ਸੁਨਾਮ : ਅਗਸਤ ਦੇ ਮਹੀਨੇ ਦੁਨੀਆ ਭਰ ਵਿਚ ਬੇਹੱਦ ਝੰਜੋੜ ਦੇਣ ਵਾਲੀਆਂ ਘਟਨਾਵਾਂ ਵਾਪਰੀਆਂ ਦੂਸਰੀ ਸੰਸਾਰ ਜੰਗ ਦੇ ਖਾਤਮੇ ਸਮੇਂ ਅਮਰੀਕਾ ਵੱਲੋਂ ਜਪਾਨ ਦੇ ਦੋ ਸਹਿਰਾਂ ਹੀਰੋਸੀਮਾਂ ਤੇ ਨਾਗਾਸਾਕੀ ਉਤੇ 6 ਅਤੇ 9 ਅਗਸਤ ਨੂੰ ਸੁੱਟੇ ਪਰਮਾਣੂ ਬੰਬਾਂ ਨੇ ਮਾਨਵੀ ਭਵਿੱਖ ਤੇ ਸਵਾਲੀਆ ਚਿੰਨ ਲਗਾ ਦਿੱਤਾ ਸੀ ਇਸ ਸਬੰਧੀ ਸੁਨਾਮ ਕਚਹਿਰੀ, ਬਸ ਸਟੈਂਡ ਅਤੇ ਊਧਮ ਸਿੰਘ ਕਾਲਜ ਵਿਖੇ ਆਈ ਡੀ ਪੀ ਵੱਲੋਂ ਪੈਂਫਲਿਟ ਵੰਡਕੇ ਜਾਗਰੂਕ ਕਰਨ ਦਾ ਉਪਰਾਲਾ ਕੀਤਾ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਆਈ. ਡੀ਼ ਪੀ਼ ਦੇ ਨੈਸਨਲ ਪ੍ਰਧਾਨ ਕਰਨੈਲ ਸਿੰਘ ਜਖੇਪਲ ਅਤੇ ਸੂਬਾ ਸਕੱਤਰ ਤਰਲੋਚਨ ਸਿੰਘ ਸੂਲਰ ਘਰਾਟ ਨੇ ਦੱਸਿਆ ਕਿ ਭਾਰਤ ਅੰਦਰ ਚੱਲ ਰਹੀ ਅਜਾਦੀ ਦੀ ਲੜਾਈ ਅੰਦਰ ਹਜਾਰਾਂ ਲੋਕਾਂ ਦੀਆਂ ਫਾਂਸੀਆਂ ਅਤੇ ਕਾਲੇਪਾਣੀ ਦੀਆਂ ਸਜਾਵਾਂ ਤੋਂ ਬਾਅਦ ਮਿਲੀ ਅਜਾਦੀ ਨੇ ਇਸ ਖਿੱਤੇ ਦੇ ਲੋਕਾਂ ਨੂੰ ਗਹਿਰੇ ਜਖਮ ਦੇ ਦਿੱਤੇ, ਮੌਜੂਦਾ ਦੌਰ ਵਿੱਚ ਦੁਨੀਆ ਭਰ ਵਿਚ ਦੂਸਰੀ ਸੰਸਾਰ ਜੰਗ ਦੇ ਜਖਮ ਭੁਲਾਕੇ ਮੁੜ ਅੰਤਰਰਾਸਟਰੀ ਸੰਸਥਾਵਾਂ ਦੇ ਜਮਹੂਰੀਕਰਨ ਦੀ ਬਜਾਏ ਅਮਰੀਕਾ ਪਹਿਲਾਂ ਜਾਂ ਹੋਰ ਦੇਸ਼ ਆਪੋ ਆਪਣੇ ਦੇਸਾਂ ਅੰਦਰ ਅੰਧ ਰਾਸ਼ਟਰਵਾਦ ਦੀ ਮਾਨਸਿਕਤਾ ਸਿਰਜ ਰਹੇ ਸਨ। ਮਲਿਕ ਭਾਗੋ ਦੀ ਮਾਨਸਿਕਤਾ ਵਾਲੀ ਹੁਕਮਰਾਨ ਪੀੜ੍ਹੀ ਦੀ ਕਠਪੁਤਲੀ ਬਣਕੇ ਫੈਸਲੇ ਲੈ ਰਹੀ ਹੈ ਕਿਸੇ ਸਮੇਂ ਅਧਿਕਾਰ ਅਧਾਰਿਤ ਹੋਏ ਕੁੱਝ ਉਪਰਾਲੇ ਵੀ ਖਤਮ ਕੀਤੇ ਜਾ ਰਹੇ ਹਨ ,2005 ਵਿੱਚ ਸੌ ਦਿਨ ਦਾ ਹੀ ਸਹੀ ਪਰ ਰੋਜਗਾਰ ਦੀ ਸੰਵਿਧਾਨਿਕ ਗਾਰੰਟੀ ਵਾਲਾ ਮਨਰੇਗਾ ਕਾਨੂੰਨ ਖਤਮ ਕਰ ਦਿੱਤਾ ਹੈ। ਪੰਜਾਬ ਵਿਚ 2027 ਦੀਆਂ ਆ ਰਹੀਆਂ ਚੋਣਾਂ ਦੌਰਾਨ ਵੀ ਉਪਰੋਕਤ ਮੁੱਦਿਆਂ ਵਾਰੇ ਸਮਝਦਾਰੀ ਦੀ ਬਹਿਸ ਅਤੇ ਨੈਰੇਟਿਵ ਤੋਂ ਬਿਨਾਂ ਸਹੀ ਪਾਸੇ ਜਾਣਾ ਸੰਭਵ ਨਹੀਂ ਹੋਵੇਗਾ ਅੱਜ ਪੈਂਫਲਿਟ ਵੰਡਣ ਅੰਦਰ ਅਮਰੀਕ ਸਿੰਘ ਜਖੇਪਲ, ਰਾਮ ਸਿੰਘ ਜਨਾਲ, ਜੀਤ ਸਿੰਘ ਨੇ ਸਮੂਲੀਅਤ ਕੀਤੀ।