ਲਾਲੜੂ : ਪੰਜਾਬ ਗਊ ਸੇਵਾ ਕਮਿਸ਼ਨ ਦੇ ਚੇਅਰਮੈਨ ਅਸ਼ੋਕ ਕੁਮਾਰ ਲੱਖਾ ਅਤੇ ਮੈਂਬਰ ਅਮਿਤ ਜੈਨ ਵੱਲੋਂ ਅੱਜ ਕੈਟਲ ਪਾਉਂਡ ਮਗਰਾ, ਲਾਲੜੂ ਦਾ ਦੌਰਾ ਕੀਤਾ ਗਿਆ। ਡਾ. ਸ਼ਿਵ ਕਾਂਤ ਗੁਪਤਾ, ਡਿਪਟੀ ਡਾਇਰੈਕਟਰ ਪਸ਼ੂ ਪਾਲਣ ਵਿਭਾਗ, ਐਸ. ਏ. ਐਸ. ਨਗਰ ਵੱਲੋਂ ਉਹਨਾਂ ਦਾ ਸਵਾਗਤ ਕੀਤਾ ਗਿਆ ਅਤੇ ਕੈਟਲ ਪਾਉਂਡ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ।
ਚੇਅਰਮੈਨ ਲੱਖਾ ਵੱਲੋਂ ਕੈਟਲ ਪਾਉਂਡ ਦੇ ਪ੍ਰਬੰਧਨ ਸਬੰਧੀ ਅਤੇ ਗਊ ਵੰਸ਼ ਦੀ ਸਿਹਤ ਸੰਭਾਲ ਸੰਬੰਧੀ ਸੰਤੁਸ਼ਟੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਉਹਨਾਂ ਨੇ ਇਸ ਮੌਕੇ ਕੈਟਲ ਪਾਉਂਡ ਵਿਖੇ ਬੂਟੇ ਵੀ ਲਗਾਏ ਅਤੇ ਪ੍ਰਬੰਧਕਾਂ ਨੂੰ ਹੋਰ ਛਾਂ-ਦਾਰ ਬੂਟੇ ਲਗਾਉਣ ਲਈ ਵੀ ਕਿਹਾ। ਇਸ ਮੌਕੇ ਡਾ. ਭੁਪਿੰਦਰ ਪਾਲ ਸਿੰਘ ਸੀਨੀਅਰ ਵੈਟਰਨਰੀ ਅਫਸਰ ਡੇਰਾਬੱਸੀ, ਬੀਰਕਰਨ ਸਿੰਘ ਤਹਿਸੀਲਦਾਰ ਡੇਰਾਬੱਸੀ ਅਤੇ ਗੁਰਬਖਸੀਸ਼ ਸਿੰਘ, ਕਾਰਜ ਸਾਧਕ ਅਫ਼ਸਰ, ਲਾਲੜੂ ਵੀ ਹਾਜ਼ਰ ਸਨ।