ਜ਼ੀਰਕਪੁਰ : ਜ਼ੀਰਕਪੁਰ ਦੇ ਢਕੋਲੀ ਖੇਤਰ ਵਿੱਚ ਸਥਿਤ ਨੈਪਲ ਅਪਾਰਟਮੈਂਟ ਸੁਸਾਇਟੀ ਦੀ ਵਸਨੀਕ ਇੱਕ ਔਰਤ ਨੇ ਬੀਤੀ ਦੇ ਰਾਤ ਆਪਣੇ ਫਲੈਟ ਵਿੱਚੋਂ ਛਾਲ ਮਾਰ ਦਿੱਤੀ ਔਰਤ ਵੱਲੋਂ ਛਾਲ ਮਾਰਨ ਕਾਰਨ ਉਸ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਪੁਲਿਸ ਨੇ ਨਿਯਮਾਂ ਅਨੁਸਾਰ ਕਾਰਵਾਈ ਕਰਦੇ ਹੋਏ ਮਿਰਤਕਾ ਔਰਤ ਦਾ ਪੋਸਟਮਾਰਟਮ ਕਰਵਾ ਦਿੱਤਾ ਹੈ। ਹਾਸਲ ਜਾਣਕਾਰੀ ਅਨੁਸਾਰ ਰਚਨਾ ਬੇਦੀ ਪਤਨੀ ਰਮਨੀਸ਼ ਕੁਮਾਰ ਬੇਦੀ (50) ਸਾਲ ਵਾਸੀ ਫਲੈਟ ਨੰਬਰ 602 ਟਾਵਰ-ਈ ਮੈਪਲ ਅਪਰਟਮੈਂਟ ਢਕੌਲੀ ਦਾ ਆਪਣੇ ਪਤੀ ਨਾਲ ਮਨ ਮਿਟਾਓ ਚੱਲਦਾ ਸੀ ਜਿਸ ਕਾਰਨ ਉਹ ਬੀਤੇ ਕਰੀਬ ਪੰਜ ਸਾਲ ਤੋਂ ਆਪਣੇ ਪੇਕੇ ਘਰ ਰਹਿ ਰਹੀ ਸੀ ਸੂਤਰਾਂ ਅਨੁਸਾਰ ਹਾਲੇ ਕੁਝ ਦਿਨ ਪਹਿਲਾਂ ਹੀ ਉਹ ਆਪਣੇ ਪਤੀ ਕੋਲ ਰਹਿਣ ਲਈ ਵਾਪਸ ਆਈ ਸੀ ਬੀਤੀ ਰਾਤ ਕਰੀਬ 11 ਵਜੇ ਜਦੋਂ ਉਸ ਦਾ ਪਤੀ ਰਵਨੀਸ਼ ਬੇਦੀ ਸੋ ਗਿਆ ਤਾਂ ਕਰੀਬ 12 ਵਜੇ ਰਚਨਾ ਬੇਦੀ ਨੇ ਆਪਣੇ ਫਲੈਟ ਦੀ ਬਾਲਕੋਨੀ ਤੋਂ ਸ਼ੱਕੀ ਰੂਪ ਵਿੱਚ ਛਾਲ ਮਾਰ ਦਿੱਤੀ ਜਿਸ ਕਾਰਨ ਉਸ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਪੁਲਿਸ ਅਨੁਸਾਰ ਉਹਨਾਂ ਵੱਲੋਂ ਮ੍ਰਿਤਕਾ ਦੇ ਭਰਾ ਅਤੇ ਪਿਤਾ ਦੇ ਬਿਆਨਾਂ ਦੇ ਆਧਾਰ ਤੇ ਕਾਰਵਾਈ ਕਰਦੇ ਹੋਏ ਮਿਰਤਿਕਾ ਔਰਤ ਦਾ ਪੋਸਟਮਾਰਟਮ ਕਰਵਾ ਦਿੱਤਾ ਹੈ। ਮਾਮਲੇ ਸਬੰਧੀ ਮਾਮਲੇ ਦੇ ਪੜਤਾਲ ਅਫਸਰ ਹੌਲਦਾਰ ਹਰਨੇਕ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕਾ ਦੇ ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਤੋਂ ਬਾਅਦ ਜੇਕਰ ਜਰੂਰ ਪਈ ਤਾਂ ਮਾਮਲੇ ਦੀਆਂ ਧਰਾਵਾਂ ਵਿੱਚ ਵਾਧਾ ਕੀਤਾ ਜਾ ਸਕਦਾ ਹੈ।