ਸੁਨਾਮ : ਸ਼ਹੀਦ ਊਧਮ ਸਿੰਘ ਦੀ ਜਨਮ ਭੂਮੀ ਦੇ ਜੰਮਪਲ ਖੇਡ ਅਧਿਆਪਕ ਅਤੇ ਲੇਖਕ ਮਨਦੀਪ ਸਿੰਘ ਸੁਨਾਮ ਦੀ ਲਿਖੀ ਕਿਤਾਬ " ਸਿਰੜੀ ਯੋਧਾ " ਲੋਕ ਅਰਪਣ ਕੀਤੀ ਗਈ। ਉਕਤ ਪੁਸਤਕ ਅਰਜੁਨਾ ਐਵਾਰਡੀ ਲਾਈਫਟਾਈਮ ਸੁੱਚਾ ਸਿੰਘ ਜੀ ਦੇ ਸੰਘਰਸ਼ਮਈ ਜੀਵਨ ਨੂੰ ਸਮਰਪਿਤ ਹੈ। ਇਹ ਕਿਤਾਬ ਸੁੱਚਾ ਸਿੰਘ ਨੇ ਆਪ ਲੋਕ ਅਰਪਣ ਕਰਦੇ ਹੋਏ ਕਿਹਾ ਕਿ ਅਸੀਂ ਜਿਵੇਂ ਦੇ ਸਮਿਆਂ ਵਿੱਚ ਸੰਘਰਸ਼ ਕਰਕੇ ਦੇਸ਼ ਦਾ ਝੰਡਾ ਖੇਡਾਂ ਅੰਦਰ ਬੁਲੰਦ ਕੀਤਾ ਹੈ ਉਸ ਤੋਂ ਸਿੱਖਿਆ ਲੈ ਕੇ ਬੱਚਿਆਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਹੋਣਾ ਚਾਹੀਦਾ ਹੈ ਕਿਉਂਕਿ ਅੱਜ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਖਿਡਾਰੀਆਂ ਲਈ ਮੌਜੂਦ ਹਨ । ਇਸ ਕਿਤਾਬ ਦੇ ਲੇਖਕ ਮਨਦੀਪ ਸਿੰਘ ਸੁਨਾਮ ਨੇ ਕਿਹਾ ਕਿ ਉਹ ਹਮੇਸ਼ਾ ਹੀ ਵਿਦਿਆਰਥੀਆਂ ਨੂੰ ਨੂੰ ਮੁੱਖ ਰੱਖ ਕੇ ਇਹੋ ਜਿਹਿਆਂ ਖੇਡ ਕਿਤਾਬਾਂ ਲਿਖਦੇ ਹਨ ਤਾਂ ਜੋ ਵਿਦਿਆਰਥੀ ਖੇਡਾਂ ਲਈ ਪ੍ਰੇਰਿਤ ਹੋ ਸਕਣ । ਇਹ ਮਨਦੀਪ ਸਿੰਘ ਸੁਨਾਮ ਦੀ ਅੱਠਵੀਂ ਕਿਤਾਬ ਹੈ । ਸੁੱਚਾ ਸਿੰਘ ਜਿੰਨ੍ਹਾਂ ਨੂੰ ਪਿਛਲੇ ਸਾਲ ਭਾਰਤ ਦੇ ਰਾਸ਼ਟਰਪਤੀ ਵੱਲੋਂ ਅਰਜੁਨਾ ਐਵਾਰਡ ਲਾਈਫਟਾਈਮ ਮਿਲਿਆ ਹੈ ਦੀ ਜ਼ਿੰਦਗੀ ਜੋ ਕਿ ਬਹੁਤ ਚੁਣੌਤੀਪੂਰਨ ਰਹੀ ਹੈ ਦੀ ਜਿੰਦਗੀ ਨੂੰ ਪ੍ਰਦਰਸ਼ਿਤ ਕਰਦੀ ਇਹ ਕਿਤਾਬ ਸਪਤਰਿਸ਼ੀ ਪਬਲੀਕੇਸ਼ਨਜ਼ ਚੰਡੀਗੜ੍ਹ ਵੱਲੋਂ ਛਾਪੀ ਗਈ ਹੈ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਖੇਡ ਪ੍ਰੇਮੀਆਂ ਵੱਲੋਂ ਸ਼ਿਰਕਤ ਕੀਤੀ ਗਈ ਜਿੰਨ੍ਹਾਂ ਵਿੱਚ ਪ੍ਰਸਿੱਧ ਖੇਡ ਲੇਖਕ ਅਤੇ ਪੱਤਰਕਾਰ ਜਤਿੰਦਰ ਸਾਬੀ, ਜਸਵਿੰਦਰ ਦੁਹੜਾ ਪੰਜਾਬੀ ਜਾਗਰਣ, ਕੁਲਦੀਪ ਸਿੰਘ ਚਾਹਲ ਯੂ ਕੇ, ਕੋਚ ਬਲਦੀਪ ਸਿੰਘ, ਕੋਚ ਸਰਬਜੀਤ ਹੈਪੀ, ਕੁਲਵੰਤ ਰਾਏ ਰਿਟਾਇਰਡ ਏ ਆਈ ਜੀ , ਭਗਵੰਤ ਸਿੰਘ ਅਥਲੈਟਿਕਸ ਕੋਚ, ਕੰਵਰਜੀਤ ਰੇਲਵੇ, ਪ੍ਰਿੰਸੀਪਲ ਹਰਮੇਸ਼ ਗੇੜਾ, ਇਕਬਾਲ ਰੰਧਾਵਾ, ਕੋਚ ਗੁਰਚਰਨ ਸਿੰਘ, ਮਨਜੀਤ ਸਿੰਘ ਪ੍ਰਧਾਨ, ਹਰਵਿੰਦਰ ਸਿੰਘ, ਗੁਰਿੰਦਰ ਸਿੰਘ, ਰਾਜ ਕੁਮਾਰ, ਸੁਰਜੀਤ ਸਿੰਘ, ਜਤਿੰਦਰ ਕੁਮਾਰ, ਵਿਨੋਦ ਕੁਮਾਰ, ਹਰਮੀਤ ਸਿੰਘ ਆਦਿ ਹਾਜ਼ਰ ਸਨ।