ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ : ਵਧੀਕ ਡਿਪਟੀ ਕਮਿਸ਼ਨਰ (ਜ) ਗੀਤਿਕਾ ਸਿੰਘ ਵੱਲੋਂ ਦੱਸਿਆ ਗਿਆ ਕਿ ਪੰਜਾਬ ਰਾਜ ਵਿੱਚ ਕਣਕ ਦੀ ਕਟਾਈ ਦਾ ਸੀਜਨ ਸ਼ੁਰੂ ਹੋਣ ਵਾਲਾ ਹੈ। ਕਿਸਾਨਾਂ ਵੱਲੋਂ ਆਪਣੀ ਫਸਲ ਕੱਟ ਕੇ ਮੰਡੀਆਂ ਵਿੱਚ ਵੇਚਣ ਲਈ ਲਿਆਂਦੀ ਜਾਂਦੀ ਹੈ। ਕਈ ਕਾਰਨਾਂ ਕਰਕੇ ਫਸਲ ਦੀ ਖਰੀਦ/ਲਿਫਟਿੰਗ/ਅਦਾਇਗੀ ਦਾ ਕੰਮ ਸਮੇਂ ਸਿਰ ਨਹੀਂ ਹੁੰਦਾ ਅਤੇ ਜਿਸ ਨਾਲ ਕਿਸਾਨਾਂ ਨੂੰ ਖੱਜਲ ਖੁਆਰੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਕਈ ਵਾਰ ਅਮਨ ਤੇ ਕਾਨੂੰਨ ਦੀ ਸਥਿਤੀ ਦਾ ਭੰਗ ਹੋਣ ਦਾ ਖਤਰਾ ਬਣ ਜਾਂਦਾ ਹੈ।
ਵਧੀਕ ਡਿਪਟੀ ਕਮਿਸ਼ਨਰ ਵੱਲੋਂ ਕਣਕ ਦੀ ਖਰੀਦ/ਲਿਫਟਿੰਗ/ਅਦਾਇਗੀ ਸਬੰਧੀ ਅਧਿਕਾਰੀਆਂ ਦੀਆਂ ਡਿਊਟੀਆਂ ਲਗਾਈਆਂ ਗਈਆਂ ਹਨ। ਇਹ ਅਧਿਕਾਰੀ ਰੋਜਾਨਾ ਮੰਡੀਆਂ ਵਿੱਚ ਜਾਣਗੇ ਅਤੇ ਇਸਦੇ ਨਾਲ ਹੀ ਲਿਫਟਿੰਗ ਅਤੇ ਅਦਾਇਗੀ ਲਈ ਵੀ ਬਣਦੀ ਕਾਰਵਾਈ ਕਰਵਾਉਣਗੇ ਅਤੇ ਰੋਜਾਨਾ ਰਿਪੋਰਟ ਸਬੰਧਿਤ ਉਪ ਮੰਡਲ ਮੈਜਿਸਟਰੇਟ ਨੂੰ ਕਰਨਗੇ। ਇਹ ਅਧਿਕਾਰੀ ਕਣਕ ਦੀ ਖਰੀਦ ਦਾ ਕੰਮ ਸ਼ੁਰੂ ਹੋਣ ਤੋਂ ਪਹਿਲਾਂ ਮੰਡੀਆਂ ਵਿੱਚ ਜਾ ਕੇ ਸਬੰਧਿਤ ਵਿਭਾਗਾਂ ਨਾਲ ਤਾਲਮੇਲ ਕਰਦੇ ਹੋਏ ਬਣਦੇ ਪ੍ਰਬੰਧ ਵੀ ਕਰਵਾਉਣਗੇ ਅਤੇ ਸਰਕਾਰ ਵੱਲੋਂ ਸਮੇਂ ਸਮੇਂ ਤੇ ਜਾਰੀ ਹਦਾਇਤਾਂ ਦੀ ਇੰਨ-ਬਿੰਨ ਪਾਲਣਾ ਯਕੀਨੀ ਬਣਾਉਣਗੇ।
