ਵਿਸ਼ਵਕਰਮਾ ਭਵਨ ਕਮੇਟੀ ਦੇ ਮੈਂਬਰ ਜੱਜ ਬਣੀਆਂ ਕੁੜੀਆਂ ਦਾ ਸਨਮਾਨ ਕਰਦੇ ਹੋਏ।
ਸੁਨਾਮ : ਵਿਸ਼ਕਰਮਾ ਭਵਨ ਕਮੇਟੀ ਵੱਲੋਂ ਸੁਨਾਮ ਸ਼ਹਿਰ ਦੀਆਂ ਪੀਸੀਐਸ ਜ਼ੁਡੀਸ਼ੀਅਲ ਦੀ ਵਕਾਰੀ ਪ੍ਰੀਖਿਆ ਪਾਸ ਕਰਕੇ ਜੱਜ ਬਣੀਆਂ ਡਿੰਪਲ ਗਰਗ ਪੁੱਤਰੀ ਗਿਆਨ ਚੰਦ ਤੇ ਓਪਾਸਨਾ ਗੋਇਲ ਪੁੱਤਰੀ ਰਕੇਸ਼ ਕੁਮਾਰ ਨੂੰ ਸਿਰੋਪਾਓ ਅਤੇ ਸਨਮਾਨ ਚਿੰਨ੍ਹ ਦੇਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਡਿੰਪਲ ਗਰਗ ਤੇ ਉਪਾਸਨਾ ਗੋਇਲ ਨੇ ਕਿਹਾ ਕਿ ਅਸੀਂ ਵਾਹਿਗੁਰੂ ਦਾ ਬਹੁਤ ਬਹੁਤ ਸ਼ੁਕਰ ਕਰਦੇ ਹਾਂ ਕਿ ਵਾਹਿਗੁਰੂ ਨੇ ਸਾਨੂੰ ਇਸ ਮੁਕਾਮ ਤੇ ਪਹੁੰਚਾਇਆ ਹੈ। ਉਨ੍ਹਾਂ ਕਿਹਾ ਕਿ ਉਹ ਇਨਸਾਫ਼ ਦੇ ਮੰਦਿਰ ਵਿੱਚ ਇਨਸਾਫ਼ ਦੀ ਕਸੌਟੀ ਤੇ ਖਰਾ ਉਤਰਨ ਵਿੱਚ ਕੋਈ ਕਸਰ ਬਾਕੀ ਨਹੀਂ ਛੱਡਣਗੀਆਂ। ਉਨ੍ਹਾਂ ਕਿਹਾ ਕਿ ਅਜੋਕੇ ਸਮੇਂ ਕੁੜੀਆਂ ਮੁੰਡਿਆਂ ਦੇ ਮੁਕਾਬਲੇ ਮੁਕਾਮ ਹਾਸਲ ਕਰ ਰਹੀਆਂ ਹਨ। ਇਸ ਮੌਕੇ ਵਿਸ਼ਕਰਮਾ ਭਵਨ ਕਮੇਟੀ ਦੇ ਪ੍ਰਧਾਨ ਹਰਵਿੰਦਰ ਸਿੰਘ ਦਿਉਸੀ, ਅਜਾਇਬ ਸਿੰਘ ਸੱਗੂ, ਜਥੇਦਾਰ ਮੁਖਤਿਆਰ ਸਿੰਘ,ਬਰਮਾਨੰਦ ਬਿੱਟੀ, ਹਰਦੇਵ ਸਿੰਘ ਸੱਗੂ, ਤਰਲੋਕ ਸਿੰਘ ਵਕੀਲ, ਜੁਆਲਾ ਸਿੰਘ ਦਿਉਸੀ, ਸ਼ਮਸ਼ੇਰ ਸਿੰਘ ਸੌਂਧ, ਸੰਦੀਪ ਸਿੰਘ ਦਿਓਸੀ, ਦਲਵਿੰਦਰ ਸਿੰਘ ਭੋਡੇ, ਸੁਖਪਾਲ ਸਿੰਘ ਬੰਟੀ, ਸੁਰਿੰਦਰਪਾਲ ਸਿੰਘ ਦਿਓਸੀ,ਚਰਨਜੀਤ ਸਿੰਘ ਜੰਡੂ, ਕੁਲਦੀਪ ਸਿੰਘ ਸੱਗੂ, ਮਾਨ ਸਿੰਘ ਮਠਾੜੂ, ਹਰਦੇਵ ਸਿੰਘ ਦਿਓਸੀ, ਗੁਰਚਰਨ ਸਿੰਘ, ਮੱਖਣ ਸਿੰਘ, ਬੀਰਬਲ ਸਿੰਘ ਤੇ ਸੁਖਮਨੀ ਸਾਹਿਬ ਸੁਸਾਇਟੀ ਦੀਆਂ ਬੀਬੀਆਂ ਹਾਜ਼ਰ ਸਨ।