ਸੁਨਾਮ : ਸੁਨਾਮ ਸ਼ਹਿਰ ਅੰਦਰ ਕੇਵਲ ਔਰਤਾਂ ਲਈ ਸਥਾਪਿਤ ਬਾਡੀ ਲਾਈਨ ਫਿਟਨੈਸ ਜੋਨ ਜਿੰਮ ਦੇ ਪ੍ਰਬੰਧਕਾਂ ਵੱਲੋਂ ਕਰਵਾਏ ਤੀਆਂ ਦੇ ਤਿਉਹਾਰ ਮੌਕੇ ਮਿਸ ਤੀਜ ਦਾ ਖਿਤਾਬ ਪ੍ਰਤਿਭਾ ਨੇ ਜਿੱਤਿਆ। ਔਰਤਾਂ ਨੂੰ ਸਰੀਰਕ ਪੱਖੋਂ ਫਿੱਟ ਅਤੇ ਤੰਦਰੁਸਤ ਰਹਿਣ ਲਈ ਬਣਾਏ ਜਿੰਮ ਦੇ ਪ੍ਰਬੰਧਕ ਵਿਰਸੇ ਨੂੰ ਸਾਂਭਣ ਲਈ ਵੀ ਉਪਰਾਲੇ ਕਰਦੇ ਰਹਿੰਦੇ ਹਨ। ਤੀਆਂ ਮੌਕੇ ਕਰਵਾਏ ਪ੍ਰਭਾਵਸ਼ਾਲੀ ਸਮਾਗਮ ਮੌਕੇ ਔਰਤਾਂ ਪੰਜਾਬੀ ਪਹਿਰਾਵੇ ਵਿੱਚ ਵਿੱਚ ਸਜੀਆਂ ਵਿਖਾਈ ਦਿਤੀਆਂ । ਔਰਤਾਂ ਨੇ ਸਮਾਗਮ ਵਿੱਚ ਖੂਬ ਆਨੰਦ ਮਾਣਿਆ । ਪੰਜਾਬੀ ਬੋਲੀਆਂ ਪਾਕੇ ਪੰਜਾਬੀ ਸੰਗੀਤ ਤੇ ਨੱਚ ਟੱਪ ਕੇ ਗਿੱਧਾ ਵੀ ਪਾਇਆ । ਪੂਰਾ ਮਾਹੌਲ ਪੰਜਾਬੀ ਵਿਰਸੇ ਨਾਲ ਹੀ ਜੁੜਿਆ ਹੋਇਆ ਸੀ। ਇਸ ਮੌਕੇ ਬਾਡੀ ਲਾਈਨ ਲੇਡੀਜ਼ ਫਿਟਨੈਸ ਜਿੰਮ ਦੇ ਐਮ ਡੀ ਹਿਮਾਂਸੀ ਕਾਦੀਆਨ ਨੇ ਕਿਹਾ ਕਿ ਸਾਡੀ ਹਮੇਸ਼ਾ ਕੋਸ਼ਿਸ਼ ਰਹਿੰਦੀ ਹੈ ਕਿ ਹਰ ਤਿਓਹਾਰ ਨੂੰ ਸਾਰੇ ਰਲ ਮਿਲ ਕੇ ਮਨਾਈਏ , ਖ਼ਾਸ ਤੌਰ ਤੇ ਤੀਆਂ ਔਰਤਾਂ ਦੀ ਜਿੰਦਗੀ ਵਿਚ ਵੱਖਰਾ ਉਤਸ਼ਾਹ ਲੈ ਕੇ ਆਉਂਦੀਆਂ ਹਨ । ਇਸ ਮੌਕੇ ਰੂਪਾ ਰਾਣੀ , ਕੁਲਵਿੰਦਰ ਕੌਰ , ਮੀਨਾਕਸ਼ੀ ,ਹਰਪਾਲ ਕੌਰ ,ਜਸਵੀਰ ਕੌਰ , ਨੀਤੂ , ਆਸ਼ੂ ,ਰਜਨੀ , ਸ਼ਾਰੂ , ਗੀਤੂ , ਮਨਜੀਤ ਕੌਰ , ਰਿੰਪੀ , ਪ੍ਰਤਿਭਾ , ਚਿੰਕੀ , ਡਿੰਪੀ , ਲਵੀਨਾ ਅਤੇ ਨਿਸ਼ਾ ਸਮੇਤ ਵੱਡੀ ਗਿਣਤੀ ਵਿੱਚ ਮਹਿਲਾਵਾਂ ਹਾਜ਼ਰ ਸਨ ।