ਚੰਡੀਗੜ੍ਹ : ਸਿਟੀ ਮੈਜੀਸਟ੍ਰੇਟ ਮੋਨਿਕਾ ਗੁਪਤਾ ਨੇ ਹਰਿਆਣਾ ਸਰਕਾਰ ਵੱਲੋਂ ਜਾਰੀ ਸੁਰੱਖਿਅਤ ਸਕੂਲ ਵਾਹਨ ਨੀਤੀ ਦੇ ਦਿਸ਼ਾ-ਨਿਦੇਸ਼ਾਂ ਦੀ ਪਾਲਣ ਕਰਨ ਲਈ ਸੀਆਰਪੀਸੀ ਦੀ ਧਾਰਾ 144 ਦੇ ਤਹਿਤ ਆਦੇਸ਼ ਪਾਸ ਕਰਕੇ ਸਾਰੇ ਸਕੂਲਾਂ ਦੇ ਪ੍ਰਬੰਧਕਾਂ ਨੂੰ ਵਿਦਿਆਰਥੀਆਂ ਦੀ ਸੁਰੱਖਿਅਤ ਆਉਣਾ-ਜਾਣਾ ਯਕੀਨੀ ਕਰਨ ਦੇ ਆਦੇਸ਼ ਪਾਸ ਕੀਤੇ ਹਨ
ਸਿਟੀ ਮੈਜੀਸਟ੍ਰੇਟ ਨੇ ਆਦੇਸ਼ਾਂ ਵਿਚ ਸਪਸ਼ਟ ਕੀਤਾ ਹੈ ਕਿ ਵਿਦਿਆਰਥੀਆਂ ਦੇ ਸੁਰੱਖਿਅਤ ਟਰਾਂਸਪੋਰਟ ਨੂੰ ਯਕੀਨੀ ਕਰਨ ਲਈ ਸਕੂਲ ਪ੍ਰਬੰਧਨ ਵੱਲੋਂ ਬਸਾਂ ਅਤੇ ਡਰਾਈਵਰਾਂ ਦੀ ਯੋਗ ਨਿਗਰਾਨੀ ਨਹੀਂ ਕੀਤੀ ਜਾਂਦੀ ਹੈ ਜਿਸ ਦੇ ਨਤੀਜੇ ਵੱਜੋਂ ਮਨੁੱਖੀ ਜੀਵਨ, ਵਿਦਿਆਰਥੀਆਂ ਦੀ ਸੁਰੱਖਿਆ ਲਈ ਗੰਭੀਰ ਖਤਰਾ ਪੈਦਾ ਹੁੰਦਾ ਹੈ ਪਿਛਲੇ ਦਿਨਾਂ ਜੀਐਲ ਪਬਲਿਕ ਸਕੂਲ ਕਨੀਨਾ ਦੀ ਇਕ ਸਕੂਲ ਬੱਸ ਵਿਦਿਆਰਥੀਆਂ ਨੂੰ ਲੈ ਜਾਂਦੇ ਸਮੇਂ ਉਂਹਾਣੀ ਕੋਲ ਐਕਸੀਡੈਂਟ ਹੋ ਗਈ, ਜਿਸ ਦੇ ਨਤੀਜੇ ਵੱਜੋਂ 6 ਵਿਦਿਆਰਥੀਆਂ ਦੀ ਜਾਨ ਚਲੀ ਗਈ ਅਤੇ ਕਈ ਫੱਟੜ ਹੋ ਗਏ
ਪੁਲਿਸ ਸੁਪਰਡੈਂਟ, ਜਿਲਾ ਦੇ ਸਾਰੇ ਐਸਡੀਐਮ, ਸਕੱਤਰ, ਆਰਈਏ, ਜਿਲਾ ਸਿਖਿਆ ਅਧਿਕਾਰੀ ਅਤੇ ਜਿਲਾ ਮਹੇਂਦਰਗੜ੍ਹ ਦੇ ਸਾਰੇ ਬਲਾਕ ਸਿਖਿਆ ਅਧਿਕਾਰੀ ਇੰਨ੍ਹਾਂ ਆਦੇਸ਼ਾਂ ਦੀ ਪਾਲਣ ਕਰਵਾਉਂਣਗੇ ਇਸ ਆਦੇਸ਼ ਦਾ ਕਿਸੇ ਵੀ ਤਰ੍ਹਾਂ ਨਾਲ ਉਲੰਘਣ ਕਰਨ 'ਤੇ ਭਾਰਤੀ ਦੰਡ ਸੰਹਿਤ, 1860 ਦੀ ਧਾਰਾ 188 ਅਨੁਸਾਰ ਸਖਤੀ ਨਾਲ ਨਿਪਟਾਇਆ ਜਾਵੇਗਾ