ਐਸ ਏ ਐਸ ਨਗਰ : ਦਿਸ਼ਾ ਸੋਸਾਇਟੀ ਵਲੋਂ ਇਉਨ ਟੈਕ ਕੰਪਨੀ ਦੇ ਸਹਿਯੋਗ ਨਾਲ ਸਿਵਲ ਹਸਪਤਾਲ ਮੁਹਾਲੀ ਨੂੰ 42 ਬੈਂਚ ਦਾਨ ਕੀਤੇ ਗਏ ਹਨ। ਦਿਸ਼ਾ ਸੰਸਥਾ ਦੇ ਪ੍ਰਧਾਨ ਸ. ਹਰਪ੍ਰੀਤ ਸਿੰਘ ਅਤੇ ਜਰਨਲ ਸਕੱਤਰ ਰਾਜੀਵ ਵਸ਼ਿਸਟ ਨੇ ਦੱਸਿਆ ਕਿ ਸੰਸਥਾ ਵਲੋਂ ਇਹ ਗੱਲ ਮਹਿਸੂਸ ਕੀਤੀ ਗਈ ਸੀ ਕਿ ਸਿਵਲ ਹਸਪਤਾਲ ਵਿੱਚ ਓ. ਪੀ. ਡੀ. ਵਾਲੇ ਪਾਸੇ ਮਰੀਜਾਂ (ਖਾਸ ਕਰਕੇ ਬਜ਼ੁਰਗਾਂ ਤੇ ਔਰਤਾਂ) ਦੇ ਬੈਠਣ ਲਈ ਬੈਂਚ ਰੱਖੇ ਜਾਣ ਦੀ ਲੋੜ ਹੈ ਜਿਸਤੇ ਸੰਸਥਾ ਵਲੋਂ ਵਾਰਡ ਨੰ: 35 ਦੀ ਕੌਂਸਲਰ ਅਰੂਣਾ ਸ਼ਰਮਾ ਵਸ਼ਿਸਟ ਦੇ ਯਤਨਾਂ ਸਦਕਾ ਇਹ 42 ਬੈਂਚ ਸਿਵਲ ਹਸਪਤਾਲ ਨੂੰ ਮੁਹਈਆ ਕਰਵਾਏ ਹਨ। ਉਹਨਾਂ ਦੱਸਿਆ ਕਿ ਇਹਨਾਂ ਬੈਂਚਾਂ ਦੀ ਕੀਮਤ ਲਗਭਗ ਦੋ ਲੱਖ ਦੇ ਕਰੀਬ ਹੈ।