਲੀਆ ਵਿੱਚ ਸਵਾਰੀ ਕੀਤੀ ਸੀ। ਇਸ ਮਹਾਨ ਖਿਡਾਰੀ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ 7-ਇਲੈਵਨ-ਹੂਨਵੇਡ ਟੀਮ ਨਾਲ ਹੋਈ, ਜੋ ਬਾਅਦ ਵਿੱਚ 1988 ਵਿੱਚ ਮੋਟੋਰੋਲਾ ਸਾਈਕਲਿੰਗ ਟੀਮ ਬਣ ਗਈ। ਉਸਨੇ ਆਪਣੀ ਟੀਮ ਲਈ ਬਾਸਕ ਕੰਟਰੀ ਦੇ ਟੂਰ ਐਮਸਟਲ ਗੋਲਡ ਰੇਲ, ਬਾਰਡੋ-ਪੈਰਿਸ ਅਤੇ ਜੀਪੀ ਬੇਟੇਕੋਮ ਵਿੱਚ ਦੌੜ ਲਗਾਈ ਸੀ। ਇਸ ਮਹਾਨ ਖਿਡਾਰੀ ਦੀ ਮੌਤ ’ਤੇ ਸੰਯੁਕਤ ਰਾਜ ਦੇ ਉਲੰਪੀਅਨ ਸਾਈਕਲਿਸਟ ਸਕਾਟ ਮੈਕਕਿਨਲੇ ਨੇ ਵੀ ਸ਼ੋਕ ਪ੍ਰਗਟ ਕੀਤਾ ਹੈ।