ਗਾਇਕ ਧਰਮਵੀਰ ਦਾ ਧਾਰਮਿਕ ਗੀਤ ‘ਆਜੋ ਗੁਰੂ ਨਾਨਕ ਜੀ’ ਹੋਇਆ ਰਿਲੀਜ਼

ਜ਼ੀਰਕਪੁਰ : ਬੀਤੇ ਲੰਮੇ ਸਮੇ ਤੋਂ ਗਾਇਕ ਧਰਮਵੀਰ ਅਪਣੇ ਪੰਜਾਬੀ ਸੱਭਿਆਚਾਰਕ ਗੀਤਾਂ ਰਾਹੀਂ ਮਾਂ ਬੋਲੀ ਪੰਜਾਬੀ ਤੇ ਸੱਭਿਆਚਾਰ ਦੀ ਸੇਵਾ ਕਰਦਾ ਆ ਰਿਹਾ ਹੈ। ਜਿਸਦੇ ਕੀ ਸਮੇ ਸਮੇ ਸਿਰ ਸਰੋਤਿਆਂ ਨੂੰ ਧਾਰਮਿਕ ਗੀਤ ਵੀ ਸੁਨਣ ਨੂੰ ਮਿਲਦੇ ਰਹਿੰਦੇ ਹਨ। ਇਸੇ ਲੜੀ ਨੂੰ ਅੱਗੇ ਵਧਾਉਂਦਿਆਂ ਤੇ ਗੁਰੂਪੁਰਬ ਨੂੰ ਸਮਰਪਿਤ ਗਾਇਕ ਧਰਮਵੀਰ ਆਪਣੇ ਸਰੋਤਿਆਂ ਲਈ ਧਾਰਮਿਕ ਗੀਤ "ਆਜੋ ਗੁਰੂ ਨਾਨਕ ਜੀ" ਲੈ ਕੇ ਹਾਜਰ ਹੋਇਆ ਹੈ ਜੋ ਕੀ ਯੂ ਟਿਊਬ ਤੇ ਵੀ ਪੰਜਾਬੀ ਚੈਨਲ ਤੇ ਰਿਲੀਜ਼ ਕੀਤਾ ਗਿਆ ਹੈ। ਜਿਸਦਾ ਕੀ ਸਰੋਤਿਆਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਇਸ ਗੀਤ ਸਬੰਧੀ ਗੱਲ ਬਾਤ ਕਰਦਿਆਂ ਗਾਇਕ ਧਰਮਵੀਰ ਨੇ ਦਸਿਆ ਕਿ ਇਸ ਧਾਰਮਿਕ ਗੀਤ ਨੂੰ ਗੀਤਕਾਰ ਭੰਗੂ ਜੈਲਦਾਰ ਨੇ ਅਪਣੀ ਕਲਮ ਰਾਹੀਂ ਲਿਖਿਆ ਹੈ ਅਤੇ ਇਸ ਗੀਤ ਦਾ ਮਿਊਜ਼ਿਕ ਅਸ਼ੀਮ ਮੰਗੋਲੀ ਨੇ ਦਿੱਤਾ ਹੈ। ਇਸ ਗੀਤ ਦੇ ਪ੍ਰੋਡਿਊਸਰ ਨਿਖਿਲ ਗੁਪਤਾ ਹਨ ਅਤੇ ਸਾਹਿਲ ਗੁਪਤਾ ਨੇ ਇਸ ਗੀਤ ਦੀ ਪੇਸ਼ਕਾਰੀ ਕੀਤੀ ਹੈ। ਉਨ੍ਹਾਂ ਦਸਿਆ ਕਿ ਉਨ੍ਹਾਂ ਦਾ ਇਹ ਧਾਰਮਿਕ ਗੀਤ ਗੁਰਪੁਰਬ ਨੂੰ ਸਮਰਪਿਤ ਹੈ। ਉਨ੍ਹਾਂ ਅਪਣੇ ਸਰੋਤਿਆਂ ਨੂੰ ਅਪੀਲ ਕੀਤੀ ਹੈ ਕਿ ਜਿਵੇਂ ਉਸਦੇ ਪਹਿਲੇ ਗੀਤਾਂ ਨੂੰ ਪਿਆਰ ਮਿਲਿਆ ਹੈ ਉਸੇ ਤਰ੍ਹਾਂ ਇਸ ਧਾਰਮਿਕ ਗੀਤ ਨੂੰ ਵੀ ਪਿਆਰ ਦਿਓਗੇ। ਇਸ ਮੌਕੇ ਉਨ੍ਹਾਂ ਸਮੂਹ ਦੇਸ਼ਵਾਸੀਆਂ ਨੂੰ ਗੁਰਪੁਰਬ ਦੀਆ ਵਧਾਈਆਂ ਵੀ ਦਿੱਤੀਆਂ।