ਚੰਡੀਗੜ੍ਹ : ਭਾਰਤ ਪੈਟਰੋਲੀਅਮ ਦੇ ਭਾਰਤ ਗੈਸ ਡਿਵੀਜਨ, ਲਾਲੜੂ ਐਲ ਪੀ ਜੀ ਟੈਰੀਟਰੀ ਵਲੋਂ ਸੁਖਨਾ ਝੀਲ ਚੰਡੀਗੜ੍ਹ ਵਿੱਚ ਸਵੱਛਤਾ ਪੰਦਰਵਾੜਾ ਦਾ ਸਮਾਗਮ ਕਰਵਾਇਆ ਗਿਆ ਜਿਸ ਦੌਰਾਨ ਸਫਾਈ ਅਤੇ ਵਾਤਾਵਰਣ ਦੀ ਸੰਭਾਲ ਨੂੰ ਮੁੱਖ ਰੱਖਦਿਆਂ ਵੱਖ ਵੱਖ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ।
ਇਸ ਮੌਕੇ ਵਾਕਥਾਨ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਹਰ ਉਮਰ ਵਰਗ ਦੇ ਪ੍ਰਤੀਭਾਗੀਆਂ ਵਲੋਂ ਫਿਟਨੈਸ ਅਤੇ ਸਵੱਛਤਾ ਦਾ ਸੰਦੇਸ ਦਿੱਤਾ ਗਿਆ। ਇਸ ਉਪਰੰਤ ਹਾਜਰ ਲੋਕਾਂ ਨੇ ਸਵੱਛਤਾ ਦੀ ਸਹੁੰ ਚੁੱਕੀ ਅਤੇ ਵਾਤਾਵਰਣ ਨੂੰ ਹਰਾ ਭਰਾ ਬਣਾ ਕੇ ਰੱਖਣ ਪ੍ਰਤੀ ਆਪਣੀ ਵਚਨਬੱਧਤਾ ਜਾਹਿਰ ਕੀਤੀ। ਇਸ ਮੌਕੇ ਸੈਰ ਕਰਨ ਵਾਲਿਆਂ ਨੂੰ ਬੂਟੇ ਅਤੇ ਜੂਟ ਬੈਗ ਵੰਡੇ ਗਏ। ਕੰਪਨੀ ਦੇ ਸਟੇਟ ਹੈੱਡ (ਪੰਜਾਬ, ਹਿਮਾਚਲ ਪ੍ਰਦੇਸ ਅਤੇ ਜੰਮੂੑਕਸਮੀਰ) ਸ੍ਰੀ ਅਰੁਣ ਕੁਮਾਰ ਸੋਨਵਾਨੀ ਅਤੇ ਭਾਰਤ ਗੈਸ ਡਿਵੀਜਨ, ਲਾਲੜੂ ਐੱਲ. ਪੀ. ਜੀ. ਟੈਰੀਟਰੀ ਦੇ ਖੇਤਰੀ ਮੈਨੇਜਰ ਸ੍ਰੀ ਪੰਕਜ ਰਾਠੌਰ ਨੇ ਵੀ ਸੰਬੋਧਨ ਕੀਤਾ।