ਨਵੀਂ ਦਿੱਲੀ : ਸਾਊਥ ਦੀਆਂ ਫ਼ਿਲਮਾਂ ਦੇ ਦਿੱਗਜ਼ ਅਦਾਕਾਰ ਧਨੁਸ਼ ਸਟਾਰਰ ਦੀ ਤਾਮਿਲ ਪੀਰਿਅਡ ਐਕਸ਼ਨ ਤੇ ਐਡਵੈਂਚਰ ਡਰਾਮਾ ਭਰਪੂਰ ਫ਼ਿਲਮ ‘ਕੈਪਟਨ ਮਿਲਰ’ ਦੇ ਐਕਸਕਲੂਸਿਵ ਗਲੋਬਲ ਪ੍ਰੀਮੀਅਰ ਦਾ ਐਲਾਨ ਹੋ ਚੁੱਕਿਆ ਹੈ। ਇਹ ਫ਼ਿਲਮ ਤਿਕੜੀ ਦਾ ਪਹਿਲਾ ਹਿੱਸਾ ਹੈ। ਇਸ ਦਾ ਨਿਰਦੇਸ਼ਨ ਅਰੂਣ ਮਾਤੇਸ਼ਵਰਨ ਨੇ ਕੀਤਾ ਹੈ ਅਤੇ ਜਿਸ ਨੂੰ ਉਨ੍ਹਾਂ ਨੇ ਅਰੂਣਰਾਜ ਕਾਮਰਾਜ ਅਤੇ ਮਦਨ ਕਾਰਕੀ ਦੇ ਨਾਲ ਮਿਲ ਕੇ ਲਿਖਿਆ ਹੈ। ਨਾਲ ਹੀ ਇਸ ਨੂੰ ਸਤਿਆ ਜੋਤੀ ਫ਼ਿਲਮਜ਼ ਵੱਲੋਂ ਬਣਾਇਆ ਗਿਆ ਹੈ। ‘ਕੈਪਟਨ ਮਿਲਰ’ ਵਿੱਚ ਮੁੱਖ ਰੋਲ ਨਿਭਾਅ ਰਹੇ ਧਨਕੁਸ਼ ਸਟਾਰਰ ਦੇ ਨਾਲ ਸ਼ਿਵ ਰਾਜਕੁਮਾਰ, ਨਾਸਰ, ਸੁਦੀਪ ਕਿਸ਼ਨ, ਪ੍ਰਿਅੰਕਾ ਮੋਹਨ ਅਤੇ ਡੈਬਿਊ ਕਰਨ ਵਾਲੇ ਸਤੀਸ਼ ਵੀ ਅਹਿਮ ਭੂਮਿਕਾ ਵਿੱਚ ਹਨ। ਦੇਸ਼ ਦੀ ਆਜ਼ਾਦੀ ਤੋਂ ਪਹਿਲਾਂ ਦੇ ਸੰਘਰਸ਼ ਨੂੰ ਦਰਸਾਉਂਦੀ ਇਸ ਤਾਮਿਲ ਵਿੱਚ ਦਿਖਾਈ ਜਾਣ ਵਾਲੀ ਇਸ ਫ਼ਿਲਮ ਨੂੰ ਤੇਲਗੂ, ਮਲਿਆਲਮ ਅਤੇ ਕੰਨੜ ਵਿੱਚ 9 ਫ਼ਰਵਰੀ ਤੋਂ ਭਾਰਤ ਅਤੇ 240 ਤੋਂ ਵੱਧ ਦੇਸ਼ਾਂ ਅਤੇ ਪ੍ਰਦੇਸ਼ਾਂ ਵਿੱਚ ਡਬ ਕੀਤੀ ਜਾਵੇਗੀ।