ਆਯੋਗ ਦਾ ਟੀਚਾ ਸਾਰੀ ਭਰਤੀਆਂ ਪਾਰਦਰਸ਼ਿਤਾ ਅਤੇ ਸਮਾਨਤਾ ਦੇ ਸਿਦਾਂਤ 'ਤੇ ਹੋਣ
ਚੰਡੀਗਡ੍ਹ : ਹਰਿਆਣਾ ਵਿਚ ਨੌਜੁਆਨਾਂ ਨੂੰ ਰੁਜਗਾਰ ਦੇਣ ਦੀ ਦਿਸ਼ਾ ਵਿਚ ਗਰੁੱਪ-ਸੀ ਅਹੁਦਿਆਂ 'ਤੇ ਭਰਤੀ ਪ੍ਰਕ੍ਰਿਆ ਦੀ ਗਤੀ ਨੂੰ ਤੇਜ ਕਰਦੇ ਹੋਏ ਹਰਿਆਣਾ ਕਰਮਚਾਰੀ ਚੋਣ ਕਮਿਸ਼ਨ ਨੇ ਇਸ਼ਤਿਹਾਰ ਗਿਣਤੀ 4/2024 ਵਿਚ ਐਫਵਰਟਾਇਜ ਗਰੁੱਪ-1 ਅਤੇ 2 ਅਤੇ ਗਰੁੱਪ -56 ਅਤੇ 57 ਲਈ ਲਿਖਿਤ ਪ੍ਰੀਖਿਆ ਦੀ ਮਿੱਤੀ ਦਾ ਐਲਾਨ ਕੀਤਾ ਹੈ।
ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਕਮਿਸ਼ਨ ਦੇ ਚੇਅਰਮੈਨ ਸ੍ਰੀ ਹਿੰਮਤ ਸਿੰਘ ਨੇ ਦਸਿਆ ਕਿ ਗਰੁੱਪ-1 ਦੀ ਪ੍ਰੀਖਿਆ 7 ਅਗਸਤ ਅਤੇ ਗਰੁੱਪ-2 ਦੀ ਪ੍ਰੀਖਿਆ 8 ਅਗਸਤ, 2024 ਨੁੰ ਹੋਵੇਗੀ। ਦੋਵਾਂ ਗਰੁੱਪਾਂ ਦੀ ਪ੍ਰੀਖਿਆ ਸ਼ਾਮ ਸ਼ਿਫਟ ਵਿਚ ਪੰਚਕੂਲਾ ਵਿਚ ਹੋਵੇਗੀ। ਇਸ ਤੋਂ ਇਲਾਵਾ, ਗਰੁੱਪ -56 ਅਤੇ 57 ਦੀ ਲਿਖਿਤ ਪ੍ਰੀਖਿਆ ਕ੍ਰਮਵਾਰ 10 ਤੇ 11 ਅਗਸਤ, 2024 ਨੂੰ ਹੋਵੇਗੀ।
ਸ੍ਰੀ ਹਿੰਮਤ ਸਿੰਘ ਨੇ ਦਸਿਆ ਕਿ ਗਰੁੱਪ-1 ਅਤੇ 2 ਦੀ ਲਿਖਿਤ ਪ੍ਰੀਖਿਆਵਾਂ ਦੇ ਲਈ ਸ਼ਾਟਲਿਸਟ ਕੀਤੇ ਗਏ ਉਮੀਦਵਾਰਾਂ ਦੀ ਸੂਚੀ ਆਯੋਗ ਦੀ ਵੈਬਸਾਇਟ 'ਤੇ ਉਪਲਬਧ ਹੈ। ਸਾਰੇ ਸਬੰਧਿਤ ਉਮੀਦਵਾਰ ਆਪਣਾ ਨਾਂਅ ਸੂਚੀ ਵਿਚ ਚੈਕ ਕਰ ਸਕਦੇ ਹਨ।
ਉਨ੍ਹਾਂ ਨੇ ਕਿਹਾ ਕਿ ਆਯੋਗ ਦਾ ਟੀਚਾ ਹੈ ਕਿ ਸਾਰੀ ਭਰਤੀਆਂ ਸਮੇਂ 'ਤੇ ਪੂਰੀ ਹੋਣ, ਇਸ ਦੇ ਲਈ ਆਯੋਗ ਵੱਲੋਂ ਸਾਰੀ ਤਿਆਰੀਆਂ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਆਯੋਗ ਦਾ ਟੀਚਾ ਹੈ ਕਿ ਸਾਰੀ ਭਰਤੀਆਂ ਪਾਰਦਰਸ਼ਿਤਾ ਅਤੇ ਸਮਾਨਤਾ ਦੇ ਸਿਦਾਂਤ 'ਤੇ ਹੋਣ, ਤਾਂ ਜੋ ਯੋਗ ਨੌਜੁਆਨ ਆਪਣੀ ਮਿਹਨਤ ਦੇ ਜੋਰ 'ਤੇ ਨੌਕਰੀ ਹਾਸਲ ਕਰ ਸਕਣ।