ਸਾਨੂੰ ਸਾਵਧਾਨੀ ਵਰਤਣੀ ਚਾਹੀਦੀ ਹੈ
ਬਰਸਾਤ ਦੇ ਮੌਸਮ 'ਚ ਬੜਾ ਕੁਝ ਚਟਪਟਾ ਖਾਣ ਨੂੰ ਕਰਦਾ ਹੈ, ਪਰ ਅਜਿਹੇ 'ਚ ਸਾਨੂੰ ਸਾਵਧਾਨੀ ਵਰਤਣੀ ਚਾਹੀਦੀ ਹੈ । ਇਸ ਮੌਸਮ ਵਿਚ ਪਾਚਨ ਨਾਲ ਜੁੜੀ ਸਮੱਸਿਆ ਬਹੁਤ ਵੱਧ ਜਾਂਦੀ ਹੈ, ਇਸ ਲਈ ਭੋਜਨ ਦਾ ਖਾਸ ਧਿਆਨ ਰੱਖਣਾ ਪੈਂਦਾ ਹੈ। ਭੋਜਨ ਹਲਕਾ, ਤਾਜ਼ਾ, ਪਚਣ ਵਿਚ ਆਸਾਨ ਅਤੇ ਘਰ ਦਾ ਬਣਿਆ ਹੋਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਸਟ੍ਰੀਟ ਫੂਡ ਤੋਂ ਵੀ ਪਰਹੇਜ਼ ਕਰਨਾ ਚਾਹੀਦਾ ਹੈ ਕਿਉਂਕਿ ਪਾਣੀ ਤੋਂ ਇਨਫੈਕਸ਼ਨ ਹੋਣ ਦਾ ਖ਼ਤਰਾ ਹਮੇਸ਼ਾ ਬਣਿਆ ਰਹਿੰਦਾ ਹੈ। ਇਸ ਤੋਂ ਇਲਾਵਾ ਘਰ ਦੇ ਖਾਣੇ ਦੇ ਨਾਲ ਕੁਝ ਸਾਵਧਾਨੀਆਂ ਰੱਖਣ ਦੀ ਵੀ ਸਲਾਹ ਦਿੱਤੀ ਜਾਂਦੀ ਹੈ ।
ਬਰਸਾਤ ਦੇ ਮੌਸਮ ਵਿਚ ਜਿਹੜੀਆਂ ਸਬਜ਼ੀਆਂ ਖਾਣੀਆਂ ਚਾਹੀਦੀਆਂ ਹਨ,
ਉਹ ਹਨ ਲੌਕੀ ਚਨਾ ਦਾਲ ਕੜੀ, ਲੌਕੀ ਕੋਫਤੇ ਤੋਂ ਲੈ ਕੇ ਲੌਕੀ ਦਾ ਰਾਇਤਾ ਤਕ ਬਹੁਤ ਸਾਰੇ ਸੁਆਦੀ ਪਕਵਾਨ ਬਣਾਏ ਜਾਂਦੇ ਹਨ। ਇਹ ਪੌਸ਼ਟਿਕ ਸਬਜ਼ੀ ਪਾਚਨ ਨੂੰ ਸੁਧਾਰਨ ਵਿੱਚ ਮਦਦ ਕਰ ਸਕਦੀ ਹੈ।
ਤੋਰੀ - ਇਹ ਭੁੱਖ ਵਧਾਉਣ ਵਿਚ ਵੀ ਮਦਦ ਕਰਦੀ ਹੈ। ਤਾਕਤ ਦੇਣ ਦੇ ਨਾਲ-ਨਾਲ ਇਹ ਪਾਚਨ ਕਿਰਿਆ ਨੂੰ ਵੀ ਠੀਕ ਰੱਖਦੀ ਹੈ। ਚਮੜੀ ਰੋਗ, ਅਨੀਮੀਆ ਅਤੇ ਸੋਜ਼ ਤੋਂ ਪੀੜਤ ਲੋਕਾਂ ਲਈ ਤੋਰੀ ਬਹੁਤ ਫਾਇਦੇਮੰਦ ਹੈ।
ਟੀਂਡਾ -ਇਸ ਨੂੰ ਹਲਕਾ ਅਤੇ ਪਚਣ ਵਿਚ ਆਸਾਨ ਮੰਨਿਆ ਜਾਂਦਾ ਹੈ, ਜੋ ਇਸ ਨੂੰ ਬਰਸਾਤ ਦੇ ਮੌਸਮ ਲਈ ਆਦਰਸ਼ ਸਬਜ਼ੀ ਬਣਾਉਂਦਾ ਹੈ। ਇਹ ਹਾਈਡਰੇਸ਼ਨ ਨੂੰ ਬਣਾਈ ਰੱਖਣ, ਪਾਚਨ ਨੂੰ ਉਤਸ਼ਾਹਿਤ ਕਰਨ ਅਤੇ ਐਨੋਰੈਕਸੀਆ ਅਤੇ ਸੋਜ਼ਿਸ਼ ਵਿਕਾਰ ਦਾ ਇਲਾਜ ਕਰਨ ਵਿੱਚ ਵੀ ਮਦਦ ਕਰਦਾ ਹੈ।