ਪਟਿਆਲਾ : ਸ਼ਹਿਰ ਪਟਿਆਲੇ ਦੇ ਮੁੰਡੇ ਮੁੱਛ ਫ਼ੁੱਟ ਗੱਭਰੂ ਨੇ ਸੋਹਣੇ, ਗੀਤ ਦੇ ਗੀਤਕਾਰ ਅਤੇ ਪੰਜਾਬੀ ਗਾਇਕ ਦੇ ਖੇਤਰ ਨੂੰ ਮਿਆਰੀ ਗੀਤ ਦੇਣ ਵਾਲੇ ਮਕਬੂਲ ਗੀਤਕਾਰ ਗਿੱਲ ਸੁਰਜੀਤ ਇਸ ਦੁਨੀਆ ਤੋਂ ਰੁਖਸਤ ਹੋ ਗਏ ਹਨ। 74 ਸਾਲਾ ਗਿੱਲ ਸੁਰਜੀਤ ਪਿਛਲੇ ਸਮੇਂ ਤੋਂ ਬੀਮਾਰ ਸਨ। ਉਨ੍ਹਾਂ ਨੇ ਪਟਿਆਲਾ ਵਿਖੇ ਆਪਣੀ ਰਿਹਾਇਸ਼ ’ਤੇ ਅੱਜ ਆਖ਼ਰੀ ਸਾਹ ਲਏ। 1989 ਵਿੱਚ ਉਨ੍ਹਾਂ ਦਾ ਲਿਖਿਆ ਗੀਤ ‘ਸ਼ਹਿਰ ਪਟਿਆਲੇ ਦੇ ਮੁੰਡੇ ਮੁੱਛ ਫ਼ੁੱਟ ਗੱਭਰੂ ਨੇ ਸੋਹਣੇ’ ਕਾਫ਼ੀ ਹਿੱਟ ਹੋਇਆ ਸੀ। ਇਸ ਤੋਂ ਇਲਾਵਾ ਗਿੱਲ ਸੁਰਜੀਤ ਨੇ ਕਾਫ਼ੀ ਗੀਤ ਲਿਖੇ ਜੋ ਕਿ ਬਹੁਤ ਪਸੰਦ ਕੀਤੇ ਗਏ। ਉਨ੍ਹਾਂ ਦਾ ਇਕ ਲੜਕਾ ਆਸਟੇ੍ਰਲੀਆ ਵਿਖੇ ਰਹਿੰਦਾ ਹੈ ਅਤੇ ਉਨ੍ਹਾਂ ਦੀ ਪੁਤਰੀ ਪਟਿਆਲਾ ਨੇੜਲੇ ਪਿੰਡ ਸ਼ੇਰਮਾਜਰਾ ਵਿਖੇ ਵਿਆਹੀ ਹੋਈ ਹੈ। ਪੰਜਾਬੀ ਗਾਇਕੀ ਦੇ ਖੇਤਰ ਵਿਚ ਗਿੱਲ ਸੁਰਜੀਤ ਨੂੰ ਹਮੇਸ਼ਾ ਯਾਦ ਕੀਤਾ ਜਾਵੇਗਾ।