ਬੈਂਗਲੁਰੂ : ਕਰਨਾਟਕ ਵਿੱਚ ਕਾਂਗਰਸ ਦੀ ਅਗਵਾਈ ਵਾਲੀ ਸਰਕਾਰ ਨੂੰ ਵੱਡਾ ਝਟਕਾ ਲੱਗਾ ਹੈ। ਦਰਅਸਲ ਕਰਨਾਟਕ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਰਾਜ ਵਿਧਾਨ ਪ੍ਰੀਸ਼ਦ ‘ਚ 1 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਆਮਦਨ ਵਾਲੇ ਮੰਦਰਾਂ ਦੀ ਆਮਦਨ ‘ਤੇ 10 ਫੀਸਦੀ ਟੈਕਸ ਲਗਾਉਣ ਦਾ ਬਿੱਲ ਪੇਸ਼ ਕੀਤਾ ਸੀ, ਜਿਸ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਬਿੱਲ ਦੋ ਦਿਨ ਪਹਿਲਾਂ ਰਾਜ ਵਿਧਾਨ ਸਭਾ ਵਿੱਚ ਪਾਸ ਕੀਤਾ ਗਿਆ ਸੀ। ਇਸ ਬਿੱਲ ਨੇ ਕਰਨਾਟਕ ‘ਚ ਵੱਡਾ ਵਿਵਾਦ ਖੜ੍ਹਾ ਕਰ ਦਿੱਤਾ ਹੈ ਅਤੇ ਭਾਜਪਾ ਨੇ ਕਾਂਗਰਸ ‘ਤੇ ਸੂਬੇ ‘ਚ ਹਿੰਦੂ ਵਿਰੋਧੀ ਰਣਨੀਤੀਆਂ ਅਪਣਾਉਣ ਦਾ ਦੋਸ਼ ਲਾਇਆ ਹੈ। ਕਰਨਾਟਕ ਵਿੱਚ ਭਾਜਪਾ ਦੀ ਆਗਵਾਈ ਵਾਲੇ ਰਾਸ਼ਟਰੀ ਜਮਹੂਰੀ ਗਠਜੋੜ ਕੋਲ ਵਿਧਾਨ ਪ੍ਰੀਸ਼ਦ ਜਾਂ ਉੱਚ ਸਦਨ ਵਿੱਚ ਸੱਦਾਧਾਰੀ ਸਰਕਾਰ ਨਾਲੋਂ ਵੱਧ ਗਿਣਤੀ ਹੈ। ਕਾਂਗਰਸ ਕੋਲ 30 ਐਮਐਲਸੀ, ਭਾਜਪਾ ਕੋਲ 35 ਐਮਐਲਸੀ, ਐਠ ਐਮਐਲਸੀ ਜੇਡੀ (ਐਸ) ਦੇ ਹਨ ਅਤੇ ਇੱਕ ਆਜ਼ਾਦ ਉਮੀਦਵਾਰ ਹੈ ਕੌਸਲ ਵਿੱਚ ਇੱਕ ਸੀਟ ਖਾਲੀ ਹੈ