ਡੇਰਾਬੱਸੀ, (ਹਰਵਿੰਦਰ ਹੈਰੀ) : ਲਾਇਨਜ਼ ਕਲੱਬ ਵੱਲੋਂ ਡੇਰਾਬਸੀ ਦੇ ਪਿੰਡ ਈਸਾਪੁਰ ਦੀ ਰਹਿਣ ਵਾਲੀ ਬੀਬੀ ਜੱਜ ਦਾ ਸਨਮਾਨ ਕੀਤਾ ਗਿਆ। ਅੱਜ ਲਾਇਨਜ਼ ਕਲੱਬ ਦੀ ਤਰਫੋਂ ਪਿੰਡ ਈਸਾਪੁਰ ਦੀ ਰਹਿਣ ਵਾਲੀ ਤੇਜਿੰਦਰ ਕੌਰ ਪੁੱਤਰੀ ਇਕਬਾਲ ਸਿੰਘ ਏ.ਐਸ.ਆਈ ਦਾ ਕਲੱਬ ਪ੍ਰਧਾਨ ਲਾਇਨ ਬਲਕਾਰ ਸਿੰਘ ਦੀ ਪ੍ਰਧਾਨਗੀ ਹੇਠ ਸਨਮਾਨ ਕੀਤਾ ਗਿਆ।
ਲਾਇਨ ਕਲੱਬ ਦੇ ਸਕੱਤਰ ਸੰਨਤ ਭਾਰਦਵਾਜ ਅਨੁਸਾਰ ਅੱਜ ਈਸਾਪੁਰ ਦੀ ਰਹਿਣ ਵਾਲੀ ਬਹੁਤ ਹੀ ਹੋਣਹਾਰ ਲੜਕੀ ਤੇਜਿੰਦਰ ਕੌਰ ਜਿਸ ਨੇ ਜੱਜ ਦੀ ਪ੍ਰੀਖਿਆ ਵਿੱਚ ਬਹੁਤ ਵਧੀਆ ਅੰਕ ਲੈ ਕੇ ਪਾਸ ਕੀਤੀ ਹੈ, ਨੂੰ ਲਾਇਨਜ਼ ਕਲੱਬ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਬੜੀ ਖੁਸ਼ੀ ਦੀ ਗੱਲ ਹੈ ਕਿ ਸਾਡੇ ਡੇਰਾਬਸੀ ਦੇ ਬੱਚੇ ਪੜ੍ਹਾਈ ਵਿੱਚ ਬਹੁਤ ਚੰਗੇ ਅੰਕ ਪ੍ਰਾਪਤ ਕਰਕੇ ਕਾਮਯਾਬ ਹੋਏ ਹਨ ਅਤੇ ਸ਼ਹਿਰ ਦਾ ਨਾਮ ਰੌਸ਼ਨ ਕੀਤਾ ਹੈ। ਇਸ ਮੌਕੇ ਪ੍ਰਧਾਨ ਬਲਕਾਰ ਸਿੰਘ, ਸਕੱਤਰ ਸਨਤ ਭਾਰਦਵਾਜ, ਲਾਇਨ ਨਿਤਿਨ ਜਿੰਦਲ, ਡਾ. ਬਰਖਾਰਾਮ, ਸੁਸ਼ੀਲ ਧੀਮਾਨ ਆਦਿ ਹਾਜ਼ਰ ਸਨ |