ਬਿਹਾਰ ਵਿਚ ਸਮੂਹਕ ਬਲਾਤਕਾਰ ਮਗਰੋਂ ਔਰਤ ਨੂੰ ਨਗਨ ਹਾਲਤ ਵਿਚ ਖੰਭੇ ’ਤੇ ਲਟਕਾਇਆ

ਸਮਸਤੀਪੁਰ : ਬਿਹਾਰ ਦੇ ਸਮਸਤੀਪੁਰ ਦੇ ਪਿੰਡ ਵਿਚ ਸਵੇਰ ਜੰਗਲ ਪਾਣੀ ਲਈ ਨਿਕਲੀ ਔਰਤ ਨਾਲ ਸਮੂਹਕ ਬਲਾਤਕਾਰ ਕੀਤਾ ਗਿਆ ਅਤੇ ਫਿਰ ਉਸ ਨੂੰ ਨਗਨ ਹਾਲਤ ਵਿਚ ਬਿਜਲੀ ਦੇ ਖੰਭੇ ਨਾਲ ਲਟਕਾ ਦਿਤਾ ਗਿਆ। ਸਵੇਰੇ ਸੱਤ ਵਜੇ ਦੇ ਬਾਅਦ ਲੋਕਾਂ ਦੀ ਫੰਦੇ ’ਤੇ ਨਗਨ ਅਵਸਥਾ ਵਿਚ ਲਟਕੀ ਔਰਤ ’ਤੇ ਨਜ਼ਰ ਪਈ। ਉਸ ਦੇ ਬਾਅਦ ਲੋਕ ਇਸ ਨੂੰ ਇਲਾਜ ਲਈ ਪਹਿਲਾਂ ਹਸਪਤਾਲ ਲੈ ਗਏ ਅਤੇ ਉਥੋਂ ਅੱਗੇ ਭੇਜ ਦਿਤਾ ਗਿਆ। ਘਟਨਾ ਤੋਂ ਭੜਕੇ ਲੋਕਾਂ ਨੇ ਸ਼ੱਕ ਦੇ ਆਧਾਰ ’ਤੇ ਅੱਧਾ ਦਰਜਨ ਲੋਕਾਂ ਨੂੰ ਬੰਧਕ ਬਣਾ ਲਿਾ। ਬਾਅਦ ਵਿਚ ਸਾਰਿਆਂ ਨੂੰ ਪੁਲਿਸ ਹਵਾਲੇ ਕਰ ਦਿਤਾ ਗਿਆ। ਸੋਮਵਾਰ ਰਾਤ ਪੀੜਤਾ ਦੇ ਘਰ ਵਿਆਹ ਸਮਾਗਮ ਸੀ। ਘਰ ਦੇ ਸਾਰੇ ਲੋਕ ਰੁੱਝੇ ਹੋਏ ਸਨ। ਵਿਆਹ ਵਿਚ ਟੈਂਟ ਤੇ ਵਾਜੇ ਵਾਲੇ ਵੀ ਸਨ ਅਤੇ ਰਾਤ ਭਰ ਕੰਮ ਕਰ ਰਹੇ ਸਨ। ਜਦ ਸਵੇਰ ਨੂੰ ਘਰ ਦੀ ਬਹੂ ਜੰਗਲ ਪਾਣੀ ਲਈ ਨਿਕਲੀ ਤਾਂ ਟੈਂਟ ਵਾਲੇ ਮਜ਼ਦੂਰ ਉਸ ਦਾ ਪਿੱਛਾ ਕਰਨ ਲੱਗ ਪਏ। ਔਰਤ ਜਿਉਂ ਹੀ ਖੇਤ ਵਿਚ ਪੁੱਜੀ ਤਾਂ ਉਨ੍ਹਾਂ ਸਾਰਿਆਂ ਨੂੰ ਉਸ ਨੂੰ ਫੜ ਲਿਆ। ਫਿਰ ਉਸ ਦੇ ਗਹਿਣੇ ਤੇ ਕਪੜੇ ਉਤਾਰ ਦਿਤੇ ਗਏ। ਇਸ ਦੌਰਾਨ ਔਰਤ ਦੀ ਕੁੱਟਮਾਰ ਵੀ ਕੀਤੀ ਗਈ। ਫਿਰ ਸਾਰਿਆਂ ਨੇ ਉਸ ਨਾਲ ਵਾਰੋ ਵਾਰੀ ਬਲਾਤਕਾਰ ਕੀਤਾ ਅਤੇ ਬਾਅਦ ਵਿਚ ਉਸ ਨੂੰ ਨਗਨ ਹਾਲਤ ਵਿਚ ਬਿਜਲੀ ਦੇ ਖੰਭੇ ਨਾਲ ਲਟਕਾ ਦਿਤਾ। ਪਿੰਡ ਵਾਲਿਆਂ ਨੇ ਸ਼ੱਕ ਦੇ ਆਧਾਰ ’ਤੇ ਮਜ਼ਦੂਰਾਂ ਦੀ ਕੁੱਟਮਾਰ ਕੀਤੀ ਅਤੇ ਬਾਅਦ ਵਿਚ ਉਨ੍ਹਾਂ ਨੂੰ ਪੁਲਿਸ ਹਵਾਲੇ ਕਰ ਦਿਤਾ। ਪੁਲਿਸ ਨੇ ਸੱਤ ਜਣਿਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।