ਸੁਨਾਮ : ਮੋਬਾਇਲ ਫ਼ੋਨ ਦੇ ਖੇਤਰ ਵਿੱਚ ਵੱਡਾ ਨਾਮਣਾ ਖੱਟਣ ਵਾਲੀ ਕੰਪਨੀ ਐੱਪਲ ਆਈਫੋਨ ਦੇ ਪ੍ਰਮੁੱਖ ਡਿਸਟ੍ਰੀਬਿਊਟਰ ਸੁਪਰ ਪਾਵਰ ਗੈਜੇਟਸ ਪ੍ਰਾਈਵੇਟ ਲਿਮਿਟਿਡ ਵੱਲੋਂ ਪੰਜਾਬ ਦੇ 11 ਜ਼ਿਲਿਆਂ ਵਿੱਚ ਕਾਰਗੁਜ਼ਾਰੀ ਦੇ ਆਧਾਰ ’ਤੇ ਚੋਟੀ ਦੇ ਡੀਲਰਾਂ ਨੂੰ ਇਨਾਮ ਵਜੋਂ ਰੌਇਲ ਐਨਫੀਲਡ ਬੁਲੇਟ ਮੋਟਰਸਾਈਕਲ ਅਤੇ ਹੋਂਡਾ ਐਕਟਿਵਾ ਸਕੂਟਰਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਇਨਾਮ ਕੰਪਨੀ ਦੀ ਵਿਕਰੀ ਮੁਹਿੰਮ ਐਪਲ ਵਾਲੀ ਦੀਵਾਲੀ 2.0 ਰਿਵਾਰਡਜ਼ 2025 ਤਹਿਤ ਦਿੱਤੇ ਗਏ ਹਨ ਜਿਸਦਾ ਉਦੇਸ਼ ਵਿਕਰੇਤਾ ਨੈਟਵਰਕ ਵਿੱਚ ਉਤਸ਼ਾਹ ਤੇ ਪ੍ਰੋਤਸਾਹਨ ਪੈਦਾ ਕਰਨਾ ਹੈ। ਜੇਤੂ ਡੀਲਰਾਂ ਨੂੰ ਇਨਾਮ ਤਕਸੀਮ ਕਰਨ ਮੌਕੇ ਐਪਲ ਕੰਪਨੀ ਦੇ ਉੱਚ ਅਧਿਕਾਰੀਆਂ ਅਤੇ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਉੱਘੇ ਉਦਯੋਗਪਤੀ ਅਤੇ ਰੋਟਰੀ ਦੇ ਸਾਬਕਾ ਗਵਰਨਰ ਘਨਸ਼ਿਆਮ ਕਾਂਸਲ ਅਤੇ ਪ੍ਰੇਮ ਗੁਪਤਾ ਨੇ ਵਿਜੇਤਾ ਡੀਲਰਾਂ ਨੂੰ ਇਨਾਮ ਸੌਂਪੇ।
ਇਸ ਮੌਕੇ ਸੁਪਰ ਪਾਵਰ ਗੈਜੇਟਸ ਪ੍ਰਾਈਵੇਟ ਲਿਮਿਟਿਡ ਦੇ ਮੈਨੇਜਿੰਗ ਡਾਇਰੈਕਟਰ ਅਨਿਲ ਜੁਨੇਜਾ ਨੇ ਕਿਹਾ ਕਿ ਸਾਡੀ ਕੰਪਨੀ ਦੀ ਤਾਕਤ ਸਾਡੇ ਡੀਲਰ ਸਾਥੀ ਹਨ ਅਤੇ ਇਨ੍ਹਾਂ ਇਨਾਮਾਂ ਰਾਹੀਂ ਡੀਲਰਾਂ ਦੀ ਮਿਹਨਤ, ਸਮਰਪਣ ਅਤੇ ਗਾਹਕ-ਕੇਂਦਰਿਤ ਵਿਵਹਾਰ ਨੂੰ ਮਾਨਤਾ ਦੇ ਰਹੇ ਹਾਂ। ਉਹਨਾਂ ਕਿਹਾ ਕਿ ਸੁਪਰ ਪਾਵਰ ਗੈਜੇਟਸ ਪ੍ਰਾਈਵੇਟ ਲਿਮਿਟਿਡ ਆਪਣੇ ਡੀਲਰ ਨੈਟਵਰਕ ਨੂੰ ਵਿਅਕਤੀਗਤ ਪੱਧਰ ’ਤੇ ਮਾਨਤਾ ਦੇਣ ਅਤੇ ਉਤਸ਼ਾਹਿਤ ਕਰਨ ਲਈ ਵਚਨਬੱਧ ਹੈ ਕੰਪਨੀ ਦਾ ਉਦੇਸ਼ ਉੱਚ-ਮਿਆਰੀ ਉਤਪਾਦਾਂ ਰਾਹੀਂ ਗ੍ਰਾਹਕ ਸੰਤੁਸ਼ਟੀ ਅਤੇ ਵਿਕਰੀ ਵਿੱਚ ਨਿਰੰਤਰ ਵਾਧਾ ਕਰਨਾ ਹੈ। ਉਨ੍ਹਾਂ ਦੱਸਿਆ ਕਿ ਇਨਾਮ ਸਮਾਰੋਹ ਪੰਜਾਬ ਦੇ ਵੱਖ-ਵੱਖ 11 ਜ਼ਿਲਿਆਂ ਵਿੱਚ ਕੰਮ ਕਰ ਰਹੇ ਟੌਪ ਡੀਲਰਾਂ ਲਈ ਇੱਕ ਪ੍ਰੇਰਕ ਬਣਕੇ ਸਾਹਮਣੇ ਆਇਆ ਅਤੇ ਜੇਤੂ ਡੀਲਰਾਂ ਨੇ ਕੰਪਨੀ ਵੱਲੋਂ ਮਿਲ ਰਹੀ ਮਾਨਤਾ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ ਇਹ ਉਨ੍ਹਾਂ ਨੂੰ ਭਵਿੱਖ ਵਿੱਚ ਹੋਰ ਵਧੀਆ ਨਤੀਜੇ ਲਿਆਉਣ ਲਈ ਪ੍ਰੇਰਿਤ ਕਰੇਗਾ।