ਕ੍ਰਿਜ਼ੈਕ ਨੇ ਫੌਰਨਐਡਮਿਟਸ ਵਿੱਚ ਰਣਨੀਤਿਕ ਨਿਵੇਸ਼ ਕੀਤਾ ਵਿਦੇਸ਼ੀ ਪੜ੍ਹਾਈ ਲਈ ਲੋਨ ਅਤੇ ਵੀਜ਼ਾ ਸੇਵਾਵਾਂ ਹੋਣਗੀਆਂ ਹੋਰ ਆਸਾਨ

ਚੰਡੀਗੜ੍ਹ : ਅੰਤਰਰਾਸ਼ਟਰੀ ਸਿੱਖਿਆ ਖੇਤਰ ਨਾਲ ਜੁੜੀ ਟੈਕਨੋਲੋਜੀ ਆਧਾਰਿਤ ਕੰਪਨੀ ਕ੍ਰਿਜ਼ੈਕ ਲਿਮਿਟਡ ਨੇ ਐਡੂਮੈਂਟ ਕਨਸਲਟੈਂਸੀ ਪ੍ਰਾਈਵੇਟ ਲਿਮਿਟਡ, ਜੋ ਫੌਰਨਐਡਮਿਟਸ ਪਲੇਟਫਾਰਮ ਚਲਾਉਂਦੀ ਹੈ, ਵਿੱਚ ਰਣਨੀਤਿਕ ਨਿਵੇਸ਼ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਸਾਂਝੇਦਾਰੀ ਨਾਲ ਵਿਦੇਸ਼ ਵਿੱਚ ਪੜ੍ਹਾਈ ਕਰਨ ਦੀ ਯੋਜਨਾ ਬਣਾ ਰਹੇ ਵਿਦਿਆਰਥੀਆਂ ਨੂੰ ਸਿੱਖਿਆ ਲੋਨ, ਵੀਜ਼ਾ ਤਿਆਰੀ ਅਤੇ ਕੌਂਸਲਿੰਗ ਸੇਵਾਵਾਂ ਵਿੱਚ ਵਧੇਰੇ ਮਦਦ ਮਿਲੇਗੀ। ਕੰਪਨੀ ਮੁਤਾਬਕ ਫੌਰਨਐਡਮਿਟਸ ਹੁਣ ਤੱਕ ਇੱਕ ਲੱਖ ਤੋਂ ਵੱਧ ਵਿਦਿਆਰਥੀਆਂ ਦੀ ਮਦਦ ਕਰ ਚੁੱਕੀ ਹੈ ਅਤੇ 1,500 ਕਰੋੜ ਰੁਪਏ ਤੋਂ ਵੱਧ ਦੇ ਸਿੱਖਿਆ ਲੋਨ ਪ੍ਰਾਪਤ ਕਰਵਾਉਣ ਵਿੱਚ ਸਹਿਯੋਗ ਦੇ ਚੁੱਕੀ ਹੈ। ਕ੍ਰਿਜ਼ੈਕ ਲਿਮਿਟਡ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਵਿਕਾਸ ਅਗਰਵਾਲ ਨੇ ਕਿਹਾ ਕਿ ਇਸ ਭਾਈਵਾਲੀ ਨਾਲ ਕੰਪਨੀ ਨੂੰ ਏਆਈ ਆਧਾਰਿਤ ਫਾਇਨੈਂਸਿੰਗ ਅਤੇ ਵੀਜ਼ਾ ਸੇਵਾਵਾਂ ਵਿੱਚ ਨਵੀਆਂ ਸਮਰੱਥਾਵਾਂ ਮਿਲਣਗੀਆਂ, ਜਿਸ ਨਾਲ ਵਿਦਿਆਰਥੀਆਂ ਨੂੰ ਇੱਕੋ ਪਲੇਟਫਾਰਮ 'ਤੇ ਵਧੀਆ ਸਹੂਲਤਾਂ ਮਿਲ ਸਕਣਗੀਆਂ। ਇਸ ਸਮਝੌਤੇ ਤਹਿਤ ਫੌਰਨਐਡਮਿਟਸ ਦੇ ਸੰਸਥਾਪਕ ਅਤੇ ਸੀਈਓ ਨਿਖਿਲ ਜੈਨ ਹੁਣ ਕ੍ਰਿਜ਼ੈਕ ਵਿੱਚ ਚੀਫ ਪ੍ਰੋਡਕਟ ਐਂਡ ਮਾਰਕੀਟਿੰਗ ਅਫਸਰ (CPMO) ਵਜੋਂ ਸ਼ਾਮਲ ਹੋਣਗੇ। ਉਨ੍ਹਾਂ ਕਿਹਾ ਕਿ ਇਸ ਸਾਂਝੇਦਾਰੀ ਨਾਲ ਹੋਰ ਵੱਧ ਵਿਦਿਆਰਥੀਆਂ ਤੱਕ ਗੁਣਵੱਤਾ ਵਾਲੀ ਸਿੱਖਿਆ ਅਤੇ ਵਿੱਤੀ ਸਹਾਇਤਾ ਪਹੁੰਚਾਉਣ ਦਾ ਉਦੇਸ਼ ਹੋਰ ਮਜ਼ਬੂਤ ਹੋਵੇਗਾ।