ਸੁਨਾਮ : ਸੁਨਾਮ ਇਲਾਕੇ ਦੇ ਪੱਤਰਕਾਰੀ ਦੇ ਖੇਤਰ ਵਿੱਚ ਲੰਮਾ ਸਮਾਂ ਸੇਵਾਵਾਂ ਨਿਭਾਅ ਚੁੱਕੇ ਸਫ਼ਲ ਕਿਸਾਨ ਸੋਹਣ ਸਿੰਘ ਭੰਗੂ ਦੇ ਫਰਜ਼ੰਦ ਰਾਜਬੀਰ ਸਿੰਘ ਭੰਗੂ ਨੇ ਪੀਸੀਐਸ (ਅਗਜੈਕਟਿਵ) ਦੀ ਪ੍ਰੀਖਿਆ ਵਿੱਚੋਂ 12ਵਾਂ ਸਥਾਨ ਹਾਸਲ ਕੀਤਾ ਹੈ। ਰਾਜਬੀਰ ਸਿੰਘ ਭੰਗੂ ਸ਼ਹੀਦ ਊਧਮ ਸਿੰਘ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਵਿੱਚ ਸੀਨੀਅਰ ਸਹਾਇਕ ਵਜੋਂ ਸੇਵਾਵਾਂ ਨਿਭਾਅ ਰਹੇ ਸਨ। ਪੀਸੀਐਸ ਪ੍ਰੀਖਿਆ ਪਾਸ ਕਰਨ ਤੇ ਰਾਜਬੀਰ ਸਿੰਘ ਭੰਗੂ ਦਾ ਆਈ.ਟੀ.ਆਈ ਸੁਨਾਮ ਦੇ ਸਮੁੱਚੇ ਅਮਲੇ ਵੱਲੋਂ ਅੱਜ ਉਨਾਂ ਨੂੰ ਦਫਤਰ ਪਹੁੰਚਣ 'ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਰਾਜਬੀਰ ਸਿੰਘ ਭੰਗੂ ਨੇ ਆਖਿਆ ਕਿ ਦ੍ਰਿੜ ਨਿਸਚੇ ਨਾਲ ਕੀਤੀ ਸਖਤ ਮਿਹਨਤ ਕਦੇ ਵਿਅਰਥ ਨਹੀ ਜਾਂਦੀ ਨੌਜਵਾਨਾਂ ਨੂੰ ਆਪਣਾ ਟੀਚਾ ਜਰੂਰ ਮਿੱਥਣਾ ਚਾਹੀਦਾ ਹੈ। ਇਸ ਮੌਕੇ ਆਈਟੀਆਈ ਦੇ ਪ੍ਰਿੰਸੀਪਲ ਬਲਵਿੰਦਰ ਸਿੰਘ, ਸੁਪਰਡੈਂਟ ਵਿਨੋਦ ਕੁਮਾਰ, ਸਰਬਜੀਤ ਸਿੰਘ, ਕ੍ਰਿਸ਼ਨ ਸਿੰਘ, ਰਾਮ ਸਿੰਘ, ਜਗਸੀਰ ਸਿੰਘ, ਅਮਰਜੀਤ ਸਿੰਘ, ਕਮਲਜੀਤ ਸਿੰਘ, ਮਨਮਿੰਦਰ ਸਿੰਘ ਅਤੇ ਸੁਰਜੀਤ ਸਿੰਘ ਸੰਧੂ ਆਦਿ ਮੌਜੂਦ ਸਨ।