ਅੰਮ੍ਰਿਤਸਰ : ਭਾਰਤੀ ਸਮਾਰਟਫੋਨ ਬ੍ਰਾਂਡ ਏਆਈ+ ਨੇ ਆਪਣੀ ਨਵੀਂ ਨੋਵਾ ਸੀਰੀਜ਼ ਦੇ ਦੋ ਸਮਾਰਟਫੋਨ ਨੋਵਾ 2 ਪ੍ਰੋ 5ਜੀ ਅਤੇ ਨੋਵਾ 2 ਨਿਓ 5ਜੀ ਦੀ ਵਿਕਰੀ 26 ਜੂਨ ਤੋਂ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਅਨੁਸਾਰ ਦੋਵੇਂ ਸਮਾਰਟਫੋਨ ਫਲਿਪਕਾਰਟ ਅਤੇ ਚੁਣਿੰਦੇ ਰਿਟੇਲ ਸਟੋਰਾਂ 'ਤੇ ਉਪਲਬਧ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਨਵੀਂ ਨੋਵਾ ਸੀਰੀਜ਼ ਨੂੰ ਪਹਿਲੀ ਵਾਰ ਸਮਾਰਟਫੋਨ ਵਰਤਣ ਵਾਲੇ ਗਾਹਕਾਂ ਤੋਂ ਲੈ ਕੇ ਵਧੀਆ ਪਰਫਾਰਮੈਂਸ ਦੀ ਉਮੀਦ ਰੱਖਣ ਵਾਲੇ ਉਪਭੋਗਤਾਵਾਂ ਦੀਆਂ ਲੋੜਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਨੋਵਾ 2 ਨਿਓ ਵਿੱਚ ਮੀਡੀਆਟੈਕ ਡਾਈਮੈਂਸਿਟੀ 6300 5ਜੀ ਪ੍ਰੋਸੈਸਰ, 120 ਹਰਟਜ਼ ਡਿਸਪਲੇ, 48 ਮੈਗਾਪਿਕਸਲ ਕੈਮਰਾ ਅਤੇ 6000 ਐਮਏਐਚ ਬੈਟਰੀ ਦਿੱਤੀ ਗਈ ਹੈ। ਉੱਥੇ ਹੀ ਨੋਵਾ 2 ਪ੍ਰੋ ਵਿੱਚ ਮੀਡੀਆਟੈਕ ਡਾਈਮੈਂਸਿਟੀ 7100 ਚਿਪਸੈੱਟ, 144 ਹਰਟਜ਼ ਐਫਐਚਡੀ+ ਡਿਸਪਲੇ, 48 ਮੈਗਾਪਿਕਸਲ ਏਆਈ ਕੈਮਰਾ ਅਤੇ 33 ਵਾਟ ਫਾਸਟ ਚਾਰਜਿੰਗ ਸਹਾਇਤਾ ਨਾਲ 6000 ਐਮਏਐਚ ਬੈਟਰੀ ਉਪਲਬਧ ਹੈ। ਕੰਪਨੀ ਦੇ ਸੀਈਓ ਅਤੇ ਸੰਸਥਾਪਕ Madhav Sheth ਨੇ ਕਿਹਾ ਕਿ ਇਹ ਦੋਵੇਂ ਡਿਵਾਈਸ ਗਾਹਕਾਂ ਨੂੰ ਬਿਹਤਰ ਪਰਫਾਰਮੈਂਸ, ਲੰਬੀ ਬੈਟਰੀ ਲਾਈਫ, ਉੱਨਤ ਕੈਮਰਾ ਅਨੁਭਵ ਅਤੇ ਪ੍ਰਾਈਵੇਸੀ ਫੀਚਰ ਮੁਹੱਈਆ ਕਰਵਾਉਣ ਦੇ ਉਦੇਸ਼ ਨਾਲ ਤਿਆਰ ਕੀਤੇ ਗਏ ਹਨ। ਕੰਪਨੀ ਦਾ ਦਾਅਵਾ ਹੈ ਕਿ ਨੋਵਾ ਸੀਰੀਜ਼ ਨੂੰ ਭਾਰਤੀ ਗਾਹਕਾਂ ਵੱਲੋਂ ਸਕਾਰਾਤਮਕ ਪ੍ਰਤੀਕਿਰਿਆ ਮਿਲੀ ਹੈ ਅਤੇ ਉਹ ਕਿਫਾਇਤੀ ਕੀਮਤ 'ਤੇ ਆਧੁਨਿਕ ਤਕਨਾਲੋਜੀ ਮੁਹੱਈਆ ਕਰਵਾਉਣ ਦੇ ਆਪਣੇ ਯਤਨਾਂ ਨੂੰ ਜਾਰੀ ਰੱਖ ਰਹੀ ਹੈ।