Poonam Pandey ਵਿਰੁਧ ਦਰਜ ਹੋਇਆ ਪੁਲਿਸ ਕੇਸ

ਨਵੀਂ ਦਿੱਲੀ : ਅਦਾਕਾਰਾ ਅਤੇ ਮਾਡਲ Poonam Pandey ਸੁਰਖੀਆਂ ਵਿੱਚ ਰਹਿਣ ਲਈ ਅਕਸਰ ਕੁੱਝ ਨਾ ਕੁੱਝ ਕਰਦੀ ਰਹਿੰਦੀ ਹੈ। ਜ਼ਿਕਰਯੋਗ ਹੈ ਕਿ ਕੁੱਝ ਦਿਨ ਪਹਿਲਾਂ Poonam Pandey ਨੇ ਕੈਂਸਰ ਦਿਵਸ ’ਤੇ ਸਰਵਾਈਕਲ ਕੈਂਸਰ ਕਾਰਨ ਆਪਣੀ ਮੌਤ ਦੀਆਂ ਝੂਠੀਆਂ ਖ਼ਬਰਾਂ ਫ਼ੈਲਾ ਦਿੱਤੀਆਂ ਅਤੇ ਬਾਅਦ ਵਿੱਚ ਇਹ ਖ਼ਬਰ ਫ਼ਰਜ਼ੀ ਨਿਕਲੀ ਪਰ ਮੌਤ ਦੀ ਇਸ ਫ਼ਰਜ਼ੀ ਖ਼ਬਰ ਫ਼ੈਲਾ ਦੇਣ ਕਾਰਨ ਹੁਣ ਪੂਨਮ ਪਾਂਡੇ ਇਕ ਨਵੀਂ ਮੁਸੀਬਤ ਵਿੱਚ ਫ਼ਸ ਗਈ ਹੈ। ਪ੍ਰਾਪਤ ਹੋਈ ਜਾਣਕਾਰੀ ਮੁਤਾਬਿਕ ਕਾਸ਼ਿਫ਼ ਖ਼ਾਨ ਦੇਸ਼ਮੁਖ ਨਾਂ ਦੇ ਵਕੀਲ ਨੇ Poonam Pandey ਵਿਰੁਧ ਪੁਲਿਸ ਕੋਲ ਸ਼ਿਕਾਇਤ ਕਰ ਦਿੱਤੀ ਹੈ। ਇਸ ਤੋਂ ਇਲਾਵਾ Poonam Pandey ਦੀ ਮੈਨੇਜਰ ਨਿਕਿਤਾ ਸ਼ਰਮਾ ਵਿਰੁੱਧ ਐਫ਼.ਆਈ.ਆਰ. ਦਰਜ ਕਰਨ ਦੀ ਮੰਗ ਵੀ ਕੀਤੀ ਗਈ ਹੈ।
ਜ਼ਿਕਰਯੋਗ ਹੈ ਕਿ 1 ਫ਼ਰਵਰੀ ਨੂੰ ਵੱਖ ਵੱਖ ਮੀਡੀਆ ਪਲੇਟਫ਼ਾਰਮ ’ਤੇ Poonam Pandey ਦੀ ਸਰਵਾਈਕਲ ਕੈਂਸਰ ਕਾਰਨ ਮੌਤ ਹੋਣ ਦੀ ਖ਼ਬਰ ਫ਼ੈਲ ਗਈ ਸੀ। ਇਥੋਂ ਤੱਕ ਕਿ Poonam Pandey ਦਾ ਸਸਕਾਰ ਕਿਥੇ ਹੋਵੇਗਾ ਬਾਰੇ ਵੀ ਜਾਣਕਾਰੀ ਦੇ ਦਿੱਤੀ ਗਈ ਸੀ। ਇਸ ਸਬੰਧੀ ਕੁੱਝ ਹਸਤੀਆਂ ਨੇ ਟਵਿਟ ਕਰ ਕੇ Poonam Pandey ਦੀ ਮੌਤ ’ਤੇ ਡੁੰਘੇ ਦੁੱਖ ਦਾ ਇਜ਼ਹਾਰ ਵੀ ਕੀਤਾ ਸੀ। ਇਸ ਸੱਭ ਕੁੱਝ ਦੇ ਚਲਦਿਆਂ ਕੁੱਝ ਬਾਅਦ Poonam Pandey ਨੇ ਆਪਣੇ ਜਿੰਦਾ ਹੋਣ ਦੀ ਖ਼ਬਰ ਫ਼ੈਲਾ ਦਿੱਤੀ ਜਿਸ ਕਾਰਨ ਸਭ ਹੈਰਾਨ ਰਹਿ ਗਏ।
ਦੱਸਣਯੋਗ ਹੈ ਕਿ ਮਹਾਰਾਸ਼ਟਰ ਦੇ ਵਿਧਾਇਕ ਸਤਿਆਜੀਤ ਟਾਂਬੇ ਨੇ ਵੀ Poonam Pandey ਵੱਲੋਂ ਫ਼ੈਲਾਈ ਅਜਿਹੀ ਖ਼ਬਰ ਨੂੰ ਲੈ ਕੇ ਉਸ ਉਪਰ ਪੁਲਿਸ ਕੇਸ ਦਰਜ ਕਰਨ ਦੀ ਮੰਗ ਕੀਤੀ ਸੀ। ਵਿਧਾਇਕ ਸਤਿਆਜੀਤ ਟਾਂਬੇ ਨੇ ਕਿਹਾ ਕਿ ਦੂਜਿਆਂ ਨੂੰ ਅਜਿਹੇ ਸਟੰਟ ਕਰਨ ਤੋਂ ਰੋਕਣ ਲਈ ਕੇਸ ਦਰਜ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਆਲ ਇੰਡੀਆ ਸਿਨੇ ਵਰਕਰਜ਼ ਐਸੋਸੀਏਸ਼ਨ ਨੇ ਵੀ ਪੂਨਮ ਪਾਂਡੇ ਦੀ ਆਲੋਚਨਾ ਕਰਦਿਆਂ ਉਸ ਵਿਰੁਧ ਐਫ਼.ਆਈ.ਆਰ. ਦਰਜ ਕਰਨ ਦੀ ਮੰਗ ਕੀਤੀ ਹੈ।