ਸਰੀਰ 'ਤੇ ਭਾਂਡੇ ਅਤੇ ਸਿੱਕੇ ਚਿਪਕ ਰਹੇ ਹਨ

ਨਾਸ਼ਿਕ : ਨਾਸ਼ਿਕ ਦੇ ਰਹਿਣ ਵਾਲੇ ਅਰਵਿੰਦ ਸੋਨਾਰ ਨੇ ਦਾਅਵਾ ਕੀਤਾ ਹੈ ਕਿ ਜਦੋਂ ਤੋਂ ਉਨ੍ਹਾਂ ਨੇ ਕੋਰੋਨਾ ਵੈਕਸੀਨ ਦਾ ਪਹਿਲਾ ਅਤੇ ਦੂਜਾ ਟੀਕਾ ਲਵਾਇਆ ਹੈ ਉਦੋਂ ਤੋਂ ਹੀ ਉਨ੍ਹਾਂ ਦੇ ਸਰੀਰ ਵਿਚ ਅਜੀਬ ਤਬਦੀਲੀ ਆਈ ਹੈ। ਦਰਅਸਲ ਉਨ੍ਹਾਂ ਦਾਅਵਾ ਕੀਤਾ ਹੈ ਕਿ ਕੋਵੀਸ਼ੀਲਡ ਵੈਕਸੀਨ ਦੀਆਂ ਦੋਵੇਂ ਡੋਜ਼ ਲੈਣ ਤੋਂ ਬਾਅਦ ਸਟੀਲ ਦੇ ਭਾਂਡੇ ਤੇ ਸਿੱਕੇ ਉਨ੍ਹਾਂ ਦੇ ਸਰੀਰ ਨਾਲ ਚਿਪਕ ਰਹੇ ਹਨ। ਸੋਨਾਰ ਨੇ ਕਿਹਾ ਕਿ ਪਹਿਲਾਂ ਤਾਂ ਉਨ੍ਹਾਂ ਨੂੰ ਯਕੀਨ ਹੀ ਨਹੀਂ ਸੀ ਆਇਆ ਪਰ ਫਿਰ ਉਨ੍ਹਾਂ ਨਹਾ-ਥੋ ਕੇ ਫਿਰ ਤੋਂ ਆਪਣਾ ਸਰੀਰ ਜਾਂਚਣ ਲਈ ਹੋਰ ਬਰਤਨ ਅਤੇ ਸਿੱਕੇ ਆਪਣੇ ਸਰੀਰ ਉਤੇ ਰੱਖੇ ਤਾਂ ਉਹ ਫਿਰ ਚਿਪਕ ਰਹੇ ਸਨ। ਸੋਨਾਰ ਨੇ ਆਪਣੀ ਪਹਿਲੀ ਡੋਜ਼ 9 ਮਾਰਚ ਨੂੰ ਲਈ ਸੀ ਤੇ ਦੂਜੀ 2 ਜੂਨ ਨੂੰ। ਪਰ ਡਾਕਟਰ ਇਸ ਸਭ ਨਾਲ ਸਹਿਮਤ ਨਹੀਂ ਸੀ ਤੇ ਉਹ ਇਸ ’ਤੇ ਜਾਂਚ ਵੀ ਕਰਵਾ ਰਹੇ ਹਨ। ਦੁਨੀਆਂ ਭਰ ਵਿੱਚ ਕਈ ਲੋਕ ਇਸੇ ਤਰ੍ਹਾਂ ਦੇ ਵੀਡੀਓਜ਼ ਪਾ ਕੇ ਵੈਕਸੀਨ ਲਵਾਉਣ ਤੋਂ ਬਾਅਦ ਮੈਗਨੈਟਿਕ ਗੁਣ ਆਉਣ ਦਾ ਦਾਅਵਾ ਕਰ ਰਹੇ ਹਨ, ਹਾਲਾਂਕਿ ਮਾਹਰ ਇਸ ਦਾਅਵੇ ਨੂੰ ਗ਼ਲਤ ਠਹਿਰਾ ਰਹੇ ਹਨ। ਡਾਕਟਰ ਅਸ਼ੋਕ ਥੋਰਾਟ, ਸਿਵਲ ਸਰਜਨ ਨਾਸਿਕ ਦਾ ਇਸ ਬਾਰੇ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦਾ ਇਹ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਨਹੀਂ ਹੋ ਸਕਦਾ ਪਰ ਫਿਰ ਵੀ ਅਸੀਂ ਮਾਹਰਾਂ ਨਾਲ ਇਸ ਸਬੰਧੀ ਗਲਬਾਤ ਕਰ ਕੇ ਰਿਪੋਰਟ ਤਿਆਰ ਕਰਾਂਗੇ।