ਉਪ ਮੰਡਲ ਮੈਜਿਸਟਰੇਟ ਆਪਣੀ ਸਬ-ਡਵੀਜਨ ਵਿੱਚ ਕਣਕ ਦੀ ਖਰੀਦ/ਲਿਫਟਿੰਗ/ਅਦਾਇਗੀ ਸਬੰਧੀ ਬਣਦੇ ਪ੍ਰਬੰਧ ਕਰਵਾਉਣ ਲਈ ਵੀ ਓਵਰਆਲ ਇੰਚਾਰਜ ਹੋਣਗੇ।
ਸਬ ਡਵੀਜਨ ਡੇਰਾਬੱਸੀ ਦੀਆਂ ਮੰਡੀਆਂ, ਡੇਰਾਬੱਸੀ, ਸਮਗੌਲੀ ਲਾਲੜੂ, ਵਿਖੇ ਸ੍ਰੀ ਲਖਵਿੰਦਰ ਸਿੰਘ, ਤਹਿਸੀਲਦਾਰ ਡੇਰਾਬੱਸੀ (98147-50975), ਜੜੋਤ, ਅਮਲਾਲਾ ਵਿਖੇ ਸ੍ਰੀ ਲਵਪ੍ਰੀਤ ਸਿੰਘ, ਨਾਇਬ ਤਹਿਸੀਲਦਾਰ, ਡੇਰਾਬੱਸੀ (79739-34844) ਅਤੇ ਟਿਵਾਣਾ, ਤਸਿੰਬਲੀ ਵਿਖੇ ਸ੍ਰੀ ਗੁਰਪ੍ਰੀਤ ਸਿੰਘ ਮਾਂਗਟ, ਬਲਾਕ ਵਿਕਾਸ ਤੇ ਪੰਚਾਇਤ ਅਫਸਰ, ਡੇਰਾਬਸੀ (94635-56415) ਦੀ ਡਿਊਟੀ ਲਗਾਈ ਜਾਂਦੀ ਹੈ।
ਸਬ ਡਵੀਜਨ ਖਰੜ ਦੀਆਂ ਮੰਡੀਆਂ ਖਰੜ, ਦਾਊਂ ਮਾਜਰਾ ਵਿਖੇ ਸ੍ਰੀਮਤੀ ਰੌਬਿਨਜੀਤ ਕੌਰ, ਤਹਿਸੀਲਦਾਰ, ਖਰੜ (84277-69222), ਖਿਜਰਾਬਾਦ ਵਿਖੇ ਸ੍ਰੀ ਕਸ਼ਿਸ਼ ਗਰਗ, ਨਾਇਬ ਤਹਿਸੀਲਦਾਰ, ਮਾਜਰੀ (78375-97492), ਕੁਰਾਲੀ ਵਿਖੇ ਸ੍ਰੀ ਮਹਿਕਮੀਤ ਸਿੰਘ, ਬਲਾਕ ਵਿਕਾਸ ਤੇ ਪੰਚਾਇਤ ਅਫਸਰ, ਖਰੜ (98141-71290) ਅਤੇ ਰੁੜਕੀ ਵਿਖੇ ਸ੍ਰੀ ਅੰਕੁਸ਼ ਅਗਰਵਾਲ, ਨਾਇਬ ਤਹਿਸੀਲਦਾਰ ਘੜੂੰਆਂ (9888686365) ਦੀ ਡਿਊਟੀ ਲਗਾਈ ਜਾਂਦੀ ਹੈ।
ਸਬ ਡਵੀਜਨ ਮੁਹਾਲੀ ਦੀਆਂ ਮੰਡੀਆਂ ਵਿੱਚ ਮੋਹਾਲੀ, ਬਨੂੜ ਅਤੇ ਸਨੇਟਾ ਵਿਖੇ ਮਿਸ ਰਮਨਦੀਪ ਕੌਰ ,ਨਾਇਬ ਤਹਿਸੀਲਦਾਰ (73071-11161), ਭਾਗੋ ਮਾਜਰਾ ਵਿਖੇ ਸ੍ਰੀ ਹਰਮਨਪ੍ਰੀਤ ਸਿੰਘ ਚੀਮਾ, ਨਾਇਬ ਤਹਿਸੀਲਦਾਰ ਮੋਹਾਲੀ (79863-82951) ਦੀ ਡਿਊਟੀ ਲਗਾਈ ਜਾਂਦੀ ਹੈ।
ਇਹ ਹੁਕਮ ਤੁਰੰਤ ਲਾਗੂ ਹੋਣਗੇ।