ਨਵੀਂ ਦਿੱਲੀ : ਪੂਰੀ ਦੁਨੀਆ ਵਿੱਚ corona ਨੇ ਕਹਿਰ ਵਰਤਾਇਆ ਹੋਇਆ ਹੈ ਅਜਿਹੇ ਵਿਚ ਸੱਭ ਤੋਂ ਵੱਧ ਕਮੀ ਆਕਸੀਜਨ ਦੀ ਹੋ ਰਹੀ ਹੈ। ਕੋਰੋਨਾ ਇਨਫੈਕਸ਼ਨ ਦੇ ਗੰਭੀਰ ਲੱਛਣਾਂ ਵਿਚੋਂ ਇਕ ਹੈ ਸਰੀਰ ਦਾ ਆਕਸੀਜਨ ਪੱਧਰ ਘੱਟ ਹੋਣਾ। ਇਸ ਲਈ, ਅਜੋਕੇ ਸਮੇਂ ਦੀ ਸਥਿਤੀ ਨੂੰ ਵੇਖਦਿਆਂ ਸਾਰੇ ਉਪਾਅ ਕਰੋ ਤਾਂ ਜੋ ਸਰੀਰ ਵਿਚ ਆਕਸੀਜਨ ਦਾ ਸਹੀ ਪੱਧਰ ਬਣਿਆ ਰਹੇ। ਉਂਝ ਤਾਂ ਖੂਨ ਵਿਚ 95 ਤੋਂ 100 ਪ੍ਰਤੀਸ਼ਤ ਦੇ ਵਿਚ ਆਕਸੀਜਨ ਦਾ ਪੱਧਰ ਆਮ ਮੰਨਿਆ ਜਾਂਦਾ ਹੈ। 95 ਪ੍ਰਤੀਸ਼ਤ ਤੋਂ ਘੱਟ ਆਕਸੀਜਨ ਦਾ ਪੱਧਰ ਇਕ ਸਮੱਸਿਆ ਦਾ ਸੰਕੇਤ ਕਰਦਾ ਹੈ, ਪਰ ਜੇ ਪਲਸ ਆਕਸੀਮੀਟਰ ਵਿਚ ਆਕਸੀਜਨ ਦਾ ਪੱਧਰ 93 ਜਾਂ 90 ਤੋਂ ਘੱਟ ਦਿਖ ਰਿਹਾ ਹੈ, ਤਾਂ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ। ਅਸਲ ਵਿਚ, ਸਰੀਰ ’ਚ ਆਕਸੀਜਨ ਦੀ ਘਾਟ ਇਮਿਊਨ ਸਿਸਟਮ ਨੂੰ ਪ੍ਰਭਾਵਤ ਕਰਦੀ ਹੈ, ਉਹ ਕਮਜ਼ੋਰ ਹੋ ਜਾਂਦਾ ਹੈ ਜਿਸ ਨਾਲ ਛੂਤ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਖੂਨ ਵਿਚ ਆਕਸੀਜਨ ਦੇ ਪੱਧਰ ਨੂੰ ਵਧਾਉਣ ਅਤੇ ਇਸ ਨੂੰ ਬਣਾਈ ਰੱਖਣ ਲਈ ਆਪਣੀ ਖੁਰਾਕ ਵਿਚ ਆਇਰਨ ਰਿਚ ਫੂਡਜ਼ ਨੂੰ ਸ਼ਾਮਲ ਕਰੋ ਜਿਵੇਂ ਹਰੀਆਂ ਪੱਤੇਦਾਰ ਸਬਜ਼ੀਆਂ ਖਾਸ ਕਰਕੇ ਪਾਲਕ, ਬੀਨਜ਼, ਦਾਲਾਂ, ਮੀਟ, ਪੋਲਟਰੀ, ਮੱਛੀ ਵਰਗੀਆਂ ਚੀਜ਼ਾਂ। ਇਹ ਸਰੀਰ ਵਿਚ ਆਇਰਨ ਦੀ ਘਾਟ ਨੂੰ ਪੂਰਾ ਕਰਦੇ ਹਨ, ਜੋ ਖੂਨ ਵਿਚ ਆਕਸੀਜਨ ਦੇ ਪੱਧਰ ਵਿਚ ਸੁਧਾਰ ਲਿਆਉਂਦਾ ਹੈ। ਕਸਰਤ ਨੂੰ ਸਿਹਤ ਲਈ ਹਮੇਸ਼ਾ ਮਹੱਤਵਪੂਰਣ ਮੰਨਿਆ ਜਾਂਦਾ ਰਿਹਾ ਹੈ, ਪਰ ਲੋਕਾਂ ਨੂੰ ਕੋਰੋਨਾ ਮਹਾਂਮਾਰੀ ਵਿਚ ਇਸ ਦੀ ਮਹੱਤਤਾ ਖ਼ਾਸ ਤੌਰ ’ਤੇ ਸਮਝ ਆਈ। ਇਸ ਲਈ ਜੇ ਤੁਸੀਂ ਖੂਨ ਵਿਚ ਆਕਸੀਜਨ ਦਾ ਪੱਧਰ ਵਧਾਉਣਾ ਚਾਹੁੰਦੇ ਹੋ, ਤਾਂ ਕਸਰਤ ਲਈ ਰੋਜ਼ਾਨਾ 25-30 ਮਿੰਟ ਲਓ। ਸਾਹ ਦੀ ਸਮਰੱਥਾ ਕਸਰਤ ਨਾਲ ਸੁਧਾਰੀ ਜਾ ਸਕਦੀ ਹੈ ਕਿਉਂਕਿ ਉਸ ਸਮੇਂ ਦੌਰਾਨ ਤੁਸੀਂ ਸਾਹ ਨੂੰ ਤੇਜ਼ ਰਫ਼ਤਾਰ ਨਾਲ ਲੈਂਦੇ ਅਤੇ ਛੱਡਦੇ ਹੋ, ਜਿਸ ਨਾਲ ਫੇਫੜੇ ਬਹੁਤ ਸਾਰੀ ਆਕਸੀਜਨ ਲੈਣ ਪਾਉਂਦੇ ਹਨ। ਸਰੀਰ ਵਿਚ ਆਕਸੀਜਨ ਦਾ ਪੱਧਰ ਵਧਾਉਣ ਲਈ ਤਰਲ ਦੀ ਮਾਤਰਾ, ਖ਼ਾਸਕਰ ਪਾਣੀ ਦੀ ਮਾਤਰਾ ਵਿਚ ਵਾਧਾ ਕਰੋ